Book Title: Chandappahasami Chariyam
Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad
View full book text ________________
सिरिचंदप्पहजिणचरियं
तइंसणसंभासणाइजणियगुरुहरिसनिब्भरमणा य । तीसे महत्तराए, सुणंति ते देसणं पवरं ॥ १५०८ ॥ पत्थावं लहिऊणं, पुच्छंति य को सुहस्स इह हेऊ । पभणइ गणिणी धम्मो, को सो ? ते पुण वि पुच्छंति ॥ १५०९ सा आह जीवरक्खा, का सा ? ते बिंति भणइ गणिणी वि । मण-वयण-कायजोगेहिं वज्जणं जीवघायस्स ॥ १५१० अन्ना वि ताण पुच्छा, महत्तराए य उत्तरं जं च । पन्हुत्तरक्कमेणं, कहिज्जमाणं तयं सुणह ।। १५११ ।। किं सोक्खं आरोग्गं, को नेहो जो मणस्स सब्भावो । किं भन्नइ पंडिच्चं, सव्वत्थ वि जं परिच्छेओ ।। १५१२ किं विसमं कज्जगई, किं लठं जं जणो गुणग्गाही । किं सुहगेज्झं सुयणो, किं दुग्गेझं खलो लोओ ॥ १५१३ किं दुक्खं परतंतत्तमेव, किं पीइछेयणं कोहो । किं विणयहाणिजणणं, थड्ढत्तं सेलथंभो व्व ।। १५१४ ॥ को मित्तयाइ सत्त, माया किं सव्वनासणं लोभो । किं मरणं सोक्खंतं किं दारिदं असंतोसो ॥ १५१५ ।। एमाइपसिणवागरणकरणमिच्छत्तमोहहरणेण । जायाइं ताई सुस्सावयाई सव्वाइं समकालं ॥ १५१६ ॥ सह सेससाहुणीहिं, महत्तरं वंदिऊण तो काउं । सोमाइ खामणं ते, गया य सममेव गेहम्मि || १५१७ ।। तप्पभिई अन्नो वि हु, न को वि से धम्मविग्घमायरइ । इय निरइयारधम्मं, पालइ सा गुरुयणेण समं ॥ १५१८ कालंतरेण सुहधम्मपरायणाण, लोओवयारनिरयाण गुणुत्तमाण । पाणे चइत्तु विहिणा ससमाहिपुव्वं, जाओ सुरालयगमो सयलाण ताण । १५१९ ॥ इय मग्गगामिभावाओ मंगलाई हवंति जीवाण । गुणठाणगपरिणामे, परिणामसुहावहफलाई ॥ १५२० ।। एवं सिरिअजियंजयनरिंद ! जं पुच्छियं तए सोमा । का एसा के व गुरू, तं कहियं तुज्झ सपसंगं ॥ १५२१ ।। केवलमेसो कहिओ, पंचण्हं कम्मबंधहेऊण । जो परिहारो सोमाइयाण देसेण सो नेओ ॥ १५२२ ।। जे अइलहुकम्माणो, जं किंचि निमित्तमित्तमिह पप्प । नीसेससंगचाय, करंति उच्छलियसुहविरिया ॥ १५२३ ॥ पुन्नाणुबंधिपुन्नोदयेण, जम्मंतरे समालीढा । तेसिं मिच्छत्ताई, पयपंचयसव्वपरिहारो ॥ १५२४ ।। (जुयल) तम्मि य वियाणियव्वो, दिलैंतो तुज्झ चेव अंगरुहो । सिरिधम्मभवे जेणं, पलोइडं सरयमेहालिं ॥ १५२५ ॥ उल्लसियउग्गवेरग्गभावणाजणियचरणसद्धेण । मोत्तूण रायलच्छि, पडिवन्ना सव्वओ विरई ॥ १५२६ ॥ (जुयल) परिवालिऊण तं निरइयारमाराहिऊण विहिमरणं । सोहम्मे उववन्नो, सिरिहरनामा महिड्ढिसुरो ॥ १५२७ ।। आउक्खयम्मि चविउं, तत्तो तुह चेव एस वरपुत्तो । संजाओऽजियसेणो, त्ति चक्कवट्टित्तमणुपत्तो ॥ १५२८ ॥ अजियंजयनरनाहो, सुणिउमिमं जायसुद्धपरिणामो । भणइ जिणं कहमेयाण जायए सव्वपरिहारो || १५२९ ।। तो साहइ तित्थयरो, जो खलु सम्मत्तनाणचरणाणि । समगं चिय आराहइ, परिहारो तस्स सव्वेसि ॥ १५३० ।। सम्मत्ताई आराहणा य जायइ सुसाहुदिक्खाए । मिच्छत्ताईचाओ, तत्थेव जओ समग्गो त्ति ॥ १५३१ ।। तहा हि - सब्भूयत्थगणाण सद्दहणओ सम्मत्तमावेइयं । हेयादेयपयत्थसत्थविसए नाणं पयासावहं ॥ चारित्तं च समग्गपावपडलोवग्घायसंपायगं । कम्माभावकरं तिगं पि मिलियं एव न एक्केक्कयं ।। १५३२ ॥
Jain Education International
For Private & Personal Use Only
www.jainelibrary.org
Loading... Page Navigation 1 ... 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 