Book Title: Chandappahasami Chariyam
Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad
View full book text ________________
सिरिधम्मनिवो
निव्वासिओ सरज्जाओ सव्वमुद्दालिऊण रज्जसिरिं । पडिसिद्धअन्नदेसट्ठिई वि कंतारमाविसइ ॥ ३५६ ।। (जुयल) पाविय तवोवणं किं पि तत्थ जायाए परिगओ राया । तीय च्चिय आणियवणफलाइकयपाणवित्ती य ॥ ३५७ ॥ अच्छंतो कइयाइ वि, देवीए कुणइ गब्भसंभूई । सुस्सुमिणावेइयपवरपुत्तउप्पत्तिसंजणणिं ॥ ३५८ ॥ देवी पुण पुव्वं पिव, नरिंदकज्जम्मि उज्जमसणाहा । अगणंती गब्भदुहं, सोमालसरीरपीडं च ।। ३५९ ॥ फल-फुल्ल-मूलकंदाइआणणत्थं वणम्मि दूरे वि । वच्चइ ताव स बाहुल्लयाए नियडे तमलहंती ॥ ३६० ।। एवं वेलामासे वि एगदियहम्मि गिरिनिउंजम्मि । जाव गया ता पेच्छइ, नवजाए सीहसिसुनिवहे || ३६१ ॥ तन्नियडे नाणाविहफलपरियरियं तहेव कयलिवणं । सिंही उ कत्थ व गया, वणम्मि भक्खाइ कज्जेणं ॥ ३६२ ॥ एत्थंतरम्मि भयभीयमाणसाए झड त्ति से जुयलं । सुयदारियाण गम्भाओ निवडियं फुरफुरेमाणं ॥ ३६३ ।। तत्तो भएण एसा, नियवक्कलउत्तरिज्जदेसेण । पुत्तं गहिऊण गया, सुया य न य लक्खिया तीए ॥ ३६४ ॥ गयबंधणत्थमेत्थ य, वणम्मि एत्तो य केरलो नाम । राया समागओ आसि तस्स पुरिसेहिं सा दिट्ठा ॥ ३६५ संतट्ठवणमिगी इव, पलायमाणा इमेहिं तो गहिउं । नीया रायसयासे, भणिया रन्ना य ते पुरिसा ॥ ३६६ ।। मुंचह एयं गहिउं, वक्कलबद्धं इमीए जं किंचि । तो तेहिं वि सा भणिया, जाहि तुमं मोत्तुमेयं ति ।। ३६७ ।। तत्तो मोत्तूण गया, एसा तव्विरहदुक्खभयघत्था । केरलनिवो य ससुओ, सिरिकरनियनयरमणुपत्तो ॥ ३६८ ।। सिरिदेवीए समप्पइ, तं तणयं भणइ एस तुह पुत्तो । वणदेवयाए दिण्णो, कहियव्वं कस्स वि न चेवं ।। ३६९ वद्धावणयं तत्तो, कारावइ सो महाविभूईए । जाणावइ य जणम्मी, देवी पच्छन्नगब्भा सि || ३७० ॥ वोलीणम्मि य मासे, तो वणराओ त्ति कुणइ से नामं । वुड्ढि गओ कमेणं, देहेण कलाकलावेण ॥ ३७१ ।। जोव्वणभरम्मि च ठिओ, अच्चब्भुयरूवविमललायण्णो । नय-विणयसीलसुविसुद्धबुद्धिगुणपयरिसं पत्तो ॥ ३७२ अह अन्नया स केरलराएण समं तमेव जाइ वणं । करिबंधणकज्जेणं, पेच्छइ य तहिं भमंतो य ॥ ३७३ ।। उप्पण्णविमलकेवलबलावलोइयसमग्गतइलोक्कं । सुरअसुरखेयराहिवमणुस्सनिवेहेहिं कयपूयं ॥ ३७४ ।। धम्मं सदेवमणुयासुराए परिसाए वागरेमाणं । सव्वण्णुमेगमुणिवरमणंततवतेयदिप्पंतं ।। ३७५ ।। तं दठूण स केरलराएण समं मुणीसरं कुमरो । तिविहेण पणमिऊणं, उवविट्ठो धम्मसुणणत्थं ॥ ३७६ ॥ एत्थंतरम्मि तावसजणस्स मज्झम्मि सो जयनरिंदं । जयसिरिदेवीए जुयं, पासइ साणंददिट्ठीओ ।। ३७७ ॥ बाहजलभरियनयणो, पहरिसपूरिज्जमाणहियओ य । जाओ तहेव ते य वि, तं दर्छ तारिसा जाया ।। ३७८ ॥ अन्नं च तत्थ सुपसंतमुत्तिअवलोयणेण वरमुणिणो । तिरिया वि चत्तवेरा, सुगंति धम्मं विसुद्धप्पा ॥ ३७९ ।। तेस् य खणंतरेणं, नाणाविहतिरियनिवहपरियरिया । ओयरिऊणं सीहक्खंधाओ सकन्नया।
नया एगा ।। ३८० ॥ नवजोव्वणमारूढा, देवाण वि चित्तखोभसंजणणी । अइसाइरूवलायन्नपुन्नसोहग्गगुणकलिया ।। ३८१ ।। पविसित्तु सभामज्झे, दाऊण पयाहिणाओ तिक्खुत्तो । अभिवंदिउं मुणिंदं, उवविट्ठा उचियदेसम्मि ।। ३८२ ॥ दठूण तं कुमारं, पमोयवसगा मणम्मि कुणमाणी । नाणाविहे विगप्पे, कुमरेण तहेव सा दिट्ठा ॥ ३८३ ।।
Jain Education International
For Private & Personal Use Only
www.jainelibrary.org
Loading... Page Navigation 1 ... 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 