________________ 42 મિથ્યાત્વ એટલે મિથ્યાત્વ = હલાહલ વિષ શાસ્ત્રવિરુદ્ધ પ્રવૃત્તિ-પ્રરૂપણા કરવામાં સમ્યગ્દર્શન ટકી શકે કે નહીં? - જીવનો સંસાર ક્યારે વધે છે? - ભેદરત્નત્રયી અને અભેદરત્નત્રયી વચ્ચેનો તફાવત 0 સમ્યકત્વનું સ્વરૂપઃ - કલિકાલ સર્વજ્ઞશ્રીએ યોગશાસ્ત્ર ગ્રંથમાં સમ્યગ્દર્શનનું સ્વરૂપ નીચે મુજબ બતાવ્યું છે रुचिर्जिनोक्ततत्त्वेषु सम्यक्श्रद्धानमुच्यते / जायते तन्निसर्गेण गुरोरधिगमेन वा // 1-17 // - શ્રીજિનેશ્વર પરમાત્માએ ફરમાવેલા જીવાદિ તત્ત્વોની રૂચિને સમ્યગ્દર્શન કહેવાય છે. તે સમ્યગ્દર્શનની પ્રાપ્તિ બે પ્રકારે થાય છે - (1) સ્વભાવથી = સ્વાભાવિક ઉહાપોહથી અને (2) ગુરુના ઉપદેશથી. - નવતત્ત્વ પ્રકરણમાં કહ્યું છે કે - जीवाइ नव पयत्थे, जो जाणइ तस्स होइ सम्मत्तं / भावेण सद्दहंतो, अयाणमाणेवि सम्मत्तं // 51 // सव्वाइं जिणेसर भासिआई, वयणाइं नन्नहा हुँति / इअ बुद्धी जस्स मणे, सम्मत्तं निश्चलं तस्स // 52 // - જે જીવાદિ નવ પદાર્થોને જાણે છે, તેને સમ્યક્ત્વ હોય છે. જે જાણતો નથી, પરંતુ માત્ર ભાવથી શ્રદ્ધા કરે છે, તેને પણ સમ્યગ્દર્શન હોય છે. - શ્રીજિનેશ્વર પરમાત્માએ પ્રરૂપેલા સર્વ વચનો અન્યથા (વિપરીત) ન જ હોઈ શકે, આવી નિશ્ચલ બુદ્ધિ = અવિચલ અભિપ્રાય જે મનમાં ધારણ કરે છે, તેનું સમ્યકત્વ નિશ્ચલ છે.
