Book Title: Chandappahasami Chariyam
Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad
View full book text ________________
१२८
सिरिचंदप्पहजिणचरियं
तहा हि - मन्ने सयलदियंतरविसप्पि दठूण ताण बाणगणं । गयणममुत्तं जायं, तप्पभिई चेव भीयं वा ॥ ३३१९ ॥ वीररसतोसिया जयसिरि वि न गणइ गयागयकिलेसं । दोण्ह वि ताण समीवे, वारं वारं परिब्भमइ ॥ ३३२० ।। एत्थंतरम्मि रिउणा, मंतेण व छलियसंकुणा सीसे । तह पहओ भीमरहो जह मुच्छाभिंभलो जाओ ।। ३३२१ ।। तो खत्तधम्ममणुयत्तंतेण महारहेण खणमेत्तं । वीसमियं इयरेण वि मुच्छं तो उठ्ठियं ताव ।। ३३२२ ।। पुरओ दठूण रिउं, रोसवसा दसणदट्ठनियओट्ठो । वीसमसि कीस गिण्हाहि आउहं जेण पहरामि ।। ३३२३ ।। इय भणमाणो च्चिय निययहत्थिणा पाडिऊण से हत्थिं । जीवग्गाहं गेण्हइ, तं सह सुरमुक्ककुसुमेहिं ॥ ३३२४ ॥ तो पिउगहणामरिसा, उत्तेइयसारही रही तत्थ । सूररहो संपत्तो, धणुहं धीर व्व णिधुणंतो ।। ३३२५ ।। इंतं तं दळूणं पिउणा खित्तस्स सम्मुहं झ त्ति । अंतरनियदिन्तरहो महीरुहो अह पडिच्छेइ ।। ३३२६ ।। सो तेण तया सद्धिं, जुज्झंतो चिरयरेण तस्सउरे । पक्खिवइ सरं तह जह सो पडइ रहम्मि तव्विवसो ॥ ३३२७ ॥ तो सारहीरहं से वालइ घेत्तूण तं तहा विहुरं । एत्तो महीरहरहे, सुरेहिं खित्ता कुसुमवुट्ठी ।। ३३२८ ।। अवयरइ तओ सिरिपुहइवालरन्नो सुओ बलुम्मत्तो । नामेण धम्मपालो, दारुणकोवारुणसरीरो ॥ ३३२९ ।। वरिसंतो सरधाराहि जो य सझाघणो व्व वित्थरइ । लग्गो तस्स समग्गो, महीरहाईनिवइवग्गो ॥ ३३३० ।। तो इमिणा एक्केण वि, सीहेण व मत्तमयगलसमूहो । पच्छाहुत्तो विहिओ, विमुक्कलज्जो असेसो वि ।। ३३३१ ।। तं भज्जतं दतॄण रायचक्कं सुवन्ननाभो य । आसासिंतो ढुक्को, रहेण सिरिधम्मपालस्स ।। ३३३२ ।। तो भणइ धम्मपालो, रे रे अवसरसु मज्झ दिट्ठिपहा । मह हत्था काउरिसे पहरंता जेण लज्जंति ।। ३३३३ ।। बालो बालमई तह, जुज्झसमत्थो न होसि कत्थ वि य । ता वच्च पिउसमीवं पेससु तं चेव मह पासे ।। ३३३४ ।। अवि य - को सि तुमं भीमरहो य को व को वा स तुज्झ जणओ वि । ता सव्वे मिलिऊणं आगच्छह जेण पहरामि ।। ३३३५ इय पभणंतो भणिओ जुवराएणं न उत्तमनराण । सोहइ अप्पपसंसाकरणं परनिंदणं वा वि ।। ३३३६ ॥ जओजे अप्पणो पसंसं करंति निंदं परस्स गरुया वि । ते रायमग्गवडियाओ हुंति लहुया तणाओ वि ॥ ३३३७ ॥ ता पहरसु वीसत्थो, एएहिं किमालजालभणिएहिं । नियमाउयाइ चवलत्तसूयगेहिं असारेहिं ।। ३३३८ ॥ इय तव्वयणायन्नणअहिययरुप्पन्नकोवविहुरो सो । दुल्लक्खमोक्खसंधाणधणुगुणो मुयइ सरविरई ॥ ३३३९ ।। जुवराओ वि हु से अद्धमग्गमब्भागए वि बाणगणे । छिंदइ नियरोवेहिं आरोवियधणुविमुक्केहिं ।। ३३४० ।। जाए सिलीमुहखए सेल्ले मेल्लेइ धम्मपालो वि । ताण खयम्मि य कुंतेहिं, पहरई तक्खए असिणा ।। ३३४१ ।। इयरो वि निययसेल्लाइएहिं तप्पहरणाई कुणइ तहा । अद्धपहे च्चिय जह अक्खमाई जायंति नियकज्जे ॥ ३३४२
Jain Education International
For Private & Personal Use Only
www.jainelibrary.org
Loading... Page Navigation 1 ... 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 