Chandappahasami Chariyam

Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad

Page 187

१५६
सिरिचंदप्पहजिणचरियं ता एस वुड्ढरूवं विउव्विर मह सया समणुपत्तो । दुहसयवासे भववासे वेरग्गुप्पायणनिमित्तं ।। ४०७५ ॥ अप्पडियारत्तं मह मुहेण मरणस्स भाणिऊणेसो । कयकिच्चो संपन्नो सुरालयं अत्तणो झ त्ति ॥ ४०७६ ।। इय सोउं तच्चरिउं लोओ अच्चंतकोउयक्खित्तो । अत्थाणगओ सव्वो वि भणिउमेवं समाढत्तो ॥ ४०७७ ॥ काऊण तिहुयणेक्कल्लनाह ! अम्हाण गुरुयरपसायं । साहेसु निययचरियं जं जायं अजियसेणभवे ॥ ४०७८ ।। तत्तो य जम्मि जाओ तओ व जा वेजयंतनामाओ । चविऊण विमाणाओ उप्पन्नो एत्थ भरहम्मि ॥ ४०७९ ॥ जाओ महसेणनराहिवस्स नंदणो लक्खणाइ देवीए । तं कहसु सयलमम्हं कुऊहलुत्ताण चित्ताण ॥ ४०८० ।। इय भणिओ तो तिजएक्कबंधवो परहियम्मि बद्धरई । सव्वं पि हु नियचरियं निवेयई तस्स लोयस्स ।। ४०८१ ।। तस्सवसाणे य पुणो, जंपइ जयनायगो जणा एवं । परमत्थेणेसभवो चिंतिज्जंतो असारो त्ति ॥ ४०८२ ।। जिवियजोव्वणधणदेहमाइसयलं पि जं सरीरीण । न खणं पि थिरं जायइ पुव्वक्कयसुकयविलयम्मि ।। ४०८३ ।। जे वि हु विसया सुररायकामिया हुंति मणहरा ते वि । बाढं विमूढहियणाण न उण सुविसुद्धबुद्धीण ॥ ४०८४ ॥ देविंदसंपयातुल्लरिद्धिसंपाइया वि जं विसया । विविहपरियावजणया हवंति परिणामविरसा य ।। ४०८५ ॥ बहुविहजोणीसु सरीरगाई विविहाई पाणिणो धरिउं । पत्तो नड व्व कन्नो विडंबणं विसयसुहलुद्धा ॥ ४०८६ ।। अन्नायसरूवेहिं विवायविरसेहिं कट्ठमेएहिं । वंचिज्जइ धुत्तेहिं व विसएहिं कहन्नु मुद्धजणो ।। ४०८७ ॥ जं पि हु रज्जं पडिहाइ पवरसोक्खं ति पागयजणस्स । तं पि असारं आभाइ जोइयं सम्मदिट्ठीए ॥ ४०८८ ॥ तहा हि - रोगाणाम जिन्नं पि व मूलमकल्लाणसंपयाण इमं । रज्जं जज्जरपोयं व नरयजलहिम्मि पडणकए ।। ४०८९ ।। तहा - मोहिंति मुहा मोहा हरंति हरणे व्व हरिणिदिट्ठीओ । मायन्हिया समासु रज्जह इत्थीसु मा तण्हा ।। ४०९० ।। तो भो नरिंदलोया किमेत्थ आसानिबंधणं अस्थि । संसारो वि बुहाणं जम्मि रई होज्ज काउं जे ॥ ४०९१ ।। एत्तो च्चिय एएणं अम्हाणं पुव्वसंगयसुरेण । विउरूविऊण वुड्ढत्तमेवमाभासियं करुणं ।। ४०९२ ॥ जम्हा जरा य मरणं च दो वि अच्चंतदारुणदुहाई । अप्पडियाराई हवंति नूण पाणीण संसारे ॥ ४०९३ ।। असंखयं जीविय मा पमायए जरोवणीयस्स हु नत्थि ताणं । एवं वियाणाहि जणे पमत्ते किं नु विहिंसा अजया गहिति ।। ४०९४ उवदंसंतेण इमाई दो वि ता जं इमेण मे रइयं । अच्चंत वेरग्गं तेण मणे मह इमं भाइ ।। ४०९५ ।। गिण्हंतो मुंचंतो विविहसरीराइं जेहिं एस जिओ । नाणाविडंबणाहिं विडंबिओ एत्थ संसारे ॥ ४०९६ ।। मूलाओ च्चिय उम्मूलएमि कम्माइं ताई तवसा हं । तिक्खेण कुहाडेणं वणगहणाई व इयरजणो ।। ४०९७ ॥ न हि कम्माणुच्छेओ विडंबणाहिं विमुच्चए जीवो । कारणखएण जइ वा कज्जखओ पयडमेव इमं ॥ ४०९८ ॥ एत्यंतरम्मि पंचमकप्पम्मी बंभलोयनामम्मि । सारस्सयमाईया जे देवा संति नवभेया ।। ४०९९ ।। अच्चंतपरमसुहिणो, सव्वट्ठविमाणवासिदेव व्व । एक्कावयाररूवा निम्मलसम्मत्तओहिधरा ।। ५००० ।