________________
२९
३०
३१
३२
३३
३४
३५
३६
'
हां रे चेला ! गुरु भक्ता सुविनीत, तिण रा पिण गुण जन गावै । म्हांरा शिष्य ! हां रे चेला ! ते पिण नहीं रे सुहाय, तिण कारण ओ कुमलावै । म्हांरा शिष्य ! हां रे चेला ! गण में रंगरत्तो नांय, गण रा पिण गुण जन गावै । म्हांरा शिष्य ! हां रे चेला ! ते पिण नहीं रे सुहाय, तिण कारण ओ सीदावै । म्हांरा शिष्य ! हां रे चेला ! अवनीत दुष्ट अजोग, तिण ने पिण जो विसरावै । म्हारा शिष्य ! हां रे चेला ! खांच लेवे आप मांय, तिण कारण ओ दुख पावे । म्हांरा शिष्य ! हां रे चेला ! दीक्षा दे सूंपणो आण, सुवनीत मर्यादा सैवै । म्हांरा शिष्य ! हां रे चेला ! इण रे पोते राखण री हाम, तिण कारण ओ दुख देवै । म्हांरा शिष्य ! हां रे चेला ! ए अवगुण तज दूर, सुवनीतां रो संग कीजै । म्हांरा शिष्य ! हां रे चेला ! बलि कद्दू शिक्षा सार, तन मन सूं ते धारीजै ॥ म्हांरा शिष्य ! हां रे चेला ! सम्यक्त्व चरण अमोल, जतने करनै राखीजै । म्हांरा शिष्य ! हां रे चेला ! च्यार तीर्थ में तोळ, सुर शिव पद सुख चाखीजै । म्हांरा शिष्य !
हां रे चेला ! करलो ही आय पड़े काम,
अनसन कर तन खंडीजै । म्हांरा शिष्य ! हां रे चेला ! स्वाम भिक्षु गणसार, सिवदाता नवि छंडीजै । म्हांरा शिष्य ! हां रे चेला ! नरक निगोद नां दुख, फारकती' इण सूं होवै । म्हांरा शिष्य ! हां रे चेळा ! एहवो ! भिक्षु गण जाण, गुणवंता तू मत खोवै । म्हांरा शिष्य !
१. छुटकारा ।
शिक्षा री चोपी : ढा० १४ : १०१
