________________ પ્રકરણ - 5 ગુરુતત્ત્વવિનિશ્ચય આદિ ગ્રંથોના પાઠો અંગે વિચારણા 103 ગુજરાતી અનુવાદ પણ થયેલો છે. જેને સત્ય જાણવું હોય તેને માટે તે હાજર જ છે. અમારા તિથિ અંગે સત્ય અને કુતર્કોની સમાલોચના' પુસ્તકના અંશો પણ પાછળ પરિશિષ્ટમાં આપવામાં આવ્યા છે. (અહીં નોંધનીય છે કે, જાણવા મળ્યા મુજબ એ “જૈનદષ્ટિએ તિથિદિન...” દળદાર પુસ્તકગ્રંથનું સંપાદન કરવામાં પૂ.આ.ભ. શ્રીભુવનભાનુસૂરિજી મ. સા.નું પણ યોગદાન હતું.) (iv) લેખકશ્રીથી પૂર્વના સંસ્કારો કે સાચું સાંભળેલાના સંસ્કારોથી કેટલીક વાતો સાચી લખાઈ ગઈ છે. પરંતુ એને સ્પષ્ટ સ્વીકારવાની નિખાલસતા જોવા મળતી નથી . (5) તેઓ પૃ. 45 ઉપર લખે છે કે “જિનાજ્ઞાથી વિપરીત પદાર્થમાં પણ સમ્યગ્દષ્ટિ આત્મા શ્રદ્ધા કરી બેસે, છતાં એના સમ્યકત્વને આંચ ન આવે. આવી (વિપરીત) શ્રદ્ધા થવાના બે કારણો (1) અનાભોગ, (2) ગુરુનિયોગ.” - લેખકશ્રીની આ વાત સાચી છે. પરંતુ આ વાત કયા જીવો માટેની છે, તે સ્પષ્ટ કરવાની જરૂરીયાત હતી. લેખકશ્રીને પ્રશ્ન છે કે... (1) સમકિતિ આત્મા પરીક્ષા કર્યા વિના કોઈ તત્ત્વ ગ્રહણ કરે ખરો? (2) સમકિતિ આત્મા સ્વયં જ્ઞાની ન હોય તો જ્ઞાનીની નિશ્રા સ્વીકાર્યા વિના રહે ખરો? (3) સમકિતિ સ્વયં જ્ઞાની ન હોય તો બીજાને સમજાવવા બેસી શકે ખરો? (4) સમકિતિને તત્ત્વ સમજવાની સામગ્રી મળે તો એ સમજવાનો પુરુષાર્થ કરે કે નહીં? (5) સમકિતિ આત્મા અનાભોગ કે ગુરુનિયોગથી ખોટું પકડીને
