________________ 122 મિથ્યાત્વ એટલે મિથ્યાત્વ = હલાહલ વિષ આજ્ઞા પાળી શકાશે નહીં અને આજ્ઞાનો અનાદર કરી એમનો પરિચયસંગ કરવાથી વિનિપાત સર્જાયા વિના રહેશે નહીં. સમ્યગ્દર્શનની રક્ષા કરવા શંકાદિ પાંચ દોષોનો ત્યાગ કરવાનું કહ્યું છે, તેમાં મિથ્થામતિના પરિચયનો ત્યાગ કરવાનું કહ્યું છે. આથી ભવ્યાત્માઓને ખાસ ભલામણ છે કે ખોટી ભ્રમણાઓમાં પડવું નહીં. (2) સંઘર્ષ કયારે અને સમન્વય ક્યારે? : જૈનશાસ્ત્રકારો અને ખુદ મહાવીર પ્રભુએ અન્ય અને અન્યના શાસ્ત્રો (માન્યતાઓ) સામે સંઘર્ષ (પ્રતિકાર) પણ કર્યો છે અને સમન્વય પણ કર્યો છે. એનો આખો ઇતિહાસ છે. પ્રભુએ પાખંડીઓની માન્યતાઓનું જોરશોરથી ખંડન કર્યું છે. ગોશાલા-જમાલીની માન્યતાઓનું પણ નિરસન કર્યું જ છે. - સંઘર્ષ સત્ય-સિદ્ધાંત માટે હોય ત્યારે એ સાધનાનું જ અંગ છે. પરંતુ જ્યારે તે અંગત સ્વાર્થ માનેચ્છા-ક્ષેત્રાદિ માટે થાય ત્યારે વિરાધનાનું અંગ બને છે. - અહીં લેખકશ્રીને પ્રશ્ન કરવાનું મન થાય છે કે - - પૂર્વકાલીન (પૂ. શ્રી સિદ્ધસેનદિવાકરસૂરિજી - પૂ. શ્રીકલિકાલ સર્વજ્ઞશ્રી - પૂ.હરિભદ્રસૂરિજી - પૂ. મહોપાધ્યાય શ્રીયશોવિજયજી મહારાજા આદિ) મહાપુરુષોએ સત્ય અને સિદ્ધાંત માટે સંઘર્ષો કર્યા હતા (કે જેની નોંધ શાસ્ત્રના પાને કરાઈ છે) તે આરાધનાનાં અંગ હતા કે વિરાધનાનાં? - પૂ.હરિભદ્રસૂરિજીએ સિદ્ધાંતની રક્ષા અને અપસિદ્ધાંતના ઉમૂલન માટે જે સંઘર્ષ કર્યા હતાં, તે આરાધનાનાં અંગ હતા કે વિરાધનાનાં? - પૂ. મહોપાધ્યાયશ્રીજીએ યતિઓ આદિ સાથે જે સંઘર્ષો કર્યા હતા, તે આરાધનાનાં અંગ કે વિરાધનાનાં ?
