Chandappahasami Chariyam

Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad

Page 177

सिरिचंदप्पहजिणचरियं
थुणिऊण हरिसियंगो, सोहम्भवई इमं भणइ जणणि । सक्को देविंदो हं, सहस्सनयणो सयमहो य || ३८०३ || ताहं करेमि महिमं, जिणस्स जीयं ति सव्वसक्काणं । उवरुज्झिय व्व महुणा तुम्हेहिं न एत्थ इय भणिउं ॥ ३८०४ ओसोवणि समीवे, दलयइ उवइ य जिणस्स पडिरूवं । हरियंदणधवलेणं तो करजुवलेण धरिय जिणं ॥ ३८०५ ।। घेत्तूण पोग्गले तो, मणनयणाणंदणो विउव्वेइ । एगं च पंचरूवे, अप्पाणं तक्खणं सक्को || ३८०६ || गयिजिणंदो एक्को, दोन्नि य पासेहिं चामराहत्था । गहियधवलायवत्तो एक्को एक्कोत्थ वज्जधरो ॥ ३८०७ ।। नियइड्ढि पेच्छंतो आरोढुं पालयं वरविमाणं । सुरसेलं पइ चलिओ सुराण नाहो सपरिवारो ।। ३८०८ ।। सक्केण समं सव्वे, हंसा विव माणसस्स सरमाणा । गयणयलमुप्पयंते, उत्तरओणुत्तरा देवा || ३८०९ ।। सव्वेऽमिलाणमल्ला सव्वे वि न संफुसंति धरणियलं । सव्वे अणिमिसनयणा, सव्वे वि पहाणनेवच्छा || ३८१० ॥ सव्वे वि महिड्ढीया, सव्वे वि सयच्छराहिं परियरिया । सव्वे लसंतदेहा, सव्वे वुज्जोइयदसासा ।। ३८११ ।। गायंति के वि नच्चंति केवि वायंति के वि पहरिसिया । अवरे थुणंति अन्ने नमंति अन्ने वि य हसति ।। ३८१२ ।। ariति के विकुति के वि केइ वि पढंति बंदि व्व । उप्पिति के वि अवयंति के वि केई वि धावंति ॥ ३८१३ ।। एवमणेगच्छेरयकोऊहलवावडेहिं गयणयलं । अइलंघिऊण पत्तो मेरुगिरी अमरनिवहेहिं ॥ ३८१४ ॥ तिहिं मेहलाहिं रेहइ, जो वरनारीसरीरमज्झं व । जो वणमालाकलिओ, छज्जइ गोविंददेहो व्व ।। ३८१५ ।। निच्चं झरंतसलिलो, निच्चं मणिनियरकंतिकंतिल्लो । अइसुइयसुद्धकिन्नरविज्जाहरजुयलपरियरिओ ॥ ३८१६ ॥ जोयणलक्खपमाणो, पमाणमाणेण सो वि निद्दिट्ठो । वन्नुक्करिसोहावियसयलसुवन्नाइवन्नो सो ॥ ३८१७ || वज्र्ज्जततूरनिवहं, काऊण पयाहिणं तओ तस्स । सव्वे वि समं पत्ता, पंडगपडिमंडियं सिहरं ॥ ३८१८ ।। तुंगस्स तस्स अइसुंदरस्स चूलातलम्मि पासेसु । चउसुं पि सिला चउरो, जोयणसयपंच आयामा || ३८१९ ॥ गोखीरहारवन्ना, अद्धमियंकेण सरिससंठाणा । अड्ढाइज्जसयाई, रुंदा चउजोयणुस्सेहा ।। ३८२० ॥ पुव्वावरासु दो दो, एक्केक्कं दाहिणुत्तरसिलासु । सीहासणाई रासहरकरनियरालोयधवलाणि ।। ३८२१ ।। दाहिणसिलाए जं तं, फालियसीहासणं मणभिरामं । उवविसइ तत्थ सक्को, घेत्तूण जिणं जिणाहिवई || ३८२२ ॥ चंद व सोमवयणं, सूरं पिव तेयसा जगजगिंतं । जलनिहिमिव गंभीरं, सुरगिरिसिहरं व निप्पंकं ॥ ३८२३ ।। भवणवइवाणमंतरजोइसवासी विमाणवासी य । एत्थंतरम्मि देवा, संपत्ता मेरुमेरुसिहरम्मि || ३८२४ || अभिओगियदेवेहिं ण्हाणट्ठा निम्मयम्मि उवगरणे । आणीएसुं च तहा पुप्फजलाईसु सव्वेसु ॥ ३८२५ ॥ तो अच्चुयामरिंदो, सामाणियदेवदससहस्सेहिं । सिरि विरइयनाणामणिदिप्पंतसुरूवमउडेहिं ॥ ३८२६ || सत्तहि अणीयनाहेहिं, चउहिं पवरेहिं लोगपालेहिं । अह आयरक्खियाणं चालीसाए सहस्सेहिं ॥ ३८२७ ।। नियदेहाहि विणिग्गयभासाभासिंतदसदिसाएहिं । तेत्तीससंखपरिमियतायत्तीसामरेहिं पि ॥ ३८२८ ॥ सत्ताणीयवरेहिं य सममन्नेहि य बहूहि देवेहिं । मउडाइवरविभूसणविभूसियाइसयसव्वंगो || ३८२९ ॥ आभिओगदेवनिम्मियसुवन्नमणिरुप्पचित्तगत्तेहिं । अट्ठट्ठकलससमहियकलससहस्सेहिं अट्ठहिउ || ३८३० ।।
१४६