________________ 16 લેખકશ્રીએ બિનજરૂરી ખૂબ ભ્રમણાઓ ફેલાવીને ભવ્યાત્માઓને ગુમરાહ કર્યા છે. તેથી તેમની વાતોની સમીક્ષા કરવાની આવશ્યકતા ઊભી થઈ છે. શાસ્ત્રીય પદાર્થોનો બોધ જેમનો ઓછો છે, તેમને સરળતાથી બધા વિષયો સમજાય એ માટે મિથ્યાત્વ-મિથ્યાત્વી, વ્યવહાર-નિશ્ચય સમ્યકત્વ વગેરે મુદ્દાઓને અહીં વિસ્તારથી વિચારવા છે. જેનો ક્રમ નીચે મુજબ છે. - મિથ્યાત્વનું સ્વરૂપ અને તેના પ્રકાર - મિથ્યાત્વ-મિથ્યાત્વી અંગે શાસ્ત્રકારોના અભિપ્રાયો - સમ્યકત્વનું સ્વરૂપ અને વ્યવહાર-નિશ્ચયથી સમ્યકત્વનું સ્વરૂપ - સત્ય એક તરફ જ હોય - “ગુરુતત્ત્વ વિનિશ્ચય' આદિ ગ્રંથોના પાઠો અંગે વિચારણા - અષ અંગે પરિશીલન - વિરોધ એ એકાંતે સાધનાનો વિરોધાભાસ છે કે સત્યનો રક્ષક પણ - સંઘર્ષ ક્યાં અને સમન્વય ક્યાં? - મતાગ્રહ અને તત્ત્વાગ્રહનો વિવેક - શ્રીપતંજલિ ઋષિ વગેરેને “મહામુનિ' કેમ કહ્યા ? = મુદ્દો તિથિનો નથી છતાં કહેવાય તો તિથિનો જ. તિથિ અંગેના શાસ્ત્રપાઠો, સાચા જીતવ્યવહારના લક્ષણો, લવાદી ચર્ચાનો સાર અને પૂર્વના પૂ. મહાપુરુષોના અભિપ્રાયો અમારા પૂર્વનિર્દિષ્ટ બે પુસ્તકોમાં આપવામાં આવેલ છે. = x = x =
