Book Title: Chandappahasami Chariyam
Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad
View full book text ________________
सिरिचंदप्पहजिणचरियं नियसुंदरे विणिज्जियजयं पि जातं न पेच्छइ वराई । कमलदललोयणा वि हु, सा परमत्थेण जच्चंधा ।। ९१७ ।। पत्तियसि जं न मझं, एत्थत्थे सामि ! कंपि नियपुरिसं । पच्चइयं ता पेससु, जो तं गंतुं पलोएइ ।। ९१८ ।। तो अन्ननिव्विसेसं, मुहरयनामं नियाणुचरमेसो ! तीए च्चिय सह पेसइ, तव्वयणस्सावसाणम्मि ॥ ९१९ ।। एसो वि तत्थ गंतुं, सव्वावयवाणुगामिणिं तीसे । दळूणं स्वसिरिं, जाणिय तस्सुवरि रागं च ॥ ९२० ॥ आगंतूणं साहइ, तो दत्तो मयणबाणहयहियओ । कह कह वि गमइ दियह, चवलागमणं नियच्छंतो ॥ ९२१ ।। एत्थंतरम्मि दुट्ठाए चेट्ठियं तीए दठुमतरतो । रोसेण व अत्थायलसिहरंतरिओ रवी जाओ ॥ ९२२ ।। लज्जाइ व तिमिरपडावगुंठिएसु य दिसावहुमुहेसु । दटुं व तीए चरियं, उम्मीलियतारए नढे ।। ९२३ ।। रन्नो वियारवेलासेवाइ गयम्मि मूलदेवम्मि । दत्तो पओससमए, मयणेण व मुहरएण जुओ ।। ९२४ ॥ उक्कंठाइ व चवलाए चालिओ कसिणकंबलावरणो । कयवेढयसंकेयं, जच्चंधं कामए गंतु ॥ ९ः
। ९२५ ॥ खणमेत्ताओ गयम्मि य, सट्ठाणं तम्मि राउलाहिंतो । आगम्म मूलदेवो, तहेव तं जोयए जाव ।। ९२६ ।। परपुरिससंगदूसियअंगं तं ताव पासिउं हियए । परिभावइ नूणमिमा, अज्ज विणट्ठ त्ति पडिहाइ || ९२७ ।। अहवा सयावि अहयं, जाणामि च्चिय इमाण दुट्ठत्तं । एत्तो च्चिय परिणयणे, वि आयरो नो मए विहिओ ।। ९२८ जं पि इमं जंपिज्जइ, पुरिसविसेसा सईओ असईओ । नारीओ हुंति तं पि हु, न होइ एगंतियं किंचि ॥ ९२९ ।। नीसेस धुत्तचूडामणि त्ति अहयं जयम्मि विक्खाओ । ता जइ मज्झ वि गेहे, एवं तो धुत्तयाए अलं ॥ ९३० ।। इय चिंतितो य इमो, न भुजई नेय रमइ न य सुयइ । केवलमंतो खेयानलेण हिययम्मि डझंतो ।। ९३१ ॥ सरयसमयम्मि पंको व्व पइदिणं सोसमेइ तावेण । चिन्तइ य मह गिह च्चिय, एवं अन्नत्थ वि उयाहु ॥ ९३२ इय चिंतिऊण पइविवणि पइगिहं पइपहं पइनिवाणं । दटुं महिलाविलसियमलक्खियं भमइ सो धुत्तो ।। ९३३ तो विहरंतो पेच्छइ, कत्थइ नरनाह हत्थिणो मिठं । दढपोढदेहबंध, भोगपयं पउरदव्ववयं ॥ ९३४ ।।। तो चिंतइ होयव्वं, इमिणा मह ईसरस्स घरिणीए । कीयवि वभिचारगयाए नूण तो एस एरिसओ ॥ ९३५ ॥ इय चिंतिऊण सुवणच्छलेण पावरियकंबलो तत्थ । पडिऊण जाव अच्छइ, ता जायं जामिणीमज्झं ॥ ९३६ ।। एयम्मि य समयम्मी, विक्कमसूरस्स राइणो देवी । पाणेहितो वि पिया, चेल्ला समुवागया तत्थ ॥ ९३७ ।। अणुचरियाए बहुविहभोयणपडिपुन्नभोयणकराए । संगहिय सीयजलकरवयाए अणुगम्ममाणपहा ॥ ९३८।। (जुयलं) आगयमेत्तं च तयं, दुगुणीकाऊण करिवरत्तमिमो । अच्छोडिय अच्छोडिय, तीए सरोसं भणइ एवं ।। ९३९ ।। आ पावे ! कीस तुमं, एत्तियवेलाए आगया एत्थ । किं जाणसि न हु एवं, खिज्जिहइ पडिक्खमाणो सो ॥ ९४० सा वि तयमणुणयंती, जंपइ मा कारणं विणा कुप्प । जम्हा अम्हागमणं, छलं विणा वल्लह ! न होइ ।। ९४१ ता उवविस भुंज तुमं, इय भणिउं तस्स अग्गओ धरिउं । तं भोयणपडिपुन्नं, भायणमिह भोयए तं च ॥ ९४२ कयभोयणेण पच्छा, तंबोलपयाणपुव्वमणुहविउं । सुरयसुहं तेण समं, खणमेक्कं तो गया सगिहं ।। ९४३ ।। एयं च सव्वमवि तेण तत्थ दठूण मूलदेवण । तच्चिट्ठियं मणायं, परिचत्तो चित्तसंखोहो ।। ९४४ ।।
Jain Education International
For Private & Personal Use Only
www.jainelibrary.org
Loading... Page Navigation 1 ... 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 