Chandappahasami Chariyam

Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad

Page 200

चंदप्पहजिणवण्णणं
१६९
तेहिं नवपल्लवेहिं विरायमाणं असोयतरुभमरा । जिणपारसगुणमंतो रयंति पढमम्मि पायारे ॥ ५३१९ ।। (जुयलं) मूलम्मि तस्स विलसंतहरिणगयसिंहवग्घसंघायं । सिंहासणं च विरयंति मणिमऊहेहि रायंतं ।। ५३२० ।। हेट्ठा य तस्स पीढं विचित्तरयणोहनिम्मियं रम्मं । जस्सुवरितणं सोहइ चउदिसदीसंतवररूवं ॥ ५३२१ ।। पुव्विल्ल बीयसालंतरम्मि पुव्वुत्तरे दिसाभाए । देवच्छंदं च कुणंति सामिवीसमणकज्जेण ॥ ५३२२ ।। चिइरुक्खदेवच्छंदयसीहासणचमरच्छत्तपीढाई । एयं च सव्वमेत्थं वंतरदेवा पकुव्वंति ॥ ५३२३ ।। भणियं च - चीइदुमपीढछंदगआसणछत्तं च चामराओ य । जं चऽन्नं करणिज्जं करंति तं वाणमंतरिया ।। ५३२४ ।। इय कित्तियं च कीरउ वन्नणयं तस्स समवसरणस्स । जं नमिऊणं देवा वि विम्हयं कं पि पावंति ।। ५३२५ ।। विहियम्मि समोसरणे एवं देवेहिं एइ तत्थ जिणो । पाए निवेसयंतो नवनवसोवन्नकमलेसु ।। ५३२६ ।। नवणीयकोमलाई कमलाई कुणंति ताई किर देवा । नवसोक्खाइं नवाई कणयमयाई सुरम्माइं ।। ५३२७ ।। तेसु य दोसु निवेसइ चलणा किर जिणवरो व सेसाई । सत्त उउविति जिणपच्छिमम्मि भाए सुकायाइं ॥ ५३२८ ।। वच्चंतो य जिणिंदो जं जं मुंचइ तयं तयं पडइ । पच्छिल्लेसुं पच्छिल्लयंतु अग्गे कुणंति सुरा ।। ५३२९ ।। अच्चब्भुयचरिओ एवमेइ चंदप्पहो जिणो तत्थ । पविसइ पुव्वदुवारेण समवसरणम्मि सुरपणओ ॥ ५३३० ।। काउं पयाहिण तियं सपीढचेइयतरुस्स जिणवसभो । पुव्वाभिमुहो निसियइ नमोत्थु तित्थस्स भणमाणो ।। ५३३१ ।। सीहासणोवविढे भयवंते सेसयासु विदिसासु । अमरा तिन्नि कुणंती जिणपडिरूवाई रूवाई ।। ५३३२ ॥ तेसिं च जिणपभावाओ चेव रूवं हवेज्ज अणुरूवं । अन्नह सव्व सुरा जइ रूवं इच्चाइ विहडेज्जा ॥ ५३३३ ।। भणियं च - सव्व सुरा जइ रूवं अंगुट्ठपमाणयं विउव्विज्जा । जिणपायंगुंठें पइ न सोहए तं जहिंगालो ॥ ५३३४ ।। तिन्नि य पडिरूवाइं जाइं सुरा निम्मवंति ताई पि । जम्मावरगाईण वि णे कहइ जिणो त्ति बोहित्थं ॥ ५३३५ ।। उवविट्ठस्स जिणस्स य तहियं रायंति पाडिहेराइं । पिसुणंति जाइं तिहुयणपहुत्तणं तिजगनाहस्स ॥ ५३३६ ।। तहाहि - तुंगो वट्टो मसिणक्खंधो वरपोमरायबहलदलो । घणसमविसालसालोहरुद्धपसरंतनहविवरो ॥ ५३३७ ।। मयरंदलोलभमरालिगिज्जमाणप्पसूणगुणविसरो । चंदप्पहजिणनाहस्स उवरिरविकिरणतावहरो ॥ ५३३८ ।। रेहइ असोयरुक्खो पवणपहल्लंतपल्लवसएहिं । उव्विल्लंतकरहिं व नच्चंतो पहरिसभरेण ॥ ५३३९ । विशेषकम् ।। जलथलयतरुवरुत्थाण सुरविमुक्काण सुरहिगंधाण । पणवन्न विंटवाईण जाणुसेहप्पमाणाण ।। ५३४० ।। सहइ जिणस्स समंता वियसियकुसुमाण सन्तिया वुट्ठी । पहुदंसणफुल्लमुही हरिसमुविन्ती उडुसिरि व्व ।। ५३४१ ।। हरिसुल्लासपवंचिय रोमं चंचियसमग्गदेहेहिं । हरिणेहिं वि जा सुव्वइ अइरसतड्डवियकन्नेहिं ॥ ५३४२ ॥ मोहंधयारनियरावहारकरणम्मि तरणिमुत्ति व्व । जा य पभासइ भवअंधकूवपडियाण भवियाण ।। ५३४३ ।।