________________
...પ્રાથન
[ ૧૧ શ્રી જિનપ્રતિમા સંબંધી લેખ પણ આ પુસ્તકમાં દાખલ કરવામાં આવ્યો છે. શ્રી જિનપ્રતિમાનું દ્રવ્ય–ભાવથી પૂજન એ ત્રણે કાળમાં દેવ, દાનવ અને માનવ, સઘળાઓ માટે એક એવી લોકોત્તમ ક્રિયા છે કે–તેને શુદ્ધભાવથી આચરનાર વ્યક્તિનું તે નિશ્ચિત કલ્યાણ કરે છે અને દિનપ્રતિદિન કલ્યાણપથમાં તેને આગળ ને આગળ વધારે છે. નાસ્તિકતાદિ ચેપી રોગો એ ગમે તેવા જબરજસ્ત હોય, તો પણ શ્રી જિનપૂજનને નિરન્તર ભાવપૂર્વક આચરનાર આત્મા ઉપર તેની રતિભર પણ અસર થઈ શકતી નથી. એ જ કારણે અમે આ પુસ્તકની પ્રથમ જ લેખમાળાના ઉપસંહારમાં જણાવ્યું છે કે નાસ્તિકતાદિ બદીઓથી બચવા અને આસ્તિક્તાદિ સદ્દગુણોને પામવા માટે સમ્યગદર્શનની નિર્મળતા કરાવનાર સડસઠ (૬૭) પ્રકારના વ્યવહારનું સેવન અહર્નિશ જરૂરી છે અને તેમાં શ્રી અરિહંત અને તેમની પ્રતિમાને વિનય એ મૂખ્ય છે.”
શ્રી અરિહંત અને તેમની પ્રતિમાને વિનય—એ ભારેમાં ભારે ઉપકારક લકત્તમ ક્રિયા હોવા છતાં, એના મહત્વને પૂરતો ખ્યાલ ન આવે ત્યાં સુધી, આત્માર્થી આત્માઓ પણ તેને આદર કરવા તૈયાર ન થાય, એ બનવાજોગ છે. એ કારણે તેવા પ્રકારના કલ્યાણકામી આત્માઓ શ્રી જિનની પ્રતિમાના પૂજનને અચિત્ય ફળદાયી અને અતિશય ચમત્કારિક મહિમા સમજવા ભાગ્યશાળી બને, એ કારણે “શ્રી જિનપ્રતિમા શ્રી જિન સમાન શાથી ? યાને શ્રી જિનપ્રતિમાના પૂજનની પ્રમાણપુર:સર સિદ્ધિ.”—એ વિષયનું વિવેચન કરનાર લેખને આ પુસ્તકમાં સ્થાન આપવામાં આવ્યું છે.
શ્રી જિનમતના આસ્તિક આત્માઓની શ્રદ્ધા ઉપર લૂંટ ચલાવનાર અને શ્રી જિનમતની સત્ય જિજ્ઞાસાને કાપી નાંખનાર, એક નવીન પ્રકારના મતનું જોર આજકાલ વધતું ચાલ્યું છે અને તે મતનું નામ છે-“સર્વદર્શન–સમભાવ.” બહારથી સુંદર અને મેહક જેટલું તેનું નામ છે, તેટલું જ અસુંદર અને ભયંકર તેનું અંદરથી કામ છે. માણસની
