Chandappahasami Chariyam

Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad

Page 232

२०१
दंसणविणए आवस्सए य सीलव्वए निरइयारो । खणलवतवच्चियाए , वेयावच्चे समाही य ।। ३४४० ।। अप्पुव्वनाणगहणे, सुयभत्ती पवयणे पभावणया । एएहिं कारणेहिं , तित्थयरत्तं लहइ जीवो ॥ ३४४१ ।। पुरिमेण पच्छिमेण य एए सव्वे वि फासिया ठाणा । मज्झिमगेहिं जिणेहिं, एगं दो तिन्नि सव्वे वा ॥ ३४४२ ।।
दाने
दाणं च चउवियप्पं, संवेणं भणंति मुणिवसभा । नाणाऽभयआहारोवहीण दाणप्पभेयाओ ॥ १२८० ।। दारुणदुःखे जम्हा जरा य मरणं च दो वि अच्चंतदारुणदुहाई । अप्पडियाराइं हवंति नूण पाणीण संसारे ॥ ४०९३ ।। दिग्मुढे भक्खमभक्खं पेयमपेयं किच्चं अकिच्चमेवेह । मन्नतो दिसमूढो व्व जाइ अन्नत्थ अन्नमणो || १११९ ।। दुःखे अह पुण इमं जराए रोगेहिं व अहव सव्वनासेण । पीडिज्जई अयंडे, कयलीखंभो व्व पवणेण ॥ २३४५ ।। देहीण जओ दुक्खं, समं पराहीणयाए न हु अन्नं । न य सोक्खमपरतंतत्तणाओ लोयम्मि परमत्थि ॥ २६९५ ।। दुर्जननिन्दायाम् दुज्जणजणो य पायं, पसंसिओ वि हु न मुंचए पयई । निद्दोसे वि हु कव्वे, जो कहवुप्पायए दोसं ॥ १८ ॥ दुर्बले रसातलं यातु यदत्र पौरुषं क्व नीतिरेषा शरणो हादोषान् । विहन्यते यद् बलिनात्र दुर्बलो हहा महाकष्टमराजकं जगत् ॥ ३१४९ दूषणे अहवा गुरुगुणभूसिए वि को वि हु हवेज्ज खलु दोसो । चंदस्स व सकलंकत्तदूसणं बहु गुणत्ते वि ॥ २९१५ ।। देशत्यागे अहवा भयभीयाणं देसच्चाओ किमच्छरियं ॥ २८६४ ।। दैवे ताव च्चिय दइवं कज्जासद्धिविग्घं जणेइ नो जाव । सप्पुरिसा तुलियसदेहजीविया आरुहंति तयं ॥ २४९ ॥ जेसिं इला वि किल गोपयं व तियसा वि हुंति दास व्व । अंजलिजलं व जलही, गंडोवलओ व्व सुरसेलो ॥ २५० न निमित्तमेत्थ सत्थं न सुयणभणिई न गुरुयणुवएसो । कुसलाकुसला हि मई दिव्ववसा जायइ नराण ॥ २९५२ ।। दोषे रागो दोसो मोहो, एए अलियत्तकारणं दोसा । जस्स उ न इमे को तस्स अलियभणणम्मि भण हेऊ ॥ ११६० ।। जियरागदोसमोहा, जिणिंदयंदा अओ उ तब्भणिओ । धम्मो कारणसुद्धो, विन्नेओ सुद्धबुद्धीहिं ।। ११६१ ।।