Book Title: Chandappahasami Chariyam
Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad
View full book text ________________
५४
सिरिचंदप्पहजिणचरियं पिट्ठम्मि होइऊणं, छुरियं आकड्ढिऊण कुक्खीए । भिच्चो तह कह वि हओ, जह चत्तो झ त्ति पाणेहिं ।। १३९८ वलियो सगिहाभिमुहं, अंबाए पलोइओ स एगागी । इंतो कयं च चित्ते, नूणं से मारिओ भिच्चो ॥ १३९९ ॥ अन्नह कहमागमणं, इमस्स एगागिणो त्ति चिंतित्ता । कोवेण धमधर्मिता, ताव ठिया जाविमो पत्तो || १४०० ।। तो सो सुहापणगओ, वीसत्थो मंदिरस्स मज्झम्मि । सिलमेगं पक्खिविउं, सिरम्मि तीए हओ गाढं ॥ १४०१ ।। तं तप्पहारविहुरं, स दसविहपाणाण दूरमोसरियं । दटुं तब्भज्जाए, निहया असिएण तज्जणणी ।। १४०२ ।। निच्छिन्नमत्थया तेण सा वि पंचत्तमुवगया खिप्पं । तद्दुहियाए य तओ, दटुं असमंजसं एयं ।। १४०३ ।। वेरगमव
वगयाए, पोक्करियं हा ! किमेवमिह पावं । संजायं अम्ह घरे, मिलिओ लोओ य अइबहुओ ॥ १४०४ जाओ य गरुयरोलो, लोएण इमा वि पुच्छिया एवं । नियमाउघाइणी किं, तए वि वावाइया न इमा ॥ १४०५ ।। तीए भणियं मझं, परिहारो अत्थि पाणिघायस्स । अनियत्ताण इमाओ, एवमणत्थो हु जीवाणं ॥ १४०६ ।। रोलम्मि तम्मि सोमा वि संजुया गुरुयणेण नियएण । उब्भीहोउं निसुणइ, तं सव्वं वइयरं ताण ॥ १४०७ ॥ पत्थावो त्ति मुणित्ता, तो एसा निययगुरुयणं भणइ । मह वि इमो च्चिय नियमो, ता किं मुंचामि अहमेयं ।। १४०८ तो बिंति गुरू तीसे, मा मुंचसु पुत्ति ! अत्तणो नियमं । पच्चक्खं दिट्ठफलं, अणत्थपडिघायणसमत्थं ।। १४०९ अन्नो वि वणियतणओ, वच्चंतो तेहिं रायमग्गेण । सच्चविओ सच्चविवज्जणाइ जणजणियगुरुखिसो ।। १४१० तहा हि - सो वाणियओ पुट्विं, दव्वोवज्जणनिमित्तमहजलहिं । लंघित्ता आसि गओ, परतीरं पवहणारूढो ॥ १४११ ॥ इंतस्स तस्स भग्गं, तं पवहणमुवद्दओ य धणनिवहो । भिच्चेण समं लहिउं, फलगं दीवंतरं पत्तो ॥ १४१२ ।। भवियव्वयावसेणं, गहिओ रोगेहि तम्मि दीवम्मि । भिच्चेण तेण पडियग्गिओ य गुरुआयरेण इमो ।। १४१३ ।। पडिवन्ना नियदुहिया, भिच्चस्स जहा अहं गिहं पत्तो । दाहामि निययकन्नं, तुहेत्थ पक्खी इमे सक्खी ।। १४१४ दीवम्मि तम्मि जम्हा जीवगनामा भवंति जे पक्खी । ते माणुसभासाए, हुति अभेया सचेयन्ना ॥ १४१५ ।। पउणो जाओ कालेण आगओ निययगेहमेसो य । वाणियगो तो भणियो, भिच्चेणं देहि मे कन्नं ॥ १४१६ ।। तो तेण निययमहिलाए साहिओ सो समग्गवुत्तंतो । महिला वि भणइ सामिय ! कह णु सुयं देमि भिच्चस्स ।। १४१७ मज्झ सुयाए ईसरसुया वि वरया उविंति किंतु अहं । जो अणुरूवो रूवाइएहिं तं घेत्तुमिच्छामि ॥ १४१८ ।। ता किंकरस्स कहमवि, न देमि नियकन्नयं ति एइए । जाणित्तु निच्छयं सो, तम्मि विलोट्टो न देइ सुयं ।। १४१९ भणइ य न मए तुझं, पडिवन्ना नियसुया तओ एसो । कुविओ गंतुं साहइ, रन्नो पुरओ सवुत्तत्तं ॥ १४२० ।। रन्ना वि तओ पुट्ठो, इह कज्जे अत्थि को वि तुह सक्खी । सो आह देव ! पक्खी, ते कत्थ तओ इमो भणइ ।। १४२१ दीवंतरम्मि नरनाह ! किंतु आणामि तुम्ह आणाए । एत्थेव तओ जंपइ, राया आणाहि लहु गंतुं ॥ १४२२ ॥ तुह कज्जं जेण अहं, सिग्धं साहेमि तो इमो गंतुं । दीवम्मि तम्मि पक्खी, आणइ ते रायपासम्मि ।। १४२३ ।। तो विम्हिओ नरिंदो, साहइ सह पेक्खिऊण ते पक्खी । पुच्छइ हंदि ! इमे ते, तो भणइ इमो वि एवमिणं ॥ १४२४
Jain Education International
For Private & Personal Use Only
www.jainelibrary.org
Loading... Page Navigation 1 ... 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 