Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
१५२
वज्जकुंडलचरियं जाणावइ मणिचूडं वेयड्ढनगम्मि सेसखयरेवि । संगामसीहपमुहे पेसेउं तत्थ खयरदुगं ।।४८९७।। तत्तो नायसरूवा समागया ते वि रायपासम्मि । तो अरिसीहकुमारं रज्जे अहिसिंचइ नरिंदो ।। ४८९८।। विमलमई सहममइस्स नंदणं ठावए य मंति-पए। अहि-अरिसीहरिदस्स रज्जलोयं समप्पड ॥४८९२।। अरिसीहमहाराओ जिणहर-पूया इयं महामहिमं । कारेइ विभूईए निक्खमणे चंदकित्तिस्स ।।४९०० ।। अह कय सुहसिंगारो आरूढो मत्तसिंधुरक्खंधे । गंतूण सूरिपासे गिन्हइ दिक्खं निवो झत्ति ।। ४९००१ सुहुममइमंतिपमुहा पुरिससयातिन्नि निवइणा सद्धि । पव्वइया भूगोयरखेयरवग्गाण मज्झाओ ।।४९०२।। देवीओ वि पभावइ पमुहाओ सपरिवारसहियाओ। गिन्हंति वयं संसारदुक्खनिम्विन्नहिययाओ ।।४९०३।। जह चंकमणं ठाणं भोयण-सयणासणं च कायव्वं । जह भासियव्वमेमाइसिक्खवेऊणसव्वं पि ।।४९०४।। जइजणकिरियं गुणसिरिपवत्तिणीए समप्पए सूरी । गुणभद्दो पंचसए पभावई पमुहअज्जाणं ।।४९०५।। साहूण चंदकित्तिप्पमुहाणं सयतिगं सपासम्मि । सिक्खविऊणं किरियं अज्झावइ अइपयत्तेण ।।४९०६।। साहू य चंदकित्ती बारसअंगाइथेवदियहहिं । पडिपुन्नाइं अहिज्जइ अह सूरिपए पइट्टविओ ।।४९०७।। सो नियगुरुणा तं चिय समप्पिउं सयतियं सुसाहूणं । अह चंदकित्तिसूरी विहरइ सह तेहि देसेसु ।। ४९०८।। पडिबोहंतो बहु भविय-कमल-संडाई चंदभाणु व्व । दिक्खेउं बहुसीसे सुहअज्झवसाण संपन्नो ।। ४९०९।। उप्पन्नविमलनाणो सूरिपए ठाविउं नियं सीसं । मासं विहियाणसणो धूय-कम्मो सो सिवं पत्तो ।।४९१०।। एत्थंतरम्मि मउलिय-कर-जुयलं मत्थए निवेसेउं । कुणइ पणामं सिरिचंदकित्तिणो सूरिणो कुमरो ।।४९११।। सो वज्जकुंडलो तह जिणमित्तं सावगं पसंसेइ । जह अज्ज तए अम्हे अमयरसेणेव संसित्ता ।। ४९१२।। सिरिचंदकित्तिचरियं जं कहियं वित्थरेण इय एवं । तो जिणमित्तो पभणइ अज्ज वि संखित्तमेवेयं ।। ४९१३।। तुम्ह मए परिकहियं तेण पुणो सुजससूरिणा तइया । मासेणं दियहाणं सवित्थरं एयमक्खायं ।।४९१४।। पुव्वभवरिद्धिवन्नणनियकारियपूयदंसणपमोओ । रायभवजणय-जणणीवन्नणसुमिणाइवन्नणयं ।।४९१५।। गब्भम्मि डोहलो जम्मकालवद्धावणं कलागहणं । जोव्वण-कीलावन्नण-रज्जहिसेयाइयं सव्वं ।। ४९१६।। तेहि अइवित्थरेण कहियं मुक्कं मए पुण समग्गं । पुव्विल्लं रज्जाओ आरम्भ निवेइयं तुम्ह ।।४९१७।। तो वज्जकुंडलेणं भणियं जिणमित्त तुज्झ वि न तुच्छा। अवहारणम्मि सत्ती जेण तए एत्तियं कहियं ।।४९१८।। इय भणिऊणं दिन्नाइं तस्स वत्थाई कणयसंकलिया । हत्थकडयाइं चारुयबीडं कुमरेण तुट्टेण ।।४९१९।। अह जंपियं सुहासयपुरिसेणं कुमररंजिएण तए। दिन्नं एयस्स इमं अहं तु किं देमि तुट्ठो वि ।।४९२० ।। जस्स मह नत्थि किं चि वि भणियं तो वज्जकुंडलेणेवं । मज्झ वि पासाउ तए बहु चिट्ठइ दिन्नमेयस्स ।। ४९२१।। सो जंपइ कह एवं बेइ कुमारो न जो तुम देसि । कस्सइ पसंसवयणं पसंसिओ तेण एस तए ।।४९२२।। तेण भणियं पसंसा करेइ कि दाणवज्जिया संती । कुमरेण तओ भणियं तं जायइ नेय दाणेण ।।४९२३।। जं होइ पसंसाए सो भणइ कुमार जाणिओ तसि । जेण पसंसं पुरओ करेसि निदेमि दाणं तु ।। ४९२४।। कुमरेण तओ भणियं कहेह किं कारणं तए नायं । सो भणइ कारणमिणं न किपि इच्छसि तुम मज्झ ।। दाउं कवड्डियं पि हु निग्गमिउं केवलं पसंसाए । वंछसि तो तीए न किंपि मे विज्जए कज्ज ।।४९२६।। गालीसयं पि दिज्जसु अम्ह तुमं बहुयदविणदाणजुयं । बहुयाहिं वि गालीहिं देहाउ न फिट्टए खंडं ।।४९२७।। दव्वेण पुणो गेहे अल्लानिल्लाय होइ सारवणा । कीरंति विलासा बहुविहाय हियइच्छिया तेण ।। ४९२८ ।। इच्चाइ तेण सद्धि केली किल केलिएण कुणमाणो । सुवियड्ढवयणगोट्टि जा चिट्ठइ चक्किणो तणओ ।। ४९२९।।
Jain Education International
For Private & Personal Use Only
www.jainelibrary.org
Loading... Page Navigation 1 ... 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 