________________
નીચે ઉતરી ગઈ. મહાવત કહે છે રોજ વહેલી આવે છે આજે મોડી કેમ આવી? રાજા જાગતા હતા. રાજા જાગતા હતા તો શું થયું? હું તારી રાહ જોઈ થાકી ગયો છું. કહેતા હાથીને બાંધવાની લોખંડની સાંકળ લઈ ફટકારવા લાગ્યો. બીજીવાર આવું નહીં થાય. હું રોજ ચોક્કસ વહેલી આવી જઈશ. મહાવત મારતો જાય છે. રાજાને ભયંકર ગુસ્સો ચડ્યો છે. દરવાજાની પાછળ ઉભો રહીને બધું જુએ છે. ગુસ્સાથી તલવાર લઈને મારી નાખવા આગળ વધે છે ત્યાં વિચાર આવે છે જોઉં તો ખરો, આગળ શું થાય છે? રાજા ધ્રુજે છે. ચાર પગ આગળ વધી પાછો ફર્યો. પિંગળા મહાવતના પગ પકડીને બેઠી છે. એમના ભાવો જોઈ રાજાનું મગજ ચકરાઈ જાય છે. રાણી પરોઢ થતાંની પહેલા રાજમહેલમાં આવી ગઈ. રાજા પોતાના આવાસમાં પાછો આવ્યો. રાજાના અંતરમાં કાળી બળતરા ઉઠી છે. રાતનું ભયંકર દશ્ય નજર સામે ફરક્યા કરે છે. રાજા સવાર પડતા એક કમળનું ફૂલ લઈને રાણી પાસે આવ્યા. રાણીને સાંકળનો માર વાગેલો હોવાથી અંગેઅંગમાં પીડા છે. રાજા આવ્યા એટલે રાજાને જોઈ મોઢા ઉપરથી વેદનાને અદશ્ય કરવા માટે ખોટું સ્મિત પ્રગટ કરે છે. રાજા રાણી પાસે આવ્યા. લે આ ફૂલ. મને નથી જોઈતું. મારા હાથથી તને આપું છું. મારાથી ઉઠાશે નહિ. થાકી ગઈ છો. હા. રાજાએ કમળના ફૂલથી ધીમેથી માર્યું... ઓ મરી ગઈ... એ પ્રમાણે રાણી ચીસ પાડે છે. રાજા પૂછે છે સુકોમળ રાણી તને આ કમળનો માર વાગે છે? હા. કમળના મારથી મારા અંગઅંગમાં બળતરા ઉત્પન્ન થઈ ગઈ...રાજા કહે છે, મને અફસોસ છે મારા કમળનો માર વાગે છે અને ...
ખ્યાલ રાખજો....
વરસોની દોડધામ પછી ઊભી કરેલી આબરૂ મરણ પછીના બીજા દિવસે પેપરમાં આવતી ચાર લીટીની શ્રદ્ધાંજલિમાં સીમિત થઈ, બીજા દિવસે પસ્તીમાં રૂપાંતરીત થાય છે.
