Book Title: Chandappahasami Chariyam
Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad
View full book text ________________
सिरिचंदप्पहजिणचरियं
दसमदिणे अज्ज स एस वारणो नियवणं पमोत्तूण । पत्तो जणोवघायं कुणमाणो माणमयमत्तो ॥ २६८९ ।। एवंविहं च दट्ठं जणाणुकंपाए वसमिमं काउं । साहिम्मि बंधिऊणं धरियं मुणिनाह ! पेच्छ तुमं ॥ २६९० ॥ पच्चक्खं चिय तुह सव्वमेयमिह जइ वि केवलबलेण । चवलत्तणेण तह वि हु कहेमि पहु ! सव्वमेवमहं ।। २६९१ अन्नं च जहिच्छाए रम्मेसु वणेसु एस विहरंतो । अणुरायनिब्भरेणं समयं नियकरणिजूहेण ।। २६९२ ।। विउलजलासयसलिलावगाहकीलाविलासदुल्ललिओ । सोमालसरससल्लइदुमपल्लवकवलणक्खणिओ || २६९३ ।। ते सव्वं परिचइऊण अत्तणो बंधजणणकज्जेण । केण निमित्तेण इहं कालेण व चोइओ पत्तो ।। २६९४ || (विसेसयं) देहीण जओ दुक्खं, समं पराहीणयाए न हु अन्नं । न य सोक्खमपरतंतत्तणाओ लोयम्मि परमत्थि || २६९५ ।। ता किं दुरप्पणा णेण निययसीसम्मि सिंहनहविसमो । चिरकालमंकुसो भण उवणीओ दुक्खसहणत्थं । २६९६ ।। इय नरवरस्स गंभीरवयणमायन्निऊण मुणिनाहो । तप्पसिणाणुगयं चिय पडिभणइ विरागजणणत्थं ।। २६९७ ॥ पुव्वभवे एस करी नयरम्मि महापुराभिहाणम्मि । नामेण धरणिकेऊ, नरनाहो आसि विक्खाओ || २६९८ ।। उप्पाइऊण कारिममवराहं जो सया वि लोयाण । लेइ बलामोडीए, धणाइ परिपीलिउं बहुसो || २६९९ ॥ पारद्धिरमणसीलो हणइ य मियससयसूयराइजिए । भयभीयनिरवराहे, रन्नंबुतणाइवित्तिपरे || २७०० || निठुरभासणसीलो, असम्मओ तह य सयललोयस्स । अवराहाभासम्मि वि विहिए अच्चंतकोवपरो || २७०१ ।। अवि य -
१०४
सोच्चि से पाणपिओ जो परपेसुन्नतप्परो निच्चं । वंचणरओ असच्चो, परोवयावी सहावेण ॥ २७०२ ।। परगंठिच्छेयकरो, परदारपरायणो महालुद्धो । निद्धम्मो ठगवित्ती, बहुकवडकुहेडयपहाणो ॥ २७०३ ।। आसी य तस्स रज्जे, महंतओ तारिस च्चिय गुणेहिं । रन्नो अईव इट्ठो वसुंधरो नाम सुपसिद्धो || २७०४ ॥ अन्ने वि जे निउत्ता, निओगिणो संति तेण नियरज्जे । ते वि हु तत्तुल्लगुणा जह राया तह पया जम्हा || २७०५ ॥ वच्चतेसु दिणेसु य केणावि वसुंधरस्सुवरि काउं । पेसुन्नमलीयं पि हु रन्नो उत्तारियं चित्तं ॥ २७०६ ।। सो निययभडेहिं तओ नरवइणा गाहिओ परुट्ठेण । बंधाविओ य सेहाविओ य अत्थस्स लोभेण ॥ २७०७ ॥ आणाविऊण सव्वं घरसारं तस्स अप्पर तओ सो। तह वि न मुंचइ राया अवि सेहावेइ अहिययरं ॥ २७०८ ॥ तो जं निहाणगाइसु पच्छन्नं किं पि आसि किर धरियं । तं पि समप्पइ सव्वं, आणावेउं नरिंदस्स ।। २७०९ ।। एवं हढेण निप्पीलिऊण सव्वस्सहरणदंडेण । काऊण जहा जायं, निव्विसयं आणवेइ तओ ।। २७१० ।। एवं च कए एसो, कालुसिओ चिंतई नियमणम्मि । अहिमाणधणो हा हा विडंबिओ कहमिहं इमिणा ॥ २७११ || ता निक्कारणवइरिस्स थोवदिवसाण चेव मज्झम्मि । दुव्विलसियफलमेयस्स किं पि दंसेमि कडुययरं ।। २७१२ ।। इय चिंतितो नीहरइ जाव गेहाओ सह नियपियाए । तावेस झत्ति दिट्ठो रन्ना ओलोयणगएण || २७१३ ।। तो भणिया नियपुरिसा, रे रे गंतूणिमस्स सचिवस्स । सज्जाई चीवराई गिण्हह उद्दालिऊण बला ।। २७१४ ।। जिन्नं कंबलखंड खिवेह खंधम्मि बंधह कडीए । नागफणं कच्छोट्टं सव्वं रच्छं च गिण्हेह ॥ २७१५ ॥
Jain Education International
For Private & Personal Use Only
www.jainelibrary.org
Loading... Page Navigation 1 ... 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 