Chandappahasami Chariyam

Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad

Page 199

सिरिचंदप्पहजिणचरियं
निज्जम्म निरामय निक्कलंक निक्कलनिरंजणामरण । निल्लेव निज्जराममनीरय निद्दोस निक्कलुस || ५२९१ || निम्मलगुणरयणमहासमुद्द मुद्दियवियार संपसर । सरणागयाण अम्हाण देव चंदप्पह ! पसीय ।। ५२९२ ।। ता जत्थ कत्थ वि ठिओ अणंतसंसारमोहतिमिरभरं । दुक्खद्दुयाण जिणवर ! तरसा अवहरसु गरुयपरं ।। ५२९३ ।। एवं णित्थुईए अंते देवाइ सम्मुहो होउं । सक्को इमं पयंपइ सनिओगं भो अणुट्ठेह ॥ ५२९४ ॥ केवणनाणुप्पत्तीए जेण तित्थंकराण सव्वाण । देवासुरा पहट्ठा कुणंति महिमं समोसरणे ।। ५२९५ ।।
सक्कस्साणाए तुट्ठा देवासुरा विहाणेणं । उचियविही सुपयट्टा पहु आणं कोऽवलंघेज्जा ।। ५२९६ ।। वेडव्विय पवणेणं वाउकुमारेहिं दिव्वसत्तीए । हरियम्मि कट्ठतणसक्करो रयमाइवत्थुम्मि ॥ ५२९७ ।। तत्थाभिओगियसुरा धरायलं समतलं पकुव्वंति । चित्तमणिकिरणआबद्धइंदधणुविसररमणिज्जं ॥ ५२९८ ॥ तो काउ मज्झ वद्दलमाया से जोयणप्पमं भूमिं । गंधोदयसेएणं मेहकुमारा उ सिंचंति ।। ५२९९ ॥ तणु उउदेवयाओ सव्वोउयसुरहिपंचवन्नाण । वुट्ठि कुणंति कुसुमाण विंटवाईणमाजाणु ।। ५३०० । अन् उ आभिओगियविमाणवासी सुरा पकुव्वंति । दिप्पंतरयणमणहरपायारं रुइरकविसीसं ॥ ५३०१ || कविसीसे पुण पंचप्पयारमणिकिरणजालराहिल्ले । विरयंति तत्थ तह सव्वरयणमइए य चउदारे ।। ५३०२ ।। बीयं पायारवरं करंति सोवन्नियं तु जोइसिया । सोहंतं नाणारयणमइयपायारसिहरेहिं || ५३०३ || तइयं पुण रूप्पमयं सालं विरयंति भवणवासीओ। कंचणमयकविसीसा विराइयं सव्वओ सम्मं || ५३०४ || चउचउ दाराइं पुणो एएसु वि सव्वरयणमइयाई । पुव्विल्ले इव कुव्वंति निययपायारसमकालं ।। ५३०५ ।। वरतोरणाइ तेसु य पडायझयसुंदराइं कुव्वंति । रयणमयाई वरकणयचंदयाईहिं चित्ताई || ५३०६ || उभओ पासेसु तहा पउमपहाणफलिहमए । तोरणअहे य कलसे ठवंति वरवारिपडिपुन्ने || ५३०७ ॥ वररुवसालिहंजियसयकलिए मयरमुहविराइल्ले । तोरणखंभे य कुणंति विविहरयणोह दिप्पंते ॥ ५३०८ ॥ सरयब्भखंडपंडुरहारावलिमंडीओरुच्छत्ते य । दारोवरि विरयंती रणंतमणिकिंकिणी जुत्ते ॥ ५३०९ ॥ तयणंतरं समंता कालागुरुकुंदुरुक्कमाईण । कप्पूरमीसियाणं दज्झत सुगंधिदव्वाणं ॥ ५३१० || गंधेण मणहरेण जुत्ताओ कुणंति धूवघडियाओ । ते च्चिय देवा अन्ने भांति पुण अग्गिकुमर त्ति ।। ५३११ ।। भिन्निंदनीलमणिबद्धभूमियाओ सुवाणपंतीओ । लहरीओ व्व विरायंति जासु पविभत्तरूवाओ || ५३१२ ।। विमलजलाउन्नाओ पइ गोउरपासमुत्तरंगाओ। वियसियकमलवणाओ वावीओ कुणंति ताओ सुरा ।। ५३१३ ।। (जुयलं) वावीण परिसरेसु य कुसुमोहसमिद्धसुरतरुवणाणि । गंधं व लुद्धविलसिर महुयरकुलसेवणिज्जाणि ।। ५३१४ ।। मयमत्तकोइलाकुलकलरवजणजणियसवणसोक्खाणि । नंदणवणारं विरयंति नाइ उउलच्छिभवणाई ।। ५३१५ ।। (जुयलं) पायारतुंगसिंगेसु गोउरेसुं च तोरणसिरेसु । वावीण बलाणेसु य रम्मत्तण हरियहियएसु || ५३१६ ।। मंदानिलचलियंचलचूलाओ सहंति वेजयंतीओ। नच्चंत भुयलयाउ व्व सुरसिरीणं पमोएण ॥ ५३१७ || (जुयलं ) भत्तपुन्ना अंतरिय विग्गहा सोणपाणिनिवहेहिं । छायं पि व कुव्वंता जिणस्स नज्जंति जेहिं सुरा ।। ५३१८ ।।
१६८