Book Title: Atmsiddhi Mahabhashya Part 03
Author(s): Shrimad Rajchandra, Jayantilalji Maharaj
Publisher: Shantaben Chimanlal Bakhda
View full book text
________________
કરનાર વ્યકિત પણ એટલો જ યોગ્ય હોવો જોઈએ. જેવો ઘોડો તેઓ અસ્વાર હોવો જોઈએ. સાધના અને સાધકનો સુમેળ હોવો જોઈએ.
કવિરાજે આત્મસિદ્ધિની સાધનાની વિસ્તૃત વ્યાખ્યા કર્યા પછી સાધકની યોગ્યતા તરફ અંગુલી નિર્દેશ કર્યો છે અને તેના એક–એક અમૂલ્ય ગુણો દર્શાવ્યા છે. જો કે આ બધા ગુણો સામાન્ય વ્યવહાર ક્ષેત્રમાં પણ સંપૂર્ણ સમાજના કલ્યાણકારી ગુણો છે. તે રાષ્ટ્ર અને સમાજનું નિર્માણ કરી શકે તેવા મહાન ગુણો છે. આ ગુણો સાધક પૂરતા સીમિત નથી પરંતુ વ્યાપક અને સમષ્ટિને સ્પર્શ કરે તેવા અતિ ઉત્તમ સિદ્ધાંતો છે. આ બધા ગુણો એવા છે કે તેમાંથી સમગ્ર આચારશાસ્ત્રની નિયમાવલી પ્રગટ થાય છે. તેનાથી જીવનનો ક્રમ પણ નિર્ધારિત થાય છે. હવે તેનો ઉપસંહાર કરી શાસ્ત્રકાર આગળની ગાથામાં ગુણાત્મક જીવન માટે જે જરૂરી તત્વ છે અને કારણભૂત છે તેનો ક્રમશઃ ઉલ્લેખ કરે છે, તો આપણે ૧૩૯મી ગાથાના દર્શન કરીએ.
