Book Title: Chandappahasami Chariyam
Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad
View full book text ________________
पउमनाहनिवो
१११
एसो वि धरणिकेऊ एत्तो च्चिय विविहमावयं पत्तो । थेवस्स वि दुक्कडविलसियस्स सामत्थममुणंतो ।। २८७२ ।। जो वि वसुंधरनामो मंती एयस्स सो वि संसारे । भमिओ बहुदुक्खयरे कसायसामत्थओ राय ! ।। २८७३ ।। पत्तो य करिवरत्तं इन्हिं इमिणा य निययसत्तीए । निद्धाडिओ वणाओ वणकेलीधरणिकेउजिओ ॥ २८७४ ।। ता किं पि सासयत्तं न एत्थ वलिओ वि परिभवं लहइ । परिहवणिज्जो वि बली ना गव्वं को वि मा कुणउ ।। २८७५ किंच - सामन्नं चिय एयं भन्नइ वयणं भवम्मि जीवाण । मरणम्मि समीवत्थे थिरत्तणं कस्स अन्नस्स ।। २८७६ ।। धण्णे धणे व रज्जे व जोव्वणे सुंदरे य रमणियणे । जा का वि थिरत्तासा सा सव्वा मोहनडियाण ।। २८७७ ।। इय मुणिवयणं सोउं सिढिलिकयमोहबंधणो राया। भणइ जहट्ठियमेवं मुणिनाह ! तए समाइटें ।। २८७८ ।। मज्झ वि पविट्ठमेयं हियए अन्नं च एस करिनाहो । मज्झुवगारनिमित्तं च आगओ नियवणं चइउं ।। २८७९ ।। जओ - जइ वि समागंतूणं इमिणा लोओ उवद्दुओ मज्झ । पुव्वभवं तह वि इमस्स मुणियमह चित्तमुवसंतं ॥ २८८० ।। इंतो न एत्थ जइ पुण एसो तो कह तुमं मह कहतो । एयस्स चरियमुवजणियगरुयसंसारवेरग्गं ।। २८८१ ।। संसारस्स सरूवं निययाणुभवेण अणुहवंतो वि । तह वि न बुज्झइ लोओ अणाइमोहोवहयबुद्धी ।। २८८२ ।। तुम्हारिसाण पुण मुणिवरिंद ! वयणाण निहयमोहेण । तह पडिबुज्झइ मुज्झइ जह न पुणो निययतत्तम्मि ॥ २८८३ ।। एसा पणंगणा इव मणाणरागं भवदिठई जणइ । मोहबहलाण न उणोवलद्धसविसद्धबोहाण || २८८४ ।। ता अज्ज नाह ! तुह वयणवट्टिसत्तबोहनिवहेहिं । मह मणभवणे सुविवेयदीवओ तह समुज्जलिओ ।। २८८५ ॥ जह मोहमहातिमिरस्स नत्थि मणयं पि तत्थ अवयासो।अहवा विरुद्धसविहम्मि कह विरोहिस्स होज्ज ठिई ।। २८८६ (जुयलं) देस अओ नियदिक्खं महापसायं महोवरि विहेउं । अपसन्नेस गरूसं इमीए लाभो न जं होइ ।। २८८७ ।। चिंतामणिमाईया अज्ज वि लब्भंति कह वि संसारे । तुह दिक्खा उण मुणिनाह ! भावओ लब्भए नेय ।। २८८८ ।। तो केवलिणा भणियं कायव्वमिमं खु भव्वसत्ताण । सुलहा न हु सामग्गी जं होइ इमीए लाभम्मि ॥ २८८९ ।। तथा चोक्तम् - चत्तारि परमंगाणि दुल्लहाणीह जंतुणो । माणुसत्तं सुई सद्धा संजमम्मि य वीरियं ॥ २८९० ॥ कालाणुरूवकिरिया कीरंती किंतु बहुफला होइ । कालाविक्खा वि अओ कायव्वा बुद्धिमंतेहिं । २८९१ ।। भणियं च - कालम्मि कीरमाणं किसिकम्मं बहुफलं जहा होइ । इय सव्व च्चिय किरिया नियनियकालम्मि विन्नेया ।। २८९२ ।। कालो उ सो इमीए उत्तमफलसाहगो भवे राय ! । चारित्तावरणीयस्स कम्मुणो जत्थ खउवसमो ।। २८९३ ॥ तुह उण चारित्तावरणकम्मउदयम्मि वट्टमाणस्स । अज्ज वि के वि हु दियहा अविक्खणिज्जा भविस्संति ॥ २८९४ वेरग्गं पि हु पोढं होही तुह तम्मि चेव कालम्मि । एयस्स चेव नरवर ! निमित्तओ हत्थिरायस्स ।। २८९५ ।।
Jain Education International
For Private & Personal Use Only
www.jainelibrary.org
Loading... Page Navigation 1 ... 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 