Chandappahasami Chariyam

Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad

Page 204

अखलियपयावपसरनिवकहा
१७३ नाणावरणाईणं मोहो च्चिय होउ सामिओ ताव । वेयणिनामगोयाण नरवई होउ पुण आऊ ।। ५४२२ ॥ भवचक्कपुरस्स जओ सामी अहमेय संगयपुराइं । अन्नाई वि अत्थि बहूणि पाडया तह गिहा गामा ।। ५४२३ ।। नरयगइमाइयाण तो नयरीणं ठवेमि रायाणं । आउयपालं चिय जो हु बहुमओ नाममाईण ॥ ५४२४ ।। एसो य मोहराओ नाणावरणाइ बहुमओ जो य । सोउमसंववहाराइ नयरसामी ठवेयव्वो ॥ ५४२५ ॥ किं तु न कायव्वो च्चिय भेओ अन्नोन्नमेव नियगेहे । अन्नोन्नं साहिज्जं सव्वेहिं चेव कायव्वं ॥ ५४२६ ॥ तो सव्वे च्चिय तुट्ठा भणंति ताएण सुंदरो मंतो। दिट्ठो अम्हाण वि बहुमओ य ता कीरऊ एवं ॥ ५४२७ ॥ महईए विभूईए समकालं ठाविया तओ दो वि । मोहो जुवरायपए मंडलियपयम्मि आऊ य ॥ ५४२८ ।। सिक्खविया दो वि तओ कमेण भो महाराय ! ताव तए । असंववहारमहापुरस्स चिंता विहेयव्वा ॥ ५४२९ ।। चोइस भूयग्गामाणेगिंदियमाइपाडयाणं च । मह रज्जे अन्नस्स वि चिंता सयलस्स तुह चेव ॥ ५४३० ।। आउयराएण समं च चित्तभेओ महापयत्तेण ! रक्खेयव्वो रज्जं जेण इमं वुड्ढिमुवयाइ ।। ५४३१ ।। तुमए वि आउपुत्तय ! नरयगईमाइयासु नयरीसु । रयणप्पहाइयासु य तप्पडिबद्धासु सव्वासु ॥ ५४३२ ।। नारयतिरियनरामरलोयाण ठिई जहा सया होइ । तह कायव्वं तुह चेव नायगत्तं जओ एत्थ ॥ ५४३३ ।। मोहनरिदेण समं चित्तविभेओ न चेव कायव्वो । इय दो वि सिक्खवित्ता नियनियठाणेसु पट्ठविया ॥ ५४३४ ॥ भज्जा य मोहरायस्स मूढया तीए दो वि वरपुत्ता । दंसणचरित्तमोहा पढमपिया दिट्ठिमोहणिया ॥ ५४३५ ।। मिच्छाइंसणसम्मत्तमीसनामा य से सुया तिन्नि । इयरस्स वि अविरइभारियाइ जाया सुया तिन्नि ।। ५४३६ ।। वइसानरसेलक्खंभसागरा चउमुहायते सव्वे । तक्का य तेसिं भइणी बहुली नामेण चउ वयणा ॥ ५४३७ ।। अप्पाहिऊण दंसणमोहं अह भणइ मोहराओ वि । वच्छ ! तुह दिट्ठिमोहेण सत्ती अच्चब्भुया अस्थि ॥ ५४३८ ॥ ता असंववहारपुराइ पिंडिओ जो इमो मए लोगो। सो दिट्ठिमोहणेणं मोहित्तु सया वि धरियव्वो ॥ ५४३९ ।। जेणऽन्नत्थ न कत्थइ वच्चइ सुणइ न अन्नवयणं पि । न पलोयइ अन्नमुहं वसवत्ती तुह ठिओ निच्चं ॥ ५४४० ।। बज्झ च्चिय वच्छ ! मए बहुत्तणं अप्पियं निरवसेसं । ता अपमायपरेणं सया वि होयव्वमेत्थत्थे ।। ५४४१ ।। अन्नं च तुज्झ पुत्तो जो मिच्छादसणो इमो जेट्ठो । संसयविवज्जयाई उवायजणणम्मि कुसलो त्ति ॥ ५४४२ ।। सो वि मए परिठविओ महत्तमत्तम्मि जेण तुझेव । साहिज्जे सयकालं पयट्टई सयलकज्जेसु ॥ ५४४३ ॥ जे वि पिउभाउणो तुह नाणावरणाइणो महासुहडा । ते वि सामंतपएसु ठाविया गरुयगरुएसु ।। ५४४४ ।। एएसिं च कुबोहाबोहाइभडा भमंति सव्वत्थ । अखलियपसरा ते वि हु तुज्झ सहाया भविस्संति ॥ ५४४५ ॥ नाणावरणाईणं जेणाणुन्नाइ पेरिया एए । तं नत्थि किंपि कज्जं गरुयं पि न जं करिस्संति ।। ५४४६ ।। किंतु तए वि हु मिच्छादसणमापुच्छिऊण एयाण । आएसो दायव्वो सव्वत्थ वि मउसइच्छाए ॥ ५४४७ ॥ सम्मदंसणनामो जो तुह पुत्तो न सो उ अम्हाण । पहिडाइ भद्दओ जं पुराई उव्वासिउं मणइ ॥ ५४४८ ।। निसुयं च मए जह अत्थि एत्थ दुग्गे विवेयसेलम्मि । जइण पुरं तत्थ निवो सुबोहनामो महाबाहू ।। ५४४९ ।।