Chandappahasami Chariyam

Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad

Page 184

चंदप्पहजिणसासणव
तमुवायणीय हत्था सहाए आगम्म देसियनरिंदा । कहिय नियनामगोत्ता नमंति सिरसा दुवारे वि ॥ ३९९३ || सो अट्ठा विहंजियरमणिं दिवसं च विबुहनयबुद्धी । नयमग्गदंसणपरो गमेइ उचिएहिं कम्मेहेिं ।। ३९९४ ।। नरवइसहस्समज्झे तमिंदवयणेण अमरनारीओ । सेवंति पइदिणं ललियगीयनट्टाइ करणेण ।। ३९९५ ।। कमलप्पहाइ नियदिव्वरभणिवंद्रेण परिगओ सुइरं । अणुहवइ जएक्कपहू भोगसुहं विउसतोसयरं ।। ३९९६ ।। पुत्तोय तस्स जाओ चंदी नामेण सयलगुणजेट्ठो । सव्वकलापत्तट्ठो आनंदियसव्वजगसिट्ठी ।। ३९९७ || कह तस्स रज्जलच्छि वन्नउ अम्हारिसो मइविहीणो । सुरराओ वि हु जं पेच्छिऊण विम्हियमणो जाओ ।। ३९९८ ।। अन्नं च -
विलसिरकिरीड भासुरसिरेहिं सुरनायगा समग्गावि । पयकमलजुयं पवहंति जस्स किं वन्निमो तस्स ।। ३९९९ ।। तह कह वि रज्जलच्छी पहुम्मि पयरिसपयं समारूढा । देविंदा वि हु सलहंति जमिह सुमहिड्डिसंपन्ना || ४००० || अह अन्नदिणे रायमणिमयसिंहासणे समुवविट्ठो। अत्थाणगओ रेहइ ससि व्व उदयायलसिरम्मि || ४००१ || आभरणसोणमणिकिरणजालमंगप्पहाए विकिरंतो । सुविसुद्धप्पा रागं बहिक्खिवंतो व्व सो सहइ || ४००२ || हेममयदंडकलियं सियछत्तं सहइ नरवरस्सुवरि । हिट्ठा दिप्पंततडिल्लयाइ सरयब्भविद्रं व ॥ ४००३ || सुरचमरहारिणीकरनिक्खित्तुक्खित्तचामरेहिं पहू । सोहइ घडंतविघडंतसरयमेहो हिमगिरि व्व || ४००४ ।। पणमंतसुरासुरविसररुद्ध अत्थाणमंडवे तस्स । दुक्खं लहंति सेवा समागया नरवरासन्नं || ४००५ || सुरअसुरखयरनरनायगाण सिरिरइय अंजलिपबंधे । पेच्छइ राया नियदेहकिरणमउलंतकमले व्व ॥ ४००६ || नमिरामरदाणवखेयरिंदसिरमउडमणिसु संकंता । जस्स चलणंगुलिनहा सहति चूडामणि व्व फुडं ॥ ४००७ || तह तस्स त्थाणं नरवरिंददेविंदसंकडं जायं । जह तेसि मोलिमाला उ इंतिखसियाओ वि न भूमिं ॥ ४००८ || जइ पहुअत्थाणपहावरिद्धिभणणम्मि को भवे सक्को । सुरगुरुमाईण वि जत्थ किं पि मंदायए बुद्धी || ४००९ || तहा हि -
१५३
नरवइसंघट्टतुट्टंतहारतरलाइ मणिगणो कोइ । जइ कह वि मणेण विहरिउमीहए तत्थ अत्थाणे || ४०१० || अदिट्ठबंधओ बंधणेण रहिओ तहावि बद्धो व्व । दीसइ स आरडंतो अस मेणं तप्पभावेणं ॥ ४०११ || (जुयलं ) जई चित्तेण वि देवो वि कोइ अहिलसइ अन्नसुररमणि । निद्वारिज्जइ केणावि सो वि तत्तो अणिट्ठेण ॥। ४०१२ ।। विज्जाहरो वि जो किर परनारि को वि दूरमवहरइ । सो एइ छिन्नविज्जो उपयनिवए करेमाणो || ४०१३ || जत्थ य पयंडभुयदंडदंडिहक्काहिं भीइसंतंता । हुंति अयंडे चलचकियलोयणा सुरनराइगणा || ४०१४ || हेममयदंडपाणी निजोजयंतो जहट्ठिईए जहिं । दंडी आभासइ लोयमेवमच्च भुयगिराहिं । ४०१५ ।। अक्कमपच्छिममहिं दूरे होऊण नमह जयसामिं । मा संफुसह सुरिंदे अयाणुया मउडकोडीहिं ॥ ४०१६ || भो भो देवा संकुइय ताव देवीण देह मग्गमिमं । आरत्तिय पत्थावे तिलोयसामिस्स पत्ताण || ४०१७ || भो भो सुरासुरगणा समहत्थं देह किं विलंबेह । गंधव्वकिन्नराई कुणन्ति जेणेत्थ वरगीयं । ४०१८ ।।