Chandappahasami Chariyam

Book Title: Chandappahasami Chariyam
Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad

View full book textPrevious | Next

Page 59
________________

सिरिचंदप्पहजिणचरियं
1
सव्वं पि सुंदरं चिय, होही ता कुणसु मा विसायं तं । इय सिक्खविऊण सहिं, पेसइ तीसे समीवम्मि ॥ ७०३ सयमन्नदिणे उ निवो, पुच्छइ गणयं जहा मह सुयाए । को वारिज्जयदिवसो, कुमरेण समं कहसु एवं ॥ ७०४ गणिऊण तेण सिट्ठे, पुढो पुढो चरणपरिणयणदिवसे । गहिउं ते पूइत्ता, विसज्जिए तयणु जोइसियं ॥ ७०५ | पत्ते वरणयदिवसे, कुमरं आहविय भणइ नरनाहो । तं साहावियकरुणानिहाणमहयं किवाठाणं ॥ ७०६ ॥ सव्वजगवच्छलाणं, तुम्हारिसाण तह भवे जम्मो । अम्हारिसाण पुन्नोदएण जह कप्परुक्खाण ॥ ७०७ ॥ ता कस्स गुणा तुम्हारिसाण न मणोगया सुहं दिंति । कुणइ च्चिय सरयससी, सगुणेहिं जणमणाणंदं ॥ ७०८ || एत्तो च्चिय विन्नत्तिं, करेमि नियकज्जउज्जओ तुज्झ । गुणगणमणिरयणायरससिप्पहा अस्थि मज्झ सुया || ७०९ सा तुझ कए चिट्ठइ, कुणमाणा बहुमणोरहे इहि । एवं च भणइ दासिं पि कुणह मं तस्स कुमरस्स ॥ ७१० मह पिउणो जेण इमं, रज्जं वच्चंतयं व पायालं । उद्धरियं भूमितलं, व विण्हुणा चारुचरिण ।। ७११ ॥ इमिणा अज्झवसाएण बालिया रत्तिदियहममुणंती । न जिमइ न पियइ न सुयइ मईविवज्जासमणुपत्ता ।। ७१२ ।। काऊण दयं ता तीए उवरि वरणयमिसेण अज्ज तुमं । पडिगाहसु आसाए जेण पाणे धरइ एसा || ७१३ ।। इय भणिऊण समक्खं, समग्गलोयस्स कन्नयादाणे । जो कोई विही तं कुणइ उचियकयकुमरसक्का II ७१४ उब्भिन्नबहलपुलयंकुरच्छलेणं तु अजियसेणो वि । उत्तरमकरितो वि हु, अणुमन्नइ पत्थुयं कज्जं ॥ ७१५ ॥ पयणसरपहरजज्जरमणेण कइया विवाहमहदिवसो । होहि त्ति परिगणंतो, दइया संगूसुओ ठाइ ॥ ७१६ ॥ कइया वि फुल्लतंबोल- वत्थ- आभरण-पेसणरयाण । कइया वि चित्तवट्टियविलिहियरुवाइ खित्ताण ॥ ७१७ नियनियअवत्थसंसूयणत्थगाहाइ पेसणपराण । कइय वि कइयावि विचित्तभक्खदाणाइनिरयाण ।। ७१८ ।। वच्चंति जाव कइय वि, दिणाणि संवड्ढियाणुरायाणि । विविहविणोयसएहिं, परोप्परं ताण दोन्हं पि ॥ ७१९ ॥ ताजं जायं एत्थंतरम्मि तं सुणह होउमुवउत्ता । भो भो एत्थेव भवे, पुण्णा पुण्णफलसरूवं ॥ ७२० ।। अत्थि गिरी सुपसिद्धो, विजयद्दो नाम खेयरावासो । नियसिहरसिहुत्तंभियसमीववरजोइसविमाणो ॥ ७२१ ॥ जो य कओ वित्थररुद्धदिसविभागो विसालभूवीढो । विजयद्धसीमकज्जेण तुंगसालो व्व एक्कदिसो || ७२२ || जयस्स कलहोयमयस्स सहइ आसासु फुरियकरनियरो । ससिकिरणनिम्मलो कंचुओ व्व नहसप्पपरिचत्तो ।। ७२३ दक्खिणओ रमणीयं, तत्थ पुरं अस्थि रविपुरं नाम । रुप्पमयदप्पणम्मि व, पडियं सुरलोयपडिबिंबं ॥ ७२४ ॥ खयरचक्काहिवई, पालइ धरणिट्ठओ तयं जेण । अमरिंदेणेव कया, हयपक्खा खयरभूमिधरा ॥ ७२५ ।। अन्नम्म दिने सो नियसहाइ मज्झट्ठिओ नियइ एगं । समणब्भूयं सावगमणुव्वयाई गुणविसिद्धं ॥ ७२६ || तं दट्ठूण सयं चिय अब्भुट्ठाणाइ कुणइ पडिवत्तिं । उचियम्मि मह मईओ, गुरुया ण परं पलोइंति ॥ ७२७ तयणंतरं विसज्जियविज्जाहरबंधुमतिमाइजणो । गुरुविट्ठरोवविट्ठेण तेण उच्चरिय आसीसो ॥ ७२८ ॥ अरूवं किंचि वि सप्पहासवयणेण नरवरो भणिओ । खयरिंद ! मज्झ किर जोगिणो वि तुह उवरि गुरुनेहो || ७२९ नामं पितुज्झ गिण्हइ, जो कोइ वि खयररायसुइसुहयं । जाणामि तस्स सरिसो, न बंधवो को वि मह अन्नो || ७३०
२८
Jain Education International
For Private & Personal Use Only
www.jainelibrary.org


Page Navigation
1 ... 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246