Book Title: Chandappahasami Chariyam
Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad
View full book text ________________
सिरिचंदप्पहजिणचरियं
एवं च मूलदेवेण दत्तयाई विडंबिया कह णु । जं परिपुट्ठे तुमए, तं कहियं तुज्झ नरनाह ! || १०२७ ।। एवं तिहावि अइरुदविवागरूवो, रागो मए नरवरिंद ! निवेइओ ते ।
एयस्स जे न हु गया वसवत्तिभावं, तेसिं सुहाई सयलाई अणिट्ठियाई || १०२८ ||
इय सोउमजियसेणो, भणइ मुणिदं जहट्ठियं साहु । कहियं रागसरूवं, तुमए अम्हं परिगयं च ।। १०२९ ।। ता एय जिणणदक्खं, नियदिक्खं देसु अम्ह पसिऊण । वयगहणमंतरेणं, न पारिमो जेण जेउमिमं || १०३० || तो मुणिणा संलत्तं, होसि न अज्ज वि तुमं वयग्गहणे । जोग्गो होयव्वं चक्कवट्टिणा जेण किर तुमए । १०३१ ता होसु निच्चलमणो, जिणुत्ततत्तत्थसद्दहाणम्मि । तिविहं तिविहेण परिच्चयित्तु मिच्छत्तसब्भावं ॥ १०३२ ॥ पडिवज्जसु जिणनाहं, देवत्तेणं गुरू य मुणिवसभे । तो तुज्झ वयग्गहणं, पि होहिई पच्छिमवयम्मि || १०३३ ||
४०
भणिए मुणिवणा, सिक्खं गहिऊण भत्तिभरकलिओ । अभिवंदिऊण मुणिवरमह चलिओ नियपुरीहुत्तं ॥ १०३४ संपत्तो स कमेणं, महिंदरायस्स सह नरिंदेहिं । विज्जाहरवंदेण य, समन्निओ नियपुरीए बहिं ।। १०३५ ।। तं सोउं सकलत्तमुक्खयरिडं पत्तं पुरीए बहिं, लच्छीए महईए भूसियतणुं संजायरोमुग्गमो । निग्गंतूण पियासमं पुरजणेणंतेउरेणं तहा, संतोसप्पसरंतबाहसलिलो घेत्तुं पविट्ठो पुरिं ।। १०३६ ।। तत्थागओ य जणयाइ जणे जणित्ता, आणंदबिंदुकरनिम्मलसोममुत्ती । मायाइदोसरहिओ नियमाउयाए, काउं पणाममसमं स जणेइ तो ॥ १०३७ ||
तुट्ठो तस्स समागमम्मि समयं बंधूहिं राया तओ, दाविंतो अभयप्पयाण मणहं मोतीओ मोयाविउं । आणंदूसवमुत्तमं नियपुरे तं कारवेई लहुं, जं दट्ठूण जणस्स निम्मलयरा धम्मे मई जायए || १०३८ || तयणु गुरुपमोया बंधहेऊम्मि धम्मे, जणियजणथिरत्तो पत्तसम्मत्तवित्तो ।
गमइ अजियसेणो तत्थ संसुद्धचित्तो, गुरुसिरिमणुपतो कालमिंदो व्व सग्गे ॥ १०३९ ।।
इय वसणं पि हु पुन्नग्गलाण मुणिऊण संपयामूलं । उज्जमह जणा सुकए, वरजसदेवत्तहेउम्मि || १०४० || इह चंदप्पहचरिए, तइए पव्वम्मि जो समुक्खित्तो। अत्थो जसदेवंके, स एस सव्वो परिसमत्तो ॥ १०४१ || एत्तो अजियंजयनरवइस्स जायं जहा वयग्गहणं । तह भो चउत्थपव्वे, कहिज्जमाणं निसामेह || १०४२ ॥ (चउत्थो पव्वो - )
जोगिगणाणं आणंदरूवमप्पाणगं व अप्पाणं । कुणमाणं निययतणुप्पहाए चंदप्पहं नमह ।। १०४३ || अह पुव्वजम्मकयसुकयकम्मुणा तस्स अजियसेणस्स । मणचिंतियसंपज्जंतसयलसंसारसोक्खस्स || १०४४ ।। कइया विनिययदेसे, समुट्ठिए कंटए समुद्धरिउं । कयसावहाणहिययस्स रज्जकज्जेसु सत्तस्स ।। १०४५ ।। कइया वि दीणदुक्खियजणाणुकंपाए सयलभुवणं पि । कुणमाणस्स कयत्थं, मेहस्स व मेहवुट्ठीहिं ।। १०४६ ।। कइयावि बुद्धिलीणं, सव्वं पि जगं वहति जे हियए । तेहिं सुमंतीहिं समं, मंतणयं मंतयंतस्स ।। १०४७ ॥ कइयावि तुरयगयवाहणाइचिंता वट्टमाणस्स । कइयावि लोयकज्जाई साहमाणस्स विविहारं ॥। १०४८ ॥ कइयावि निययदइयाकवोलपालीसु पत्तवल्लीओ । विरयंतस्स सलीलं, कत्थूरियमाइदव्वेहिं ॥ १०४९ ||
Jain Education International
For Private & Personal Use Only
www.jainelibrary.org
Loading... Page Navigation 1 ... 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 