Chandappahasami Chariyam

Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad

Page 217

सिरिचंदप्पहजिणचरियं
चउसुं पि दिसासु तहिं नीलुप्पलमणिमया महातुंगा । वित्थिन्नोवरिमतला विचित्तवणराइ राइल्ला ।। ५७७७ ।। अंजणगिरिणो चत्तारिवट्टुला पवरसासयसरूवा | अंबरवियाणउत्तंभणम्मि थंभ व्व रेहंति ॥ ५७७८ ।। तेसिं च चउसु पासेसु विमलजलपूरीयाओ पत्तेयं । गहिरपरिमंडलाओ जंबुद्दीवप्पमाणाओ || ५७७९ ।। चउरो पुक्खरणीओ नावइ देवेहिं देवलोयाओ । अवयारियाओ मज्जणवावीओ कीलणनिमित्तं ॥ ५७८० ॥ धवलुज्जलरयणसया तुंगा परिवडला सुरम्मतला । ताण बहुमज्झभाए दहिमुहगिरिणो दहिसवन्ना ॥ ५७८१ ॥ अन्ने य उभयपासेस ताण रइकरगपव्वया रम्मा । दो दो सुवन्नमइया हवंति सव्वे वि बत्तीसं ॥ ५७८२ ॥ एएस य सव्वेसु विचउ अंजणपव्वएसु रम्मेसु । सोलसमुदहिमुहेसु य बत्तीसइ रइकरेसुं च ॥ ५७८३ || उवरितले वित्थिण्णेसु चउ दुवाराई रुइररूवाई । उत्तुंगतोरणाइं सुवन्नमणिरयणमइयाइं || ५७८४ ॥ पडुपवणनच्चिरवरपडायपरिलग्गकिंकिणिरवेहिं । नियरम्मया गुणेणं अहिक्खिवंताई सग्गं व ॥ ५७८५ ।। सत्थसुपसत्थसाहियवरलक्खणलक्खि ओरुसिहराई । नरमगरवरालगहत्थिसीहरूवोहकलियाई ॥ ५७८६ ।। सव्वंगमणोहरसालिभंजियाहिं च निच्चकालं पि । कीलणनिमित्तमवयरियदेवरमणी सयाई व ।। ५७८७ ॥ सासयजिणभवणाइं वणराइमणोहराई पासेसु । बावन्नजिणालयसुपसिद्धनामाई लोयम्मि || ५७८८ ॥ केवलमिमेसु वीसं हवंति गरुयप्पमाणवंताई । रइकरवत्तीणि पुणो तत्तो लहुययरमाणाइं ।। ५७८९ ।। जोयणसयदीहाइं वित्थिन्नाइं च जोयणसयद्धं । बावत्तरि जोयणऊसियाई वीसं पि ताई च ।। ५७९० ।। जओ
१८६
एत्तो च्चिय वीस जिणालयाइ नंदीसरम्मि दीवम्मि । वन्निज्जंतेगपमाणभावओ लहु उवेक्खाए || ५७९१ ।। तेसिं पि गब्भहरमज्झदेसभागम्मि पीढिया पवरा । एगेगा रयणमई नियकिरणा बद्धसुरचावा ।। ५७९२ ।। तासु य चिट्ठइ पणवन्न मणिमयाणं विसिट्ठरुवाणं । अट्ठमहा महपाडिहेरपरिगरियपासाणं ।। ५७९३ ।। वरलोमहत्थभिंगारघंटिया धूवदहणमाईहिं । उवगरणाहिं पुरओ रयणमएहिं समेयाण ।। ५७९४ ।। पंचधणुस्सयमाणाणुक्कोसेणं जिणिदपरिमाणं । एगेगं अट्ठसयं जहण्णओ सत्त हत्थाणं ।। ५७९५ ।। जिणमंदिरदाराण य पुरओ मह मंडला चउण्हं पि । सुविसिट्ठथंभपंतीहिं परिगया चारुचित्तजुया || ५७९६ ।। आबद्धपवरउल्लोयलंबलंबूसियाहिं सोहंता । अच्चब्भुयरूवविरायमाण ति दुवाररमणीया || ५७९७ ।।
सिपि पुरो पेक्खणयमंडवा दिव्वपेच्छणय जोग्गा । सुहमंडवाण मन्ने पडिबिंबा चेव रूवेण ॥ ५७९८ ।। नाणाविहरयणमया ताणं पुरओ य हुंति वरथूभा । दट्ठूण जाव रूवं सुरा वि गुरु विम्हयं पत्ता ।। ५७९९ ।। मणिपेढियासु परिसंठियाओ चउरो जिणिदपडिमाओ । चउसुं पि दिसासु हवंति ताण थूभाण समुहाओ || ५८०० || सिरिउसभवद्धमाणयचंदाणणवारिसेणनामेहिं । अच्चंतपसिद्धाओवसंतवरवयणनयणाओ || ५८०१ || सासयसरूवफलफुल्लपल्लवेहिं विरायमाणाओ । चेइयरुक्खा अन्ने य ताण थूभाण हुंति पुरो || ५८०२ || मणिपीढियाओ तेसिं पि अग्गओ ता सोहंति इंदज्झया । वाउयंचलेहिं जे सद्दति व्व सुरखयरे || ५८०३ ||