Chandappahasami Chariyam

Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad

Page 207

१७६
सिरिचंदप्पहजिणचरियं
अचिरट्ठाई एसो एगिदिय पाडगाइ एहितो । जम्हा दंसणमोहो निस्सारइ तं लहुं चेव ॥ ५५०४ ।। तहा हि - तह कह वि इमाण इमो दिदठी मोहं तमुवजणइ । सयमेव जह इमे हुति तस्स निव्वासगा सिग्धं ।। ५५०५ ।। पज्जत्तसन्निगामे पंचेंदियपाडयम्मि जे उ जणा । तम्मज्झे उण केई सम्मत्तेणं वसीकाउं ।। ५५०६ ॥ पेक्खंतस्स वि दंसणमोहस्स विवेगसेलदुग्गम्मि । निजंति जइ ण नयरं सुबोहरायस्स आणाए ॥ ५५०७ ।। तत्तो पुणो वि केई मिच्छईसणअमच्चबुद्धीए । वेलविया पुव्विल्लाई चेव ठाणाई समुवेति ।। ५५०८ ॥ अन्ने सुबोहराएण थिरयरा तत्थ चेव संविहिया । चारित्तधम्मरायस्स किं पि आणाए धरिऊण ।। ५५०९ ।। केइ वि सम्मइंसणअमच्चवसवत्तिणो कया तत्थ । देवगइपुरवरीए जंति तओ तप्पभावेण ॥ ५५१० ।। सम्मत्तमंतिबहुमयठिईए वसिऊण तत्थ चिरकालं । माणुसनयरिं पत्ता वच्चंति पुणो वि जइण पुरं ।। ५५११ ॥ तत्थ य सुबोहरायाणाए चारित्तधम्मरायस्स । निम्भिच्चावरमिच्चा होउं पाविंति सिवनियरिं ॥ ५५१२ ।। सा य अगम्मा सव्वस्स चेव सिरिमोहरायसेन्नस्स । चिंतइ दंसणमोहो तओ अहो विसममावडियं ॥ ५५१३ ।। मह पुत्तेणं एए पक्खित्ता सिवपुरीए नेऊण । न य तत्थम्ह पवेसो अवालणिज्जा अओ एए ॥ ५५१४ ॥ ता एयाणं ठाणं अस्संववहारपुरवराहिंतो । अण्णे वि आणिऊणं पूरेमि पउस्स आणाए ॥ ५५१५ ।। मह रूसइ चुल्लपिया न जेण इय चिंतिउं तहा कुणइ । तं वुत्तंतं नाउं आउयपालो वि चिंतेइ ॥ ५५१६ ।। मह भाउसुओ सोहणमणुट्ठए जं इमाइं ठाणाई । नरवइसुन्नाई इमो अन्नत्थ गएसु वि जणेसु ॥ ५५१७ ।। एत्थंतरम्मि दंसणमोहो वि हु आउरायपासम्मि । आगंतूण सपणयं जंपइ विणओणओ एवं ।। ५५१८ ॥ जो एस तायपुत्तो जाओ सम्मत्तनामगो मज्झ । अच्चंतं पडिणीओ न अम्ह सो मण्णए आणं ।। ५५१९ ।। न गणइ पियामहस्स वि वयणं अम्हं विवक्खलोएण । संघरिऊण व्वासइ ठाणाई एस खुद्दमणो ।। ५५२० ।। तुम्ह वि नावेक्खमिमो करेइ बलिए सुबोहरायम्मि । अइ आसत्तो अम्हे सव्वे वि तणं व मन्नेइ ।। ५५२१ ।। एवं च किं करेमो पभणह दुप्पुत्तयस्स तस्सऽम्हे । निययकुलधूमकेउस्स सत्तुसंसंगनट्ठस्स ।। ५५२२ ॥ केवलमम्हजणं सो नेउं जं कुणइ सुन्नयं ठाणं । अस्संववहारपुरओ तत्थ अन्नं निवेसामो ॥ ५५२३ ।। तम्मि असंभारजणो वसइ जओ तेण थेवजणगहणे । न हु मोयरायपायाण किं पि अवरज्झिमो अम्हे ।। ५५२४ ॥ नियपहु पारेमो जं आणेउं तयन्न वालेमो । अन्नं च तुम्ह सीसइ पत्थावसमागयं वयणं ।। ५५२५ ॥ नरयगइमाइयासुं नयरीसु नराहिवा तए ठविया । नरयाउपालमाई पयंडदंडा महा सुहडा ॥ ५५२६ ।। ते वि न नियनगरीसुं पारिति निवारिउं तयं कह वि । पेच्छंताणं ताणं तव्वासिजणं जओ किंचि ॥ ५५२७ ।। कारइ सो नियआणं मणुयगाई एउ सव्वहा गहिउं । जइण पुरं पविसेई सुबोहरायस्स कुणइ वसे ।। ५५२८ ।। चारित्तधम्मरायस्स सो वि अप्पइ तओ सिवपुरं च । निज्जइ तेणं तत्तो अवालणिज्जो हवइ सो वि ॥ ५५२९ ।। तो तह तेसिं देया सिक्खा तह तारिसा सहाया वि । एएसिमप्पियव्वा जह दिति न तस्स अवयासं ।। ५५३० ।।