________________ પ્રકરણ - 1 : મિથ્યાત્વ એટલે મિથ્યાત્વ = હલાહલ વિષ ધર્મમાં અધર્મસંજ્ઞા કરાવે છે...ઉન્માર્ગમાં માર્ગસંજ્ઞા કરાવે છે. માર્ગમાં ઉન્માર્ગસંજ્ઞા કરાવે છે. અજીવમાં જીવસંજ્ઞા અને જીવમાં અજીવ સંજ્ઞા કરાવે છે...અસાધુમાં સાધુસંજ્ઞા અને સાધુમાં અસાધુસંજ્ઞા કરાવે છે... - મિથ્યાત્વવિવિધ પ્રકારના નયોમાંથી કોઈ એકાદ નયને અથવા તો કોઈ એક નયના એક અંશને એકાંતે પકડાવે છે અને અન્ય નયો કે એક નયના અન્ય અંશોનો અપલાપ કરાવે છે. - મિથ્યાત્વ.શ્રીજિનેશ્વર પરમાત્માના ત્રિકાલાબાધિત વચનોમાં એ સત્ય હશે કે નહીં? - તેમાં પ્રરૂપિત પદાર્થો સાચા હશે કે કાલ્પનિક હશે ! એવી શંકા કરાવે છે? - મિથ્યાત્વ...સુદેવાદિ અને કુદેવાદિને તથા સુદર્શન અને કુદર્શનને એક સમાનશ્રદ્ધાથી જોવડાવાનું કામ પણ કરે છે. ટૂંકમાં એ તત્ત્વ-અતત્ત્વના વિવેકને આવરે છે. - મિથ્યાત્વ...કુતર્કોનો પક્ષપાત કરાવીને અને વિતંડાવાદનો આશરો લેવડાવીને વ્યગ્રાહિત બનાવે છે. સત્ય-અસત્યનો નિર્ણય કરવા દેતું નથી. પકડેલા અસત્ય પ્રત્યે વ્યક્ઝાહિત રાખે છે. - મિથ્યાત્વ-ઉન્માર્ગની, મિથ્યાધર્મની, કુદેવાદિની, મિથ્યાદર્શન અને અપસિદ્ધાંતોની રૂચિ કરાવે છે. - મિથ્યાત્વ..આત્મા માટે તદ્દન પ્રતિકૂળ એવા પાપો-અધર્મોદોષો-ભોગો આદિ ઉપર રૂચિ કરાવે છે અને ધર્મ-ગુણ-સંયમ-મોક્ષ આદિ ઉપર અરૂચિ કરાવે છે. - મિથ્યાત્વ.મિથ્યાધર્મોને જ શરણરૂપ મનાવડાવાનું કામ કરે છે. - મિથ્યાત્વ...બુદ્ધિમાં મતિભેદ ઊભો કરે છે. તેના કારણે શ્રીજિનેશ્વર પરમાત્માના વચનને ક્યાં તો મૂળથી સ્વીકારાતું નથી અથવા તો ખોટી રીતે ગ્રહણ કરે છે.
