Chandappahasami Chariyam

Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad

Page 173

१४२
सिरिचंदप्पहजिणचरियं
ता नेय भाइयव्वं तुमए सामिणि ! न या वि उवरोहो । मन्नेयव्वो को वि हु, इय भणिउं भत्तिपणयाओ ॥ ३६९१ ।। भवियजणकुमुयवणससहरस्स तो भगवओ जिणिदस्स । चउरंगुलं विवज्जित्तु नाभिनालं पकप्पिन्ति ।। ३६९२ ॥ ताहे खणंति विवरं, तहिं च निहणंति तं तओ सिग्धं । रयणाणं वइराण य पूरंति समंतओ चेव ॥ ३६९३ ।। हरियालियाए पीढं, बंधंति तहिं तओ पहट्ठमणा । तित्थयरजम्मभवणाओ तयणु कुव्वंति कयलिहरे ।। ३६९४ ।। पुव्वेण दाहिणेण य उत्तरओ वि य तओ उ तम्मज्झे । पत्तेयं रमणिज्जे चाउस्साले विउव्वंति ।। ३६९५ ॥ ताणं च मज्झ देसे रयंति सीहासणं च एक्केक्कं । तो भयवंतं घेत्तूण हत्थकमलेहिं नियएहिं ॥ ३६९६ ॥ जिणवरजणणिं च तहा, बाहाए गिहिउं निराबाहं । दाहिणकयलीहरचाउसालसीहासणवरम्मि ।। ३६९७ ।। उववेसिऊण सयपागसहसपागाइएहिं तेल्लेहिं । सव्वंगं अब्भंगिय अच्चंतसुहेक्कहेऊहिं ॥ ३६९८ ॥ सुविसिट्ठसुरहिगंधड्ढएण उव्वट्टणेण पच्छा य । उव्वद॒ति जिणिदं, जणणिं च सुमउयफासेण ॥ ३६९९ ।। तयणंतरं च पुणरवि घेत्तूण जिणं सपाणिकमलेहिं । जिणजणणिं च भुयाहिं वयंति पुव्विल्लकयलिहरे ॥ ३७०० ।। नच्चंति चाउसालयसीहासणयम्मि सन्निसावेंति । मज्जणविहीए तत्तो, मज्जणयं कारविंता य ।। ३७०१ ।। सोमालपल्हलाए सुगंधिगंधुन्भडाए लूहति । गंधकसायाए तओ, अंगेसुं मउयहत्थेहिं ॥ ३७०२ ।। तयणंतरं च गोसीसचंदणेणं विलेवणं काउं । परिहावंति सतोसं दिव्वाइं देवदूसाइं ।। ३७०३ ।। सव्वालंकारविभूसियाई काऊण तयणु उत्तरओ । आणिति चाउसाले तहेव सीहासणे ठविउं ॥ ३७०४ ।। तो आभिओगिएहिं आणावेऊण चुल्लहिमवंता । गोसीससरसचंदणकट्ठाइं तक्खणाचेव ।। ३७०५ ।। अरणीए हव्ववाहं उप्पाएऊण तेहिं कठेहिं । उज्जालिंती संतीए अग्गिहोमं च कुव्वंति ॥ ३७०६ ।। तब्भूइणा य रक्खा पोट्टलियाओ करित्तु बंधति । पच्छा पहाणपाहाणवट्टए दो गहेऊण ॥ ३७०७ ।। होऊण कन्नमूलम्मि टिंटिया चिंतियत्थनाहस्स । पभणंती य होहि तुम होहि तुम पव्वयाउ त्ति ॥ ३७०८ ॥ इय आसीसं दाउं जिणस्स करयलपुडेण गहिऊण । पुणरवि जिणं जिणिंदस्स मायरं तह य बाहाहिं ।। ३७०९ ।। मलिल्लजम्मभवणम्मि निययसेज्जाए सन्निवासित्ता । चिट्ठति गायमाणीओ नाइदरम्मि ताण ठिया ॥ ३७१० ।। एत्थंतरि सोहम्माहिवस्स, आसणु संचल्लिउ सुहट्ठियस्स । ता ओहिनाणि उवओगु देइ अट्ठम जिणिंदु जायउ मुणेइ ।। ३७११ ।। आणवइ तयणु हरिणेगमेसि पायत्ताणीयह जो महेसि । आएसिं सो हु हरिसंतिएण, ताडणु करेइ घंटहिं खणेण ॥ ३७१२ ।। अह तग्गुरुपडिरवलग्गछंट रणरणिरअसेसवि सग्गघंट । तिं सदि सव्वु वि तियसलोउ सम्मिलिउ तत्थ परिचत्तखेउ ।। ३७१३ ।। तो पालयसुरु सोहम्मराई, आइट्ठ गुरुहरिसाणुराई । निम्मवहि पहाण विमाणु झ त्ति, जिं गम्मइ मेरुहिं गुरुयभत्ति ॥ ३७१४ ।। ता सिग्घु लक्खजोयणपमाणु, तिं विरयवि पवरविमाण जाणु । विणओणयसिरिण सुराहिवस्स, साहिउ अप्पडिहयसासणस्स ।। ३७१५ ।। परिवारसमन्निउ सुरहं राउ, आरुहिवि तित्थु हुय गरुयभाउ । जिणजम्मगेहि तक्खणिण पत्तु, अवहियविमाणवित्थरु पवित्तु ।। ३७१६ ॥ पविसेविण जिणवरजम्मभवणि भत्तीए संथुणवि जिणिंद जणणि । पडिबिंबु निवेसइ सुयह ठाणि, अवसोयणि देविणु महुरवाणि ।। ३७१७ ।। तो चल्लिउ जिणु उच्छंगि लेवि, सुरराउ पंचरूवई धरेवि । दुहिं रूविहिं ढालइ चारुचमर इगि वज्जपाणि आणवइ अमर ॥ ३७१८ ।।