Chandappahasami Chariyam

Book Title: Chandappahasami Chariyam
Author(s): Jasadevsuri, Rupendrakumar Pagariya, Jitendra B Shah
Publisher: L D Indology Ahmedabad

View full book textPrevious | Next

Page 42
________________

सिरिसेणकहा
तेसिमसज्झं किं होज्ज सुयणु ! एगंतविक्कमधणाण । नियतेयलहूकयचंडकिरणकरनियरपसराण ॥ २५१ ॥ तो भणइ पई देवी, सामिय ! मइ जइ करेसि कारुन्नं । तो नियसरीरपीडं, वज्जिन्तो जयसु कज्जम्मि ॥ २५२ तो भणइ नरवई देवि ! तुज्झ आणावडिच्छिओ अहयं । जह भणसि तह करिस्सामि कीस तं कुणसि भयमेयं ? ॥ २५३ दठूण साइसयनाणसंपयं किंपि मुणिवरं पच्छा । तं पुच्छिऊण नाऊण संतईविग्घहेउं ते ॥ २५४ ॥ तप्पडिघायणहेउम्मि उचियकज्जम्मि उज्जमं काहं । मा होसु उस्सुया तं, इंदीवरपत्तसमनयणे ! ॥ २५५ (जुयल) इच्चाइकोमलगिराहिं देवमभिनंदिउं हरियदुक्खं । आलिंगिऊण तम्मंदिराउ निवई गओ तुट्ठो ॥ २५६ ॥ अन्नम्मि दिणे उज्जाणमागओ सो समं सपणईहिं । नाउं तं कयसोहं, उद्दामवसंतलच्छीए || २५७ ।। हरिसल्लसंतसललियगीयगणे नज्जमाणतरुणियणे । वज्जंतपडह-मद्दलफडपायपयट्टपेक्खणए ।। २५८ ॥ तत्थच्छन्तो सुइरं, रममाणो विविहरूवकीलाहिं । अंबरयलाओ पासइ, मुणिवरमेगं अवयरंतं ॥ २५९ ।। तिव्वतवजलणनिद्दड्ढकम्मवणमसमओहिनाणधणं । धण-कणयपमुहसंपयविवज्जियं निज्जियकसायं ॥ २६० ॥ दठूण भत्तिभरनिब्भरो निवो पणमई तयं सहसा । सह संगयसयलजणेण सहरिसं हरिससोयसमं ॥ २६१ ।। समणगुणभासमाणं, माणविहीणं पि माणजुत्ततणुं । नामेण अणंतमणंतसत्तजणियाभयपयाणं ॥ २६२ ।। दाऊण धम्मलाभं, मुणी वि रन्नो सपरियणस्स तहिं । सुद्धसिलाइ निविट्ठो, तमालतरुनियडदेसम्मि ॥ २६३ ॥ एत्तरम्मि राया, भणइ मुणिं उचियभूमियाइ ठिओ । अम्हारिसाण पुण्णोदएण तुब्भे इह उवेह ।। २६४ ।। अन्नत्थ वि गंतूणं, दूरे वि जओ जगुत्तमगुणाण । तुम्हाण पायजुयलं, अम्हेहिं वंदणिज्जं ति ।। २६५ ॥ ता अम्हाण वि किर पुव्वसुकयसंभारसंभवो कोइ । अत्थि मुणीसरपहुपायपंकयं जेहिं तुह दिह्र ।। २६६ ॥ पावं विहुणेइ मई जणेइ निहणेइ दुरियदंदोलिं । दलइ अलच्छि मेलवइ वंछियं दंसणं तुम्ह ॥ २६७ ।। पुच्छामि अओ मह कइय नाह ! होही चरित्तपरिणामो । संसार-जलहिमेयं, जेण तरिस्सामि लीलाए ॥ २६८ ॥ तच्चित्तगयं भावं, विया.णऊणं मुणी वि निद्दिसइ । रज्जधुरधरणजोग्गो, पुत्तो तुह जाव संभविही ॥ २६९ ॥ पुत्तस्स य उप्पत्ती, तुह नत्थि नरिंद ! संपयं चेव । तदसंभवम्मि हेडं, जइ पुच्छसि सुणसु तं पि तओ ॥ २७० एसा तुहग्गमहिसी, एत्थेव पुरम्मि आसि नरनाह ! । देवंगयस्स वणिणो, सिरीए भज्जाए पियपुत्ती ॥ २७१ ॥ नामेण सुणंदा रूव-वि गयगुणजणियजणमणाणंदा । वस॒ती सा नवजोव्वणम्मि अन्नम्मि दियहम्मि ।। २७२ ।। पेच्छइ तारुन्नभरे, गब्भभरोवहयदेहलायन्नं । तप्पीडाए परिपीडियं च अइदीणमेगित्थिं ।। २७३ ।। तं दह्र नियजोव्वणमयमत्ता कुणइ एरिस नियाणं । जम्मंतरे वि मा हं, पढमवए एरिसी होज्जं ॥ २७४ ।। जेण वराई एसा, जुवजणमणनयणहारितारुण्णं । पत्ता वि पेच्छ गब्भेण पाविया केरिसमवत्थं ॥ २७५ ।। नीरोगा वि हु रोगाउर व्व कयमंदमंदसंचारा । वररूवा वि हु दुईसण व्व बीभच्छमुत्ती य ॥ २७६ ।। एवं च कयनियाणाइ तीए न य चिंतियं जिणमयम्मि । थेवं पि इमं विहियं, गुरु-दुक्खनिमित्तयमुवेइ ॥ २७७ एत्तो च्चिय परिहरिओ, नियाणबंधो जिणागमण्णूहिं । गंधो वि कालकूडस्स किं न पाणीण पाणहरो ? || २७८
Jain Education International
For Private & Personal Use Only
www.jainelibrary.org


Page Navigation
1 ... 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246