________________ મિથ્યાત્વ એટલે મિથ્યાત્વ = હલાહલ વિષ જ્યારે અનાભિગ્રહિક, સાંશયિક અને અનાભોગ મિથ્યાત્વમાં જે વિપરીત અવધારણ રૂપ વિપર્યાસ પેદા થયો છે, તે યોગ્ય પ્રયત્નો દ્વારા નિવર્તનીય (દૂર થાય તેવો) હોવાના કારણે તે ત્રણ મિથ્યાત્વ ક્રૂર અનુબંધના ફળવાળાં હોતાં નથી. - મિથ્યાત્વના અન્યશૈલીથી છ પ્રકાર પણ બતાવ્યા છે તે નીચે મુજબ છે - 2 મિથ્યાત્વના છ પ્રકાર : પૂજ્યપાદ મહોપાધ્યાય શ્રીયશોવિજયજી મહારાજાએ “મિથ્યાત્વ પાપ સ્થાનક” સક્ઝાયમાં મિથ્યાત્વના છ પ્રકાર નીચે મુજબ જણાવ્યા છે. લોક લોકોત્તર ભેદ એ ષવિધ, દેવ ગુરુ વળી પર્વજી, સંગતિ-તિહાં લૌકિક ત્રણ આદર, કરતાં પ્રથમ તે ગર્વ છે, લોકોત્તર દેવ માને નિયાણે, ગુરુ જે લક્ષણ હીણા જી, પર્વનિષ્ઠ ઇહ લોકને કાજે, માને ગુરુપદ-લીના જી.” (5) (1) લૌકિક દેવવિષયક મિથ્યાત્વ: હરિહર, બ્રહ્મા, વિષ્ણુ આદિ લૌકિક દેવોને પ્રણામાદિ કરવા, પૂજાદિ કરવા કે તેમના મંદિર આદિમાં જવું, તે લૌકિક દેવવિષયક મિથ્યાત્વ છે. (2) લૌકિક ગુરુવિષયક મિથ્યાત્વ: પરિવ્રાજક, સંન્યાસી, તાપસ આદિ લૌકિક ગુરુઓને પ્રણામાદિ કરવા, પૂજાદિ કરવા કે તેમની કથાનું શ્રવણ કરવું, તે લૌકિક ગુરુવિષયક મિથ્યાત્વ છે.
