Chandappahasami Chariyam

Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad

Page 197

१६६
सिरिचंदप्पहजिणचरियं वयणे तूसइ दिट्ठी सुलसइ भालम्मि लहइ परभागं । कंठे उक्कंठिज्जइ सवणेसुं अहियमूससइ ।। ५२३९ ।। हिययम्मि संपसीयइ मज्झ पएसम्मि पावइ पमोयं । नाभीए निब्भरत्तं उवेइ पडिबिंबइ नियंबे ॥ ५२४० ।। जंघाओ न उल्लंघइ पाए विणयाउ मुयइ नो तुज्झ । वारंवारं जिणनाह ! मज्झ दिट्ठी तइ पसत्ता ।। ५२४१ ।। थोऊणेवं सुरगणपहू सव्व देवेहिं सद्धिं । वारंवारं नमिय चलणो सामिचंदप्पहस्स । तत्तो नंदीसरवरसयाभाविसच्चेइएसुं । काउं अट्ठाहियगुरुमहं जाइ सग्गं पहट्ठो ।। ५२४२ ।। अन्ने विजे खेयरमाणविंदा जिणस्स दिक्खाइ समागया हु । तीएऽवसाणे पणमित्तु सव्वे नियं नियं ठाणमुवागया ते ।। ५२४३ चंदप्पहसामी वि हु सीससहस्सेण परिवुडो भयवं । अप्पडिबद्धो कम्मक्खयट्ठमब्भुट्ठिओ संतो ।। ५२४४ ॥ दिक्खाए गहियाए गामागरनगरसंकुलं पुहई । विहरइ सासयससिकरनिम्मलजसदेवनमियपओ ।। ५२४५ ॥ इइ चंदप्पहचरिए जसदेवंकम्मि अट्ठमं पव्वं । भणियं जह उद्दिळं एत्तो नवमं समारंभे ॥ ५२४६ ।।
अट्ठमं पव्वं समत्तं । (नवमो पव्वो) निन्नासिय मोहमहंधयारमालंबणं च जीवाण । अवलंबणरहियाणं भवकूवे निवडमाणाणं ।। ५२४७ ।। भीमभवरुद्दवणदवविज्झवणे जलयकालजलवाहं । सरयमियंकसमप्पह चंदप्पहसामियं नमिमो ॥ ५२४८ ॥ जुयलं अह पच्छिमे वयम्मी निक्खंतो दिवसपच्छिमे भाए । चंदप्पहजिणनाहो काउसग्गेण तत्थेव ॥ ५२४९ ।। रयणिं गमिऊण तयं अयभेरवाइसद्देहिं । जाए पभायसमए संचलिओ नलिणपुरहुत्तं । । ५२५० ।। जं पउमसंडनामं भन्नइ लोएण बीयनामेण । पुरवरगुणोववेयं वेयाइसुसत्थसत्तजणं ॥ ५२५१ ।। पत्तो य कमेण तहिं राया तत्थत्थि सोमदत्तो य । सगिहागयस्स तेण य वयदिवसा बीय दिवसम्मि ॥ ५२५२ ॥ च्छटुंते परमण्णेण पारणं तस्स कारियं तत्तो । अच्छेरयभूयाइं जायाइं पंचदिव्वाइं ॥ ५२५३ ॥ गयणंगणम्मि देवेहिं दिव्वदुंदुहिरवो समुट्ठविओ। .................... वसुहारा वरिसणं तह य ।। ५२५४ । घुळं च अहो दाणं गंधोदयपुप्फवरिसणं चेव । अद्धतेरसकोडी वसुहाराए पमाणं च ।। ५२५५ ॥ पाराविओ य भयवं जेण य तुट्टेण सोमदत्तेण । सो पयणुपेज्जदोसो अइरा पत्तो सिवट्ठाणं ।। ५२५६ ।। भयवं पि तओ पभिई विहरतो गामनगरमाईसु । उग्गतवच्चरणरओ रइअरइपएसु समचित्तो ।। ५२५७ ।। उवसममाइगुणेहिं कोहाईणं विवक्खभूएहिं । भावितो अप्पाणं कसायदप्पं पणोल्लितो ।। ५२५८ ॥ धिइबलनिबद्धकवओ पराजिओ न य परीसहभडेहिं । ठाणे ठाणे उदिएहिं छुहपिवासाइनामेहिं ।। ५२५९ ।। एक्कारसंगसुयसंपयाइ सहिओ पमायपरिचत्तो । चउनाणी साहूणं छिंदतो संसए बहुए ।। ५२६० ।। मासे तिन्नि जिणिंदो छउमत्थो विहरिओ निरासंसो। तत्थेवागच्छइ पुण सहसंबवणम्मि उज्जाणे ।। ५२६१ ।। जे वि हु सीसा सामिस्स ते वि अक्खलियनाणचारित्ता । उग्गतवच्चरणरया विहरंति समं जिणिदेण ।। ५२६२ ॥ सहसंबवणुज्जाणे य नागरुक्खो महालओ अत्थि । फलपुप्फपत्तसोहियसाहपसाहासयविसिट्ठो ।। ५२६३ ॥