Chandappahasami Chariyam

Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad

Page 202

चंदप्पहजिणवण्णणं
बारसमंगं जं पुण तं चोद्दस पुव्वबद्धमिह होइ । तेसिं नामाई इमाई हुति सिद्धंतभणियाई ।। ५३७० ॥ उप्पायपुव्वमग्गेणियं तह वीरियं तइय पुव्वं । अत्थिन्नत्थिपवायं तत्तो णाणप्पवायं च ॥ ५३७१ ।। सच्चप्पवायमायप्पवायकम्मप्पवायपुव्वाणि । पच्चक्खाणं नवमं दसमं विज्जाअणुपवायं ॥ ५३७२ ।। कल्लाणनाममेक्कारसं तु पाणाउ बारसं पुव्वं । तत्तो किरियविसालं चोद्दसमं बिंदुसारं च ।। ५३७३ || एसा दुवालसंगी जइ वि हु दव्वट्ठयाए किर निच्चा । पज्जायाविक्खाए जिणे जिणे होइ तह वि नवा ।। ५३७४ ।। अंतमुहुत्ते चिय तो समणुन्नाय सुत्तअत्थुभया । सयलगणाणुन्नाए समयं चंदप्पहजिणेणं ॥ ५३७५ ॥ पत्ता गहरा सदेवमणुयासुराए परिसाए । पढमाए पोरुसीए मज्झे पाएण ऊणाए || ५३७६ ।। ते तिपयाहिणपुव्वं दाहिणपुव्वेण जिणवरिंदस्स । विणयरइयंजलिउडा कयप्पणामा उवविसंति ।। ५३७७ || अन्ने वि साहुणो जे आसि जिणिंदस्स चेव वरसीसा । केवलनाणं पत्ता मणपज्जवमोहिनाणं वा ॥ ५३७८ ।। समवसरणोवविट्ठे जिणम्मि ते वि हु तहिं समागम्म । पुव्वाए पोलीए पविसित्तु जिणस्स पासम्मि ।। ५३७९ ।। काउं पयाहिणतियं दाहिणपुव्वेण होइऊण तओ । गणहरदेवाणं चिय पिट्ठपएसम्मि उवविट्ठा ॥ ५३८० ॥ जे विहु सुपासतित्थस्स संजयाई समागया तत्थ । सिरिचंदप्पहनाहस्स ते वि उवसंपयं लिंति || ५३८१ ।। पुव्वाइ पविसिऊणं तहेव काउं पणामकिच्चाई । अइसइयसंजयाणं पच्छा गंतूणुवविसंति || ५३८२ ।। जे जग्गुणेहिं जुत्ता ते तप्पंतीए चेव निविसंति । ताणं च पिट्ठओ पुण चिट्ठती विमाणिदेवीओ ।। ५३८३ ॥ ताणं पि पिट्ठओ संजईओ उद्घट्ठियाओ चिट्ठती । तह चेव पविसिऊणं पयाहिणाई य काऊण ॥। ५३८४ ॥ केवलणो न पणामं कुणंति दिंति य पयाहिणा तियगं । तित्थस्स नमो भणिउं गणहरपिट्ठे उवविसंति || ५३८५ ॥ जे मणपज्जवनाणी ओहिन्नाणी दुवालसंगधरा । ते उण पयाहिणाओ कुव्वंति तहा पणामं च ।। ५३८६ ॥ केवलिणो ति उण जिणं तित्थपणामं च मग्गओ तस्स । मणमाइओ नमंता वयंति सट्ठाणसट्ठाणं ।। ५३८७ ।। भवणवण देवीओ जोइसाणं च वंतराणं च । दक्खिणदारेणं पविसिऊण पणमित्तु जिणनाहं ॥। ५३८८ ॥ दाडं पयाहिणाओ गणहरमाईण पणमिउं सव्वे । चिट्ठति दाहिणावरदिसाइ गंतुं कमेणेव || ५३८९ ॥ एवं भवणाहिवई जोइसिया वंतरा य अवराए। पविसित्ता अवरुत्तरकोणे निविसंति तह चेव ॥ ५३९० ॥ वेमाणिया य मणुया मणुइत्थीओ य उत्तरदिसाए । तह चेव पविसिऊणं उत्तरपुव्वे उवविसंति ।। ५३९१ ।। इय एक्केक्कदिसाए तियं तियं होइ संनिविट्ठतु । सव्वाओ बारसेव य परिसाओ पढमपायारे ॥ ५३९२ ।। अवि य -
पढमचरिमेसु दोसु वि कोणेसु पुमित्थिमीसिया परिसा । फ्त्तेय च्चिय सेसेसु होइ एसो य ताण विही ॥ ५३९३ ॥ ts हिड्डी को तत्थ अप्पिड्ढिइया तयं दतुं । पुव्वुवविट्ठा वि नमंति जंति नमिरा व पुव्व ठियं ।। ५३९४ ॥ नय तत्थ कोइ कस्स वि कुणइ भयं न य नियंतणं कुणइ । नो वि गहाओ न य मच्छरं व नो हासखेडाइ || ५३९५ जो जं निस्साए समागओ य देवो व माणुसो वा वि । सो तस्स चेव पासे उवविसइ जिणं पणमिऊणं ॥ ५३९६ ॥
१७१