Chandappahasami Chariyam

Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad

Page 208

अखलियपयावपसरनिवकहा
अन्नं च तुम्ह कडए सुहडा साओदयाइया के वि । जे सुहपयडिसरूवा चिट्ठेति न ते वि तुम्ह वसे || ५५३१ ।। जहा सम्मत्तस्सेवते व अणुयत्तणं बहुं कुणंति । ता भिन्नभेय कडयम्मि केरिसी कीरउ जयासा ।। ५५३२ ।। जे उण नाणावरणाइरायलोया न तेसिं वभिचारो। दीसइ मणं पि मिच्छत्तवसगया जेण ते सव्वे ॥ ५५३३ ।। तहा हि
नाणंतरायदसगं दंसणनवगं च मोहच्छव्वीसा । नामस्स चउत्तीसा नरयाउ असाय नीया य ॥ ५५३४ ॥ एए पोया सीय विमिच्छत्ता सव्ववसगया पायं । तुम्हम्ह पक्खमेए पासंति सया वि एक्कमणो ॥ ५५३५ ।। ता किं बहुणा भणिएण एत्थ लोयं विपक्खचरडेहिं । निज्जंतं रक्खावेह जह तहा कुणह जत्त त्ति ॥ ५५३६ ॥ इ भाउतणयवयणं सुणिऊणं मुनिउणं समग्गेवि । नरयाउपालमाई आहविऊणं भणइ एवं ॥ ५५३७ ॥ भो भो निययपुरेसुं सम्मत्तपवेसरक्खणं कुणह । सम्मत्तस्स पवेसे फिट्टिहइ जओ जणो अहं ॥ ५५३८ ।। ते बिंति देव ! अम्हा किं करिमो तेण अम्ह कडयाइं । सव्वाणि व बद्धाई तंबेण व लोहभंडाई || ५५३९ ।। परिकम्मं नो तेसिं वहइ तओ भाइ अओ बालो वि । दंसणमोहेणं चिय सव्वमिणं साहियं मज्झ || ५५४० || ताजारिया वाया वायंती ओलवा वि तारिसया । दिज्जंति जेण पयडं न सुयं तुब्भेहिं किं वयणं ॥ ५५४१ ॥ नरयाउयपालाईण तो सहाया भवित्तु सव्वे वि । भो भो अस्सायाई सुहडा नरयाइ नयरीसु ।। ५५४२ ।। जेसिंति केइ लोया ते केइ भएण केइ लोभेण । केई सम्माणेणं गहिऊणं कुणह तह तुब्भे || ५५४३ || जह अन्नत्थ न वच्चंति तेहिं भणियं जहम्ह आएसं । तुम्हे देह तह च्चिय काहामो तयणु तिगिलिओ ।। ५५४४ ।। काउं चरणपणामं विणणं आउपालदेवस्स । अह तस्स समुदएणं नियनिय नयरीसु वच्चति ।। ५५४५ ।। अस्सायपमुहसुहडा य आउरायस्स चेव भाउसुया । वेयणियमाइयाणं जेण इमे हुंति अंगरुहा || ५५४६ || तहा हि
-
I
वेणुभूई भज्जा तीए य साय- अस्साय । दो पुत्ता संजाया नामस्स य परिपालइ कलत्तं ॥ ५५४७ ॥ तस्स वि सुभासुभा वन्नगंधरसफासमाइणो तणया । उप्पत्ती भज्जाए गोयस्स य उच्चनीयसुया ।। ५५४८ ।। वेणियाsहिं इमे य अप्पिया आउपालदेवस्स । तेण य नियपुत्ताणं कया सहाया इमे सव्वे ॥ ५५४९ ॥ अस्सायनीयगोयासुहनामप्पमुहकडजुओ तत्थ । नरयाउपालदेवो रयणाइसु निययनयरीसु ।। ५५५० ॥ तव्वासिजणस्साउट्ठिईए, चिंतं करेइ ताव जओ । हडिपक्खेवसरिच्छा एसा अच्चंतदुल्लंघा ॥ ५५५१ ।। रयणा जहन्नेण वि वाससहस्साइं दसठिई विहिया । उक्कोसओ उ सागरमेगं तो चिंतइ पुणो वि ।। ५५५२ ।। एसा पढमपुरीए थोव च्चिय ताव सेस नयरीसु । अहिययरिं विरएमो एयंतो सक्करपहाए ।। ५५५३ ।। तिन्नेव सागराई उक्कोसेणं जहन्नओ एगं । उयहिसरिनामयं होउ जो उ वालुयपहानयरी ।। ५५५४ ॥ तइयाए तीए तिन्नेव सागराई जहन्नओ हुतु । उक्कोसेणं सत्तउ जाइ चउत्थीउ पंकपहा ।। ५५५५ ॥ दससागराई तीए उक्कोसेणं जहन्नओ सत्त । धूमप्पहाउ जा पंचमी तहिं दस जहन्नेणं ॥ ५५५६ ॥
१७७