________________ પરિશિષ્ટ - 2: ઉસૂત્રથી દૂર રહો 149 નયથી) નિરપેક્ષ એકાંતે ઋજુસૂત્રનયથી ગર્ભિત “જે થઈ ગયું હોય, તે જ થયું એમ કહેવાય” આવી પ્રરૂપણા કરે છે. આ ઉત્સુત્ર પ્રરૂપણા છે. તેના પ્રભાવે તેમનો ખૂબ સંસાર વધે છે. - શ્રીગોષ્ઠામાહિલજીએ પણ આત્મા અને કર્મ વચ્ચેના સંબંધને શ્રીજિનેશ્વરોના કથનથી વિપરીત રીતે પ્રરૂપ્યો હતો. દૂધ અને પાણીની જેમ આત્મા અને કર્મ એકમેક થાય છે - આ શ્રીચિનોક્ત સિદ્ધાંત છે. તેમણે તેનાથી વિપરીત શરીર અને કંચૂકી જેવો (અર્થાત્ કર્મ આત્મા સાથે એકમેક નથી થયું, પરંતુ જેમ કંચૂકી માત્ર શરીરને અડેલી હોય છે, તેમ કર્મ પણ આત્માને અડકેલું હોય છે - આવો) આત્મા અને કર્મ વચ્ચેનો સંબંધ જણાવ્યો - આ ઉત્સુત્ર પ્રરૂપણા હતી. તેનાથી તેઓ નિત થયા હતા. શ્રીસંઘથી બહિષ્કૃત થયા હતા. - સાવઘાચાર્યનું દષ્ટાંતઃ અહીં મહાનિશીથસૂત્ર-૨૯માં વર્ણવાયેલ અનંતસંસારી સાવઘાચાર્યનું દષ્ટાંત યાદ આવે છે. ઉપદેશપદ અને પ્રતિમાશતકમાં પણ ઉત્સુત્ર પ્રરૂપણાની ભયંકરતા બતાવવા અને ઉન્માર્ગને સ્થિર કરવાની પ્રવૃત્તિ કેટલી ખતરનાક છે, તે બતાવવા માટે આ ઉદાહરણ આપવામાં આવ્યું છે. સાવદ્યાચાર્યનો પ્રસંગ આ પ્રમાણે છે - - વર્તમાન ચોવીસીથી અનંતકાળ પૂર્વેની ચોવીસીમાં શ્રી ધર્મશ્રી તીર્થકર થયા હતા. એમના શાસનમાં સાત અચ્છેરાઓ (આશ્ચર્યકારી ઘટનાઓ) થયા હતાં. તે પૈકીનું એક અસંયતોની પૂજા-સત્કાર સ્વરૂપ હતું, કે જે શ્રી ધર્મશ્રી પ્રભુના નિર્વાણ પછી પ્રગટ્યું હતું. મોટાભાગનો લોકસમુદાય લોકપ્રવાહમાં તણાયેલો હતો, મિથ્યાત્વથી હણાયેલો હતો અને અસંયતોના પૂજા-સત્કારના રંગે રંગાયેલો હતો. આ બધું જોઈને જ્ઞાનરહિત, ગારવરસિક અને નામ માત્રથી આચાર્ય બની બેઠેલા સંયતોની મતિ ભ્રષ્ટ બની અને તેઓએ ગૃહસ્થો પાસેથી દ્રવ્ય એકઠું
