Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
सिरिमुनिसुव्वयजिणिदचरियं
अन्ने वि ह कइवि दिणे अज्जाओ तत्थ संवसेऊण। वंदिज्जंतीयो निवेण जंति तत्तो विहारम्मि ।।५२४९।। पन्नाइ उज्जमण य विणएण य वज्जकुंडलणगारो । निय नामं व समग्गं दुवालसंग कुणड सिग्धं ।।५२५०।। अणुओगमणुन्ना ठावेऊणं च गणहर-पयम्मि । तह जिणमित्ताईयं समप्पिऊणं च परिवारं ।।५२५२।। देसेसु विसज्जड वज्जकुंडलं गणहरं विहारेण । विमलजसो सूरिवरो सयं पि अन्नत्थ विहरेइ ।।५२५२।। अह वज्जकुंडलगणी अप्पाणं संजमेण य तवेण । भावेमाणो नाणाविहदेसेसुं विहरिऊण ।।५२५३।। पडिबोहमणगाणं काऊणं भवियकमलसंडाणं । नाऊण सयबलेणं नियड निय आउपज्जतं ।।५२५४।। ठविऊण नियठाणे तहाविहं कं पि गुणगणनिहाणं । अणगारं तस्स गणं समप्पिऊण समग्गं पि ।।५२५५।। काऊण विचित्तेणं तवेण संलेहणं सरीरस्स । कोहाइकसायाण य नीलम्मि नगम्मि गंतण ।।५२५६।। पच्चक्खिऊण भत्तं मासं दियहाण अणसणं काउं। पाओवगमणपुव्वं कालं पत्तो समाहीए ।।५२५७।। कप्पम्मि बंभलोए उप्पन्नो सुरवरो महिड्ढीओ। दससागरोवमाऊ तत्थ वि भंजइ विउलभोए ।।५२५८।।
इय सिरिमुणिसुव्वयजिणिदचरिए सिरिसिरिचंदसूरिविरइए पंचमं छठं च भवग्गहणं समत्तं सिरिम निसुव्वयजिणिदस्स सप्तमो भवो सिरिवम्मकुमार चरियं-- पंचमओ तह छट्टो सिरिमणिसुव्वजिणिंदचरियम्मि । कहिओ मए भवो सत्तमं तु इन्हि पवक्खामि ।।५२५९।। एत्थेव जंबद्दीवे भारहवासम्मि दाहिणे अद्धे । मज्झिम-खंडे वर-गाम-नयरनियरेहि संकिन्नो ।।५२६०।। देसो अस्थि समिद्धो सुपसिद्धो सयलमेइणीवलए । नामेण सुरसेणो कणेहिं सूरो बहुविहेहिं ।।५२६१।। जलयागमस्स समए घणमालासामलस्स गयणस्स । परिभमिरबलायावलयकलियबहुमज्झभायस्स ।।५२६२।। उबहइ सिरि पसरियनवहरियं जत्थ मेइणी वलयं । सइरं वियरंतअणेयधवलगोमंडलाइन्नं ।।५२६३।। सरए सियभ-निब्भरनहंगणाभोयविब्भमं वहइ । नवकलम-सालि-तंदुल-रासीहिं कुडुम्बिखलभूमी ।।५२६४।। हेमंतम्मि महाहिमहया वि संधिज्जए कमललच्छी । जत्थ जलागयजुवई वयणेहि खणं सरवरेसु ।।५२६५।। सिसिरम्मि काणणाणं तलेसु घणपडियपन्नपूरेसु । सिहरेसु नवुग्गयबहलपल्लवुल्लसियसोहेसु ।।५२६६।। चंकमणकिलंताणं मज्झन्हदिणिदतवियपहियाण । अकयपयत्ताण वि होंति सत्थरासीयलच्छाया ।।५२६७।। महरा वि परयरवा जत्थ वसंतम्मि तरुणपहियाण । संभरिय-पिययमा जंपियाण उब्वेयया होति ।।५२६८।। गिम्हम्मि वि उम्हघणे दिया वि दीहरपहे वि पहियजणो । आसन्नासन्नजलासयम्मि न कुणइ जलुबहणं ।५२६९। ठाणट्ठाणा वारियसत्ते लब्भंतमणहरा हारे । नाणाविहासु देसियकुडीसु संपत्तसुहवासे ।।५२७०।। मोहंधमणुयकारियकामुयजणदइयकामसत्तेसु । जुवइजणसंगमसुहे मुहाए संपज्जमाणम्मि ।।५२७१।। आरोग्गसालनिवहे सव्वचिगिच्छं गगणसमाइन्ने । नीरोगी कीरंतेसु सायरं रोगिपुरिसेसु । ।५२७२।। इय सव्वपयारेहि जम्मि समुप्पज्जमाणदेहसुहा । चिरपवसिया वि पहिया नियगेहसुहस्स न सरंति ।।५२७३।। इय एवमाइबहुगुणसुहए देसम्मि अत्थि पुरी। चंदउरी नामेण रमणिज्जा अमयनयरि व्व ।।५२७४।। बहु बुहगुरु-कइरिसिगणसहिया हसइ व्व जा सुरिंदउरि । एक्केक्क कइगुरुबुहं समन्नियं सहि रिसीहि।।५२७५ ।। देसे कत्थइ जं अत्थि किं पि सव्वं पि वत्थ तं तत्थ । कप्पतरुलयाए इव पाविज्जइ पुन्नवंतेहिं ।।५२७६।। तं नयरिं परिवालइ राया नरपुंगवो जयप्पयडो । अनिवारियकरपसरो सया विवाएय चावे य ।।५२७७।। वियडीरउकरोडघडकरडपाडणप्पयडपारिसप्पसरा। पसरतसियजसोहो सोहोहामियतियसनाहीं ।।५२७८॥ सव्वावरोहपवरा तस्स नरिंदस्स सहयरी आसि । पुन्नसिरी नामेणं पुन्नससिच्छायमहकमला ।।५२७९।। तीए समनिओ सो महानरिदो विरायइ जणम्मि। मयरद्धओ व्व नियभारियाए समलंकिओ सक्खं ।।५२८०।। पंचप्पयारनिरुवम-विसयसुहासत्तमाणसाण तओ। जिणधम्मरयाण य ताण वासरा अइगया बहुया ।।५२८१।।
Jain Education International
For Private & Personal Use Only
www.jainelibrary.org
Loading... Page Navigation 1 ... 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 