Book Title: Atmsiddhi Mahabhashya Part 03
Author(s): Shrimad Rajchandra, Jayantilalji Maharaj
Publisher: Shantaben Chimanlal Bakhda
View full book text
________________
પ્રમાણનું કથન છે. આ પોતાના ઘરની જ વાત છે અને અનુભવમાં આવતી જ્ઞાનશ્રેણીનું પ્રતિબિંબ છે, માટે જીવાત્મા આ ષસ્થાનકને સમજીને માયાથી ભિન્ન એવા બ્રહ્મ સ્વરૂપ આત્માના દર્શન કરી શકે છે તથા વિવેકની પ્રાપ્તિ થયા પછી પોતાના કર્તવ્યનો નિર્ણય પણ કરી શકે છે. ગાથા એક પ્રકારનું ટોચનું શિખર છે. જેમ શિખર ચડયા પછી મનુષ્ય ચારે તરફની ભૂમિ નિહાળી શકે છે તેમ ષસ્થાનકના શિખર ઉપર ચડેલો વ્યકિત દૂર દૂર સુધીના બધા દ્રવ્યોને નિહાળી, પોતે કોણ છે, કયો છે, તેનો નિર્ણય કરી એક લક્ષ બિંદુ નકકી કરે છે અને તેમાં દેવાધિદેવ, સદ્ગુરુ કે શાસ્ત્રનો બેજોડ ઉપકાર માની ભકિતરૂપી કર્તવ્ય પણ બજાવે છે. અહીં આટલી પૂર્ણાહૂતિ કરીને હવે શાસ્ત્રકાર સ્વયં આત્મસિદ્ધિ મહાગ્રંથનો ઉપસંહાર કરે છે. તેનું વિવેચન કરવાનો આનંદ લઈએ.
