Chandappahasami Chariyam

Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad

Page 160

पउमनाहनिवो
१२९
एवं च - दो वि हु वीरजुवाणा दो वि असामन्नसत्थसामत्था। दो वि परक्कमसारा, परिस्समअगंजिया दो वि ।। ३३४३ ॥ ते जुज्झंता लोएण नेव संलक्खिया जह इमेसि । दोण्ह वि मज्झे को वि हु जयस्सिरीभायणं होही ॥ ३३४४ ।। खणमेत्तेणं च तओ जुवाएणं सुवन्ननामेण । चिरजुज्झपरिस्संतो गहिओ सो पहरिऊणसिणा ।। ३३४५ ।। तं वंदीकाऊणं, सुहज्जयं बंदिनिवहथुव्वंतो । तो जुवराओ नेऊण नियय पिउणो समप्पेइ ॥ ३३४६ ।। कंठसुकुंडलमाई सामन्ता जे य पउमनाहस्स । तेहिं पि वरुणसिरिचंदकित्तिमाई निवा विजिया ।। ३३४७ ।। एवं च निययसेन्नं हयविप्पहयीकयं पलोएत्ता । तो पुहइपालराया, कोवारुणलोयणो ढुक्को ।। ३३४८ ।। तमसाहारणचिंधेहिं जाणिऊणं समुट्ठियं मंती । कन्नासन्ने होउं, भणंति सिरिपउमनाहनिवं ।। ३३४९ ।। देव ! इमो अच्चंतं खलस्सहावो अमाणुसबलो य । सुव्वइ पुहईपालो, आवासो कूडकवडाण ।। ३३५० ॥ सयमागयम्मि एयम्मि अप्पमत्तेण ता पहरियव्वं । लहुओ वि रिऊ गरुओ दट्ठव्वो नीइनिउणेहिं ।। ३३५१ ।। दइयं पिव मंतिगिरं, हियए काऊण तो नरवरिंदो । सज्जियसरासणो सत्तुसम्मुहो धाविओ तुरियं ।। ३३५२ ।। पयरुक्खसमूहेणं परिवारिय कुंजरा तओ दो वि । अन्नोन्नं जुज्झेउं, अनन्नसमविक्कमा लग्गा ॥ ३३५३ ।। निययं बलं च दोहिं वि जुज्झतं वारिऊण दप्पेण । एक्कंगसरेहिं चिय तह सरखेवो समाढत्तो !! ३३५४ ॥ अन्नोन्नाघायसमुट्ठियरिंगणा जह सहति बाणगणा । तिरिय निवडता दिसिमुहेसु उक्कासमूह व्व ।। ३३५५ ।। तं सत्थकोसलं पासिऊण दोन्ह वि नहम्मि सरविसरा । न परं अणमिसनयणा नरा वि भूमीए तह जाया ।। ३३५६ ।। जे जे अणिट्ठियसरोसरे विमुंचइ निवो पुहइपालो। ते ते निययसरेहिं दुहंडई पउमनाहो वि ॥ ३३५७ ।। तो नाऊण अजेयं धणुवेयविसारयं सरेहिं तयं । मुयइ सरोसो सेल्ले सिरिपुहईपालनरनाहो ॥ ३३५८ ।। ते वि हु सुवन्नमहिहरनिच्चलचित्तो सुवन्ननाभगुरू । अपडंत च्चिय नियअड्ढयंदबाणेहिं खंडेइ ॥ ३३५९ ।। अह मुंचइ चक्काई, रएण सो पउमनाहहणणट्ठा । ताई पि पउमनाहो, मोग्गरघाएहिं चूरेइ ॥ ३३६० ।। तो मुंचइ सो सत्तिं, सत्तित्तयविजियविट्ठवो कुविओ । तं पि हु रयणपुरेसो गयाभिघाएण ढालेइ ।। ३३६१ ।। रयचोइयनियहत्थी, तो फरुसं वाहए रिऊ तस्स । वणकेलिधरे णासो कणीकओ वज्जमुट्ठीए ।। ३३६२ ।। सोमप्पहापिएणं तो संकुं तस्स मोत्तुकामस्स । कयलीकरहाडं पिव चक्केण दुहाडियं सीसं ॥ ३३६३ ॥ एत्थंतरम्मि कडयम्मि वेरिणो पुहइपालनरवइणो। अप्पपरंपरयाए जायाए पहुस्स मरणम्मि ।। ३३६४ ॥ वणकेलिवियडकुंभयडमामुसंतो स पउमनाहनिवो । सोहावइ रणभूमिं वणीण बंधावए पट्टो ॥ ३३६५ ।। (जुयल) सबलस्स परबलस्स य जो को वि तहिं विणासमावन्नो । सक्कारं से सक्कारपुव्वयं तह करावेइ ।। ३३६६ ।। एत्थंतरम्मि एगेण सेवगेण सम्माणिऊण तहिं । सिरिपुहइपालसीसं, पुरोकयं पउमनाहस्स ।। ३३६७ ।। तं दतॄणं निव्वेयमुवगओ नियमणे मुणइ एवं । धिद्धी कहमेस जणो लच्छीए कए खयं जाइ ॥ ३३६८ ॥ खणमालिंगइ सव्वंगमेव अइनेहनिब्भर व्व इमा । खणमपरिचिय व्व पुणो दूरेणं नरं परिच्चयइ ।। ३३६. . ।।