Chandappahasami Chariyam

Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad

Page 215

१८४
सिरिचंदप्पहजिणचरियं
सम्मत्तमेत्तजोग्गाणन्नेसिं तत्तियं पयच्छेइ । तित्थयरवयणअणुवायगो त्ति संजायसद्धाण ॥ ५७२१ ।। गणहरकहणावि अओ सफल च्चिय भव्वभूमिगुणवसओ। वरतरुनिप्फत्ती इव अविहयफलजणणसामत्था ।। ५७२२ ।। एत्तो य सिद्धंतो खेयविणोयाइणो गुणा बहुया । गणहरकहणे भणिया तहा हि आवस्सए गाहा ।। ५७२३ ।। खेयविणोओ सीसगुणदीवणा पव्वओ उभयओ वि । सीसायरियकमो वि य गणहरकहणे गुणा हुंति ।। ५७२४ ॥ धम्मकहा अवसाणे गणहारी वि हु तओ समुढेइ । एवं तित्थपवत्ती जिणस्स पढमल्लुया जाया ॥ ५७२५ ।। तत्तो य सपरिवारो चउतीसाइसयसंजुओ भयवं । भवियारविंदपडिबोहदिणयरो विहरइ महीए ॥ ५७२६ ।। चउत्तीसअइसया जे तेसिं चउरो हवंति नायव्वा । जम्मसहभाविणो च्चिय जिणस्स ते वन्निमो ताव ॥ ५७२७ ।। रोगरयसेयवज्जियमच्चंतसुगंधिनिम्मलसुरुवं । देहं जिणस्स सग्गाउ नाइ अइवन्नमाभाइ ।। ५७२८ ।। उच्छिदिस्सइ पच्छा वि एस रागं ति चिंतिऊणं च । गोखीरनिभं जायं से रुहिर न विस्समंसं च ॥ ५७२९ ॥ आहारा नीहारा सामन्ना जइ वि सयललोयस्स । तह वि विसेसं से दंसिउं व अद्दिस्सयं पत्ता ।। ५७३० ।। फल्लुप्पलमालइमल्लियाइनीसेससुरहिकुसुमाण । जिणिउं व परिमलं से पसरइ सासो वि सुसुगंधो ।। ५७३१ ।। कम्मक्खइया जे पुण एक्कारस अइसया जिणिंदस्स । तेसिं पि किं पि पत्थावमागयं वन्नणं कुणमि ॥ ५७३२ ।। भयमच्छरअन्नोन्ना बाहा विवज्जिया जीवा । कोडिसयसहसमाणा वि जंति जं समवसरणम्मि ।। ५७३३ ।। खेत्ते जोयणमेत्ते वि तं पयासइ व तित्थनाहस्स । अणिमाइ महारिद्धीण संभवे केत्तियमिम त्ति ।। ५७३४ ।। (जुयलं) सुरमाणुसतिरियसभाणुजाइधम्मोवबोहयं वयणं । निक्कारिमोवयारित्तणं व साहेइ सामिस्स ॥ ५७३५ ।। पणुवीसजोयणाई चउद्दिसासु वि जिणिंददेहाओ । पुव्वुप्पन्ना वि जणस्स जंति रोगा जमुवसामं ।। ५७३६ ।। तं मन्ने अमयकरप्पहो त्ति नामस्स चेव भुवणम्मि । सव्ववणत्थं विलसिउमारद्धं से पभावेण ।। ५७३७ ।। (जुयल) जइ वि हु अनीइसंगो जणस्स हरिओ जिणेण थेवो वि । सो तह वि अणीइजुओ कओ अउव्वो हु पहुमहिमा ।। ५७३८ वइररिसहनाराए ठियमेयं जाणिऊण संघयणं । वइरं पहारभीयं च दूरमोसरइ भुवणाओ ।। ५७३९ ।। जायइ जयम्मि जं न वि जणस्स मारी जिणम्मि विहरंते । साहइ तं अमरणपयपयाणसत्तिं व जयपहुणो ।। ५७४० ।। अइवुट्ठि अणावुट्ठीओ हुंति नो जिणवरप्पभावाओ। तब्भत्तीए जलदेवयाहिं नावइ निसिद्धाओ ।। ५७४१ ।। जिणदसणबुद्धीए सोऊण वन्नवबहुगुणुप्पत्ति । दुब्भिक्खं पि पलायं भीयं समसद्दछलियं च ।। ५७४२ ।। भयवंतं भयवंतं दठूण व हयरुजाइसामत्थं । भयभीओ डमराडंबरो वि दूरं गओ झ त्ति ।। ५७४३ ।। भामंडलच्छलेणं पिट्ठि विलग्गो रवी परिब्भमइ ! तित्थेसरस्स केवलपहाए विजिओ व्व लज्जाए ।। ५७४४ ।। अन्ने वि इगुणवीसं देवकया अइसया जिणिंदस्स । कमपत्ताणं तेसि पि वन्नणं कुणमि एत्ताहे ।। ५७४५ ।। आगासगयं चक्कं विहरंतं जिणवरेण सह कहइ ! चउरंतकारिसद्धम्मचक्कवट्टित्तमेयस्स ।। ५७४६ ।। उवरि जिणस्स चरंतं आयासे सहइ पंडरं छत्तं । भरिऊण मच्चलोयं जसं व गयणम्मि उप्पइयं ॥ ५७४७ ।। जिणकित्तिगयणगंगाइ सहइ तरलो तरंगनिवहो व्व । पडुपवणहल्लिरो नहयलम्मि सेओ महिंदझओ ।। ५७४८ ॥