________________
જિનપાસનાનું મહત્ત્વ ] શત-કેટિ કહીને સંતોષ માનવો પડે છે અને છેલ્લે આવે છે શ્રમણસંઘ, તે વિધિપૂર્વક વંદન કરીને તેમને પરમગુરુ તરીકે સ્વીકાર કરે છે અને પોતાનાં સમસ્ત જીવન તેમનાં ચરણે ધરે છે.”
અહીં એ પણ ખ્યાલમાં રાખવાની જરૂર છે કે ધર્મપ્રવર્તન સમયે શ્રી જિન ભગવંતને ખાસ ઉપાસક વર્ગ તૈયાર થાય છે, એટલે જ તેઓ ચતુર્વિધ સંઘની સ્થાપના કરે છે. વળી પ્રાચીનકાળથી થતો પંgવામિ-શબ્દનો પ્રયોગ પણ ઉપાસનાનું તત્ત્વ જૈન ધર્મમાં પ્રાચીનકાળથી હતું, એ સિદ્ધ કરે છે. ૪-વીતરાગની ઉપાસના શા માટે કરવી ?
કેટલાક કહે છે કે “જિન ભગવંત તો વીતરાગ અવસ્થાને પામેલા છે, તે ઉપાસના કરનાર પર પ્રસન્ન થતા નથી કે ન ઉપાસના કરનાર પ્રત્યે રોષ ધારણ કરતા નથી, તો તેમની ઉપાસના શા માટે કરવી ? એના કરતાં તે અન્ય કોઈ દેવ-દેવીઓની ઉપાસના કરીએ, તે તે તુષ્યમાન થાય અને મનગમતું વરદાન આપે.”
પરંતુ આ વચને અજ્ઞાનમૂલક છે. શ્રી જિન ભગવંત વીતરાગ અવસ્થાને પામેલા છે, એ વાત સાચી છે; અને તેઓ ઉપાસના કરનાર પર પસન્ન થતા નથી કે ન ઉપાસના કરનાર પ્રત્યે રોષ ધારણ કરતા નથી એ વાત પણ સાચી છે; પરંતુ તેમની ઉપાસના નિરર્થક નથી. તે મહાન લાભનું કારણ છે, તેથી જ ગણુધરાદિક સંયમી મહાપુરુષોએ
