________________ 2 પ્રકરણ - 4H સત્ય એક તરફ જ હોય લેખકશ્રી પ્રસ્તાવનામાં લખે છે કે... - બે તિથિપક્ષ એમ કહે છે કે, “અમે સાચી તિથિ કરીએ છીએ, તમે ખોટી કરો છો, માટે તમે મિથ્યાત્વી !" - એક તિથિપક્ષ એમ કહે છે કે, “અમે સાચી તિથિ કરીએ છીએ, તમે ખોટી કરો છો, માટે તમે મિથ્યાત્વી.” - આટલું લખીને કયો પક્ષ સાચો છે એ જણાવવાના બદલે આખા પુસ્તકમાં મિથ્યાત્વ-મિથ્યાત્વીની જ ચર્ચા કરી છે. કોઈ જગ્યાએ કોઈ વિષયને સ્પષ્ટ લખ્યો નથી. વાચકને ગુંચવાડામાં નાંખવાની જ કોશિશ થઈ છે. વિશેષમાં લેખકશ્રીએ વ્યવહાર અને નિશ્ચય સમ્યકત્વના વિષયને સંકીર્ણ કરીને સત્યને એકદમ મારી નાંખવાનો પ્રયત્ન કર્યો છે. તદુપરાંત, વર્તમાનમાં ચાલતો “તિથિનો વિવાદ' એ આચરણાનો વિવાદ છે કે માન્યતાનો વિવાદ છે? એ પણ જણાવવાનું કામ કર્યું નથી. લેખકશ્રીએ એ વાત ખાસ જણાવવાની જરૂર હતી, વળી, વ્યવહાર નય અને નિશ્ચયનયના દૃષ્ટિકોણને પણ સ્પષ્ટ કર્યા નથી. આવું કેમ કરવું પડ્યું? એવો સવાલ ભવ્યાત્માઓને જરૂરથી થઈ શકે! તેનો જવાબ એ જ છે કે, એ બધું સ્પષ્ટ કરે તો પોતે અસત્યમાં બેઠા છે, એ વાત ખુલ્લી થઈ જાય તેમ છે. તેથી જ આખા મુદ્દાને ગુંચવી નાંખ્યો છે. આપણે એની પૂર્વે વિસ્તારથી વિચારણા કરી જ છે. આગળ પણ કરીશું. = તિથિ અંગે સાચું કોણ? તિથિ અંગે સાચો નિર્ણય ક્યારનોય આવી જ ગયો છે. અનેક શાસ્ત્રપાઠો મોજૂદ છે અને લવાદીચર્ચામાં એકદમ સ્પષ્ટ ખુલાસા થઈ જ
