Book Title: Chandappahasami Chariyam
Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad
View full book text ________________
१७
हिरिमइदेवी तो बिंति ते वि नरवर ! जियसत्तू ताव नियगुणगणेण । इण्हि पि सामिओ च्चिय अम्हं ता तत्थ किं भणिमो॥ २५१३ जओपडिवन्नवच्छलत्तं जणाणुराओ पियं वयत्तं च । पुव्वाभिभासियत्तं तहेव नयविणयसारत्तं ॥ २५१४ ॥ सूरत्तोदारत्तं गंभीरत्तं जिइंदियत्तं च । सोहग्गं आणासारया य अइसाइ रूवित्तं ॥ २५१५ ॥ एमाइ गुणगणो जह दीसइ अच्चब्भुओ कुमारस्स । तह सामित्तं इमिणा, सयमेव जणस्स पडिवन्नं ।। २५१६ ।। रज्जाभिसेयकरणं, ता कुमरे कस्स नाणुमयमेत्थ । कस्स व घयउन्ना सक्कराइ पडिया न रुच्चंति ।। २५१७ ।। किंतु तुह उवरि जो खलु इमस्स लोयस्स कोइ पडिबंधो । तेणेस तुह विओयं, खणं पि सहिउं न सक्किहइ ॥ २५१८ इय भणिए तेहिं तओ, नरनाहो भणइ जइ इमं एवं । ता मइ पडिबद्धाणं, मए समं चेव होउ वयं ॥ २५१९ ।। एवं चिय अविओगो, वि दीहरो इहरहा अवत्थाणं । रयणीए एगरुक्खे सउणगणनिवासतुल्लमिह ॥ २५२० ॥ जे खलु करेंति कम्म, एगं गुणठाणयं समारूढा। एगट्ठा मिलिऊणं आरुहिउं खवगसेढिन्ते ।। २५२१ ।। घाइचउक्कं खविऊण उत्तरोत्तरगुणिड्ढिमणुपत्तो । साइमणतं कालं, अविउत्ता ठंति सिवनयरे ।। २५२२ ॥ अविजोगमभिलसंता वि जे उ धम्मं करेंति नो मूढा । अन्नन्नासु गईसु ते कम्मगलत्थिया जंति ।। २५२३ ।। अन्नन्नगइगयाणं विभिन्नफलभिन्नकम्मकारीण । कत्तो संजोगो ताण होज्ज अणवट्ठियम्मि भवे ॥ २५२४ ॥ होज्ज व जइ संबंधो कह वि हु सो तह वि नो चिरं होइ । संसारियसंजोगा, सव्वे वि जओ विओगंता ॥ २५२५ ।। ता समुदाएणं चिय भो भो मोक्खत्थमुज्जम करिमो । समुदायकडा कम्मा, समुदायफल त्ति जेण फुडं ।। २५२६ ।। जे वि हु न तब्भवे च्चिय वच्चंति सिवं सुदेवमणुएसु । ते वि हु गंतूण परंपराइ गच्छंति निच्चपयं ॥ २५२७ ।। इय ते नरिंदवयणं, सुणिऊणं जायतिव्वसंवेगा। पडिवज्जति तह च्चिय सव्वे सवन्नुवयणं व ॥ २५२९ ॥ एत्थंतरम्मि पढियं कालनिवेएण - दिक्खाकयाहिलासं ! एस रवी जाणिऊण तं देव !! चिंताविम्हरियगमो व्व मंदं मंदं समुवयाति ॥ २५३० ।। अवि य - आखंचियरहतुरओ, मज्झत्थो होइऊण दिणनाहो । जाओ थिरो व्व तुह धम्मवयणसवणाभिलासेण ॥ २५३१ ।। एवं निसामिऊणं, दिणमज्झं जाणिऊण णरनाहो । उट्ठइ विसज्जिऊणं, सभाइ सेवागयं लोयं ॥ २५३२ ।। कुणइ य तक्कालोच्चियदेवच्चणभोयणाइवावारं । सद्दावइ जोइसियं तओ य सामंतमाई य ।। २५३३ ।। उच्चट्ठाणठिएसुं गहेसु छव्वग्गसुद्धलग्गम्मि । सिद्धाएसु व इठे इठं से नरवई हट्ठो ॥ २५३४ ॥ नियचक्कवट्टिलच्छीए समुचियाए महाविभूईए । रज्जाभिसेयमउलं, करेइ जियसत्तुकुमरस्स ॥ २५३५ ॥ पडुपाडपवज्जिरबहलतूररवभरियभूरिभूविवरं । पहरिसवसनच्चिरतरुणरमणितुटुंतहारलयं ।। २५३६ ।। लयतालमणोहरगिज्जमाणवरगेयखित्तजणनिवहं । आढत्तं तत्थ खणे वद्धावणयं सुहावणयं ।। २५३७ ॥
Jain Education International
For Private & Personal Use Only
www.jainelibrary.org
Loading... Page Navigation 1 ... 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 