________________ પ્રકરણ - 6 : પૂ.હરિભદ્રસૂરિજી મ.ના નામે ચાલતા અપપ્રચારોની... 127 હોય, પોતાના અસત્ય મતને જોરશોરથી પ્રચારીને સાચો કરવાનો ઇરાદો હોય અને અંગત રાગ-દ્વેષથી વિરોધ થતો હોય, ત્યારે એવો વિરોધ સાધનાનું અંગ નથી બનતો, પરંતુ વિરાધનાનું અંગ બને છે. - (મહાનિશિથસૂત્રમાં જણાવ્યું છે કે,) શ્રીસાવદ્યાચાર્યે ચૈત્યવાસીઓનો વિરોધ કર્યો અને શાસ્ત્ર મુજબની પ્રરૂપણા કરી, તેના કારણે તેમને તીર્થકર નામકર્મના દળીયા ભેગા થયા હતા અને એકભવ જેટલો સંસાર સીમિત થઈ ગયો હતો. જ્યારે રોહગુપ્ત પાછળથી પોતાના ગુરુ સાથે જે વાદ કર્યો અને એમાં મિથ્યાભિનિવેશને વશ બની વિતંડાવાદમાં ચઢીને ખોટો વિરોધ કર્યો, ત્યારે તેઓ વિરાધક બન્યા છે. બંને ઉદાહરણો આગળ આવશે.) > આથી ખોટો વિરોધ વિરાધનાનું અંગ છે અને સાચો વિરોધ સત્યરક્ષાનું કારણ હોવાથી આરાધનાનું અંગ છે. જ્ઞાનીઓ કહે છે કે - આરાધના કરતાં પ્રભાવના ચઢી જાય છે અને પ્રભાવના કરતાં શાસન-સિદ્ધાંતની રક્ષા ચઢી જાય છે. = લેખકશ્રીને પ્રશ્ન છે કે. - શ્રી મહાવીર પ્રભુએ જમાલિજી વગેરેનો વિરોધ કર્યો હતો, તેને સાધનાનો વિરોધાભાસ કહેશો ને ! - શ્રીભદ્રબાહુસ્વામીજીએ વરાહમિહિરનો વિરોધ કર્યો હતો, તેને સાધનાનો વિરોધાભાસ માનશો ને ! - શ્રીકલિકાલ સર્વજ્ઞ શ્રી હેમચંદ્રસૂરિજી મહારાજાએ ઘણા બધાનો વિરોધ કર્યો હતો, તેને સાધનામાં વિરોધાભાસ માનશો ને ! - શ્રી હરિભદ્રસૂરિજીએ અને પૂ.મહોપાધ્યાયશ્રીજીએ દીર્ઘકાલ પર્યન્ત વિરોધો કર્યા, તો શું એમને સાધનામાં વિરોધાભાસ ઉભો કર્યો હતો? - પૂજ્યપાદ પ્રેમસૂરિદાદાએ પોતાના શિષ્યો પાસે ઘણા મુદ્દાઓમાં
