Book Title: Chandappahasami Chariyam
Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad
View full book text ________________
पउमनाहनिवो
पावित्तु मिसं किंचि वि, बला वि गिण्हंति गोत्तिया लिंति । अन्ने य विसइणो जूय-मज्ज-वेसासु फेडुति ।। ९६ एगेसिं पुण पावोदएण दझंति जलियजलणेण । पेच्छंताण वि अहवा, सलिलेण बला वि निज्जति ॥ ९७ ।। एवं परमत्थेणं, चिंतिज्जंताओ संपयाओ वि । एयमावयाण पायं, विज्जुलया चंचलाओ य ॥ ९८ ॥ अन्नं पि किंपि तं नत्थि वत्थु जं किर हवेज्ज संसारे । थिरयाइ जुयं एगंतसुहयरं मोत्तुमिह धम्मं ।। ९९ ॥ ता धम्माराहणमेव जुत्तमेत्थं विवेगकलियाण । अम्हारिसाण न उणो, विसयामिसलंपडत्तं ति ॥ १०० ॥ एवं विचिंतिऊणं, नियपुत्तं ठाविऊण रज्जम्मि । सिरिपउमनाहनामं, अकलंकं बीय चंदं व ॥ १०१ ॥ जिणभवणेसु करावियगुरुपूओ सिरिहरस्स मुणिवइणो । केवलिणो ससमीवम्मि लेइ दिक्खं समियपावो ॥ १०२ एवं जहा भो ! कणगप्पहेणं, वेरग्गमग्गावडिएण झ त्ति । रज्जं विमोत्तूण वयं पवन्नं, तहावरेणावि पवज्जियव्वं ॥ १०३ सेयाई कज्जाई जओ हवंति, पारण विग्घेहिं उवढुयाई । सामग्गियं तो मणुयत्तमाई, खणं पि लटुं न पमाइयव्वं ।। १०४ सेयं च कज्जं तमिहप्पसिद्धं, जं देवलच्छीए हवेज्ज हेऊ। जत्ताइ सुद्धाए जसस्सिरीए समाणसत्तस्स य मोक्खमलं ।। १०५ एवं विवेयकलिया, विचिंतिऊणं करेंति जे धम्मं । निम्मलजसदेवनरिंदवंदियं ते पयमुवेति ॥ १०६ ॥ इइ चंदप्पहचरिए, जसदेवंकयम्मि पढमपव्वम्मि । जं उद्दिठं भणियम्मि तम्मि पव्वं समत्तमिणं ॥ १०७ ॥ एत्तो बीयं भणिमो, तम्मि उ सिरिपउमनाहनरवइणो । सिरिहरमुर्णिदपासे, पुव्वभवायन्नणं होही ॥ १०८ ॥ (बीओ पव्वो) सिरिचंदप्पहदेहस्स चंदकरनिम्मलाओ दित्तीओ । चिरकाललग्गघणपावतिमिरपडलं मह हरंतु ॥ १०९ ॥ अह पउमनाहराया, रज्जसिरीए अलंकिओ सहइ । अहियपयावो तरणि व्व दिव्वसरयागमसिरीए । ११० ॥ सकलत्ताओ वि नरमणहराओ लक्खजुयाओ वि गुणेहिं । लोयविलक्खणरूवाओ निम्मयाओ वि सुपसन्ना ॥ १११ वाणीओ जस्स वयणे, गिहे य कंताओ कतिकलियाओ। विविहालंकारविराइयाओ जणजणियहरिसाओ ॥ ११२ ।। (जुयल) अवि यगुणवच्छल्लेणं चिय, जो अवकासं न देइ दोसाण । न य ते गुणे वि पोसइ, पडिवत्ती जेसु न गुरूण ॥ ११३ नियरूवा हरियरई, मईए नावइ सरस्सई बीया । अहिलसणीया लच्छि व्व ललियवररायहंसगई ॥ ११४ ॥ निज्जियसयलवरोहा, अविहियपरपुरिसदिट्ठिविच्छोहा। सोमप्पहाभिहाणा, देवी अइवल्लहा तस्स ।। ११५ ॥ (जुयल) तीए समं विलसंतस्स जाइ जा केत्तिओ वि से कालो । धम्मत्थ-कामबाहारहियस्स सुरस्स व सुहेण ॥ ११६ ॥ तावन्नया कयाई, सुवन्ननाभो सुओ समुप्पन्नो । सोमप्पहाए देवीए चेव वरलक्खणुप्फुन्नो ।। ११७ ॥ देहोवचएण तहा, कलाकलावेण लोयसारेण । वड्डंतो स कमेणं, संपत्तो जोव्वणं कुमरो ॥ ११८ ॥ मद्दवपरो वि नय-विणयलंकिओ सुप्पसिद्धसीलो वि । नीसेसलोयविक्खायपरमहेलाए आसत्तो ॥ ११९ ॥ सगुणो वि जो न मुत्ताहारो रमणीयपुन्ननिलओ वि । नो सत्थंभो विससंगओ वि नो होइ स भुयंगो ॥ १२० ।। (जुयल) परिणाविओ य पिउणा, पवराओ गरुयराय-दुहियाओ । सयलगुणाण निहाणं, च ठाविओ जोवरज्जम्मि ॥ १२१
Jain Education International
For Private & Personal Use Only
www.jainelibrary.org
Loading... Page Navigation 1 ... 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 