Book Title: Chandappahasami Chariyam
Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad
View full book text ________________
२५
अजियसेननिवो तीएऽणुरत्तहियओ, जयधम्मनरेसरं भणावेइ । राया महिंदनामो, जह मज्झ सुयं इमं देहि ।। ६२४ ॥ सो य न से देइ जओ, तस्स पुरो थेवजीविओ सिट्ठो । नेमित्तिएण एसो, कहिया एसा उ चक्किपिया ॥ ६२५ जयधम्मस्सुवरि तओ, सो रुट्ठो निययसेन्नपरियरिओ। आगच्छइ हारावइ, रणम्मि सयलं बलं तस्स ॥ ६२६ अपहुप्पंतो जयधम्मनरवई तस्स तयणु नियनयरे । पविसित्तु ठिओ रोहगसज्जं तं कारवेऊण ॥ ६२७ ॥ सीमालनिवे इयरोवगाहिऊणं सपक्खमणवेक्खो । तस्स पुरं वेढेऊण तो ठिओ पउरकडएण ॥ ६२८ ॥ परचक्काओ लोओ, संकेतो अत्तणा विणासमिमो । सरणं अपेच्छमाणो, पलाइउं एवमारद्धो ॥ ६२९ ॥ तं सोउं परउवयारकरणवावडमणो त्ति रायसुओ। हिट्ठमणो विउलपुरस्स सम्मुहो चेव संचलिओ ॥ ६३० ॥ वेगेणं गच्छंतो, पेच्छइ परचक्कवेढियं तं सो । जलनिहितरलतरंगक्कंतं वेलाउलपुरं व ॥ ६३१ ॥ बहुकरडिघडासंघट्टसंकडे वरतुरंगरुद्धपहे । रहपहकरपरिरक्खियपरपुरिसपवेससंचारे ॥ ६३२ ॥ बहुविहपहरणपरिकरियपाणिवीरेहिं भीरुभयजणए । निब्भयमणो कुमारो, तओ पविट्ठो तहिं कडए ॥ ६३३ ॥ दीसंतो संकाउलमणेहिं सेणाभडेहिं भयरहिओ । भीमुक्कपहेहिं निसिज्जमाणओ वयणमेत्तेण ॥ ६३४ ।। ता जाइ जा निवावासदारमरिकरिघडा निरुद्धपहं । न लहइ तओ पवेसं, गइंदविंदस्स मज्झम्मि ॥ ६३५ ।। सो हक्किऊण करिणो, तम्मज्झेणेव जाव संचलिओ । तो पयरक्खिनरेहिं, सकक्कसं भणिउमारद्धो ।। ६३६ ॥ भो भो । किं निव्विण्णो, देहाओ अहव जीवियव्वाओ । निस्संको जेण महिंदरायआणं विलंघेसि ॥ ६३७ ॥ काऊण अगण्णसुई, वच्चसि पुरओ य सुणिय ताण इमं । पज्जलियकोवजलणो, पहाविओ एक्कभडसमुहं ॥ ६३८ रे रे ! सरपूरियभत्थएण सममेव मुयसु कोदंडं । अन्नह गओ सि जमरायमंदिरं मज्झ हत्थेण ॥ ६३९ ॥ एमाइ पयंपंतो, हढेण उद्दालिऊण कोयंडं । तोणीरजुयं सव्वेसि तेसि पेक्खंतयाणं पि ॥ ६४० ।। रे रे ! नियपहुणा सह, रक्खह नियजीवियं जइ समत्थि । सामत्थमत्थि तुम्हाण किं पि एवं पुण भणंतो ॥ ६४१ गिरितुंगगयघडामक्कचक्कदुग्गम्मि कडयजलहिम्मि । पडुपवणतरलतरतुरयलोलकल्लोलकलियम्मि ॥ ६४२ ॥ दीसंतो मंदरगिरिवरो व्व पउरेहिं परिभमंतो सो । मुंचंतो य निरंतरसरवुठिं पलयजलउ व्व ॥ ६४३ ॥ को एस हणह बाहासु लेह अहवा गयस्स हत्थेण । पाडावह पोढपहारपडिहयं किं विलंबेह ॥ ६४४ ॥ तरलतरतरयखरखरसएहिं खंदाविऊण वीसासं । गिण्हह इमस्स इमाइ कडयवयणाडं जंपते ॥ ६४५ ।। बाणावलिं खिवंते, विसग्गिजालावलिं विमुच्चंते । दुप्पेच्छसेन्नसुहडे, विमुहे गरुडो व्व कुणमाणो । ६४६ ॥ मयवसविसंतुले गयवरे वि अइगरुयसिंहनाएहिं । मोयाविंतो मयपसरमसरिसं पंचवयणो व्व ॥ ६४७ ॥ अक्खलियगई तावेस आगओ जा महिंदराओ त्ति । कोवपरव्वसदिट्ठी, महिंदराओ वि तं दलृ ॥ ६४८ ॥ निब्भच्छंतो पहरणसयाइं जा गिण्हिऊण पहरेइ । ता एस एकबाणेण हिययमेयस्स ताडेइ ।। ६४९ ॥ तेण य महिंदराओ, मम्माभिहओ जमालयं नीओ । अवितहनिमित्तदिळं, वयणं किं अन्नहा होइ ।। ६५० ॥ सुरकयजयजयसबस्स तक्खण च्चेय किन्नराईहिं । मुक्का कुमरस्सोवरि, नहाओ सुरतरुकुसुमवुट्ठी ॥ ६५१ ।।
Jain Education International
For Private & Personal Use Only
www.jainelibrary.org
Loading... Page Navigation 1 ... 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 