Chandappahasami Chariyam

Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad

Page 163

सिरिचंदप्पहजिणचरियं
दंसणमिह समत्तं परिहरमाणेण तम्मि संकाई । अनवट्ठाणं पि इमं नवमट्ठाणं नियं वुढि || ३४२५ ।। एवं चिय विणयम्मी आसंसाईहिं विरहियमणेण । आवस्सए य सामाइयाइछब्भेयभिन्नम्मि || ३४२६ || अइयाररहियणुट्ठाणकरणनिच्चलसमग्गकरणेण । अट्ठारसविहबंभव्वयरूवे सुद्धसीले य || ३४२७ ।। पाणाइवायविरमणरूवेसु वएसु निरइयारेण । आराहिया इमेणं चउरो ठाणा इमे अन्ने || ३४२८ ॥ खणलवमुहत्तमाइसु तवम्मि चायम्मि उज्जमविहीए । अणवरयं दो ठाणा, इमे य आराहिया तेण ।। ३४२९ ।। आयरियाईण तहा, वेयावच्चं दसाहसयकालं । अविसन्नं कुणमाणेण मणसमाहिट्ठिएणं च ।। ३४३० || अप्पुव्वनाणगहणे निच्चं चिय उज्जमं तरंतेण । सुयभत्तिं च असरिसं दिणे दिणे पयडयंतेण || ३४३१ || कइय वि वायन्तेणं कइयावि निमित्तियत्तकरणेणं । कइय वि तवचरणेणं धम्मकहाए य कइया वि || ३४३२ ॥ कवि सुत्तत्थोभयपयासणेणं दुवालसंगस्स । कइय विपन्नत्तीमाइविज्जसंजणियचोज्जेण || ३४३३ ॥ कवि अंजणगुडियासिद्धत्तुप्पन्नविविहरूवेण । लहुगुरुदिस्सादिस्साइएण कालम्मि रइएण || ३४३४ || छंदाणुवित्तिसारं, सालंकारं सलक्खणमुयारं । मित्तं पिव चित्तहरं, कइय वि कव्वं करंतेण ।। ३४३५ ।। जिणसासणस्स एवं कज्जुप्पत्तीए अट्ठट्ठाणेहिं । कुणमाणेण पभावणमइगरुयं सत्तिमंतेण ॥। ३४३६ ।। सिरिपोमनाहमुणिणा पंच य ठाणा पयासिया एए। सव्वेसि मीलणेणं, वीसट्ठाणाइं जायाई ॥। ३४३७ || नव चत्तारि य तह दोन्नि पंच मिलिया हवंति वीस जओ । एए हेऊ तित्थयरनामबंधम्मि भणियं च || ३४३८ || अरहंत सिद्धपवयणगुरुथेरबहुस्सुए तवस्सीसु । वच्छल्लयाइ एसिं अभिक्खनाणोवओगे य ।। ३४३९ ॥ दंसणविणए आवस्सए य सीलव्वए निरइयारो । खणलवतवच्चियाए, वेयावच्चे समाही य || ३४४० ।। अप्पुव्वनाणगहणे, सुयभत्ती पवयणे पभावणया । एएहिं कारणेहिं तित्थयरत्तं लहइ जीवो || ३४४१ | पुरिमेण पच्छिमेण य एए सव्वे वि फासिया ठाणा । मज्झिमगेहिं जिणेहिं एगं दो तिन्नि सव्वे वा ॥ ३४४२ ।। इय चिरकालं चरिऊण चरणमइउत्तमं महासत्तो । अन्नदिणे उवलक्खिय बलहाणिं निययदेहस्स || ३४४३ ॥ उल्लसियजीवविरिओ, चिंतइ धीरो महामई एसो । विद्धंसणधम्मं चिय सरीरमेयं मणुस्साणं ॥ ३४४४ || ता जाव न पडइ इमं परिपक्कफलं व कत्थ वि अनायं । ताविमिणा जुत्तं मे विहिमरणाराहणं काउं ।। ३४४५ ।। इय चिंतिऊण वच्चइ केवलिणो सिरिहरस्स पासम्मि । विणएण तयं वंदिय, साहइ से नियअभिप्पायं || ३४४६ || तो केवलिणाणुमओ विहिणा संलेहणं दुहा काउं । तस्सेव पायमूले, पडिवज्जइ वियडणाईयं ॥ ३४४७ || तहा हि
१३२
,
पंचवि आयारे नाणायाराइभेयभिन्नम्मि । जा का वि विसयसेवा कया मए तं अहं निंदे || ३४४८ ।। जो जस्स कोइ कालो, अंगाइसुयस्स सुत्तअत्थेसु । तस्साइक्कमणं जं तं निंदे तं च गरिहामि || ३४४९ ।। जो विविणओ न कओ गुरुसु सुत्तत्थदायगेसु मए । आसायणा य विहिया, सुयस्स निंदामि तं सव्वं ।। ३४५० ।। भवजलहिपोयभूयं चिंतामणिकप्पपायवऽब्भहियं । सुयमेयं तम्मि कओ बहुमाणो जो न तं निंदे || ३४५१ ||