________________
પૂજનની આવશ્યક્તા ].
૨૦ * જિનેશ્વરની શ્રેષ્ઠ પૂજા વડે, ધર્મશ્રવણ વડે, સુગુરુની સેવા કરવા વડે અને શાસનની પ્રભાવના થાય તેવાં કાર્યો કરવા વડે મનુષ્ય પોતાના જન્મને સફળ
આ વચનો સારભૂત છે, અનેક શાસ્ત્રો અને દીર્ઘ અનુભવના નિચોડરૂપ છે. તેમાં મનુષ્ય-જીવનને સફળ કરવાના મુખ્ય ચાર ઉપાય બતાવ્યા છે. આ ઉપામાં પ્રથમ અને મુખ્ય ઉપાય શ્રી જિનેશ્વરદેવની શ્રેષ્ઠ પૂજા છે. શ્રેષ્ઠ એટલે વિવિધ પ્રકારના ઉપચારથી યુક્ત, ભાવની વિશુદ્ધિથી યુક્ત.
જ્યાં શ્રી જિનેશ્વરદેવની પૂજા અપૂર્વ ભક્તિ-ભાલાસથી થવા લાગી કે તેમણે કહેલા ધર્મને શ્રવણ કરવાની ઈચ્છા અવશ્ય જાગૃત થવાની . અને તે માટે સુગુરુ પાસે પહોંચવાની તાલાવેલી પણ અવશ્ય જાગવાની. જ્યાં આવી તાલાવેલી લાગી અને ગુરુમુખેથી ધર્મ સાંભળ્યો કે શાસનની પ્રભાવના થાય તેવાં કાર્યો કરવાની વૃત્તિ પણ અવશ્ય જોર પકડવાની. સંપ્રતિ, ખારવેલ, આમ, કુમારપાળ વગેરે રાજાઓએ તથા વિમળશાહ, વસ્તુપાળ-તેજપાળ, ધરણશાહ, જગડૂશાહ, પેથડશાહ વગેરે ગૃહસ્થોએ શાસનપ્રભાવનાનાં જે કામ કર્યા, તે સદ્ગુરુની પ્રેરણાનું જ પરિણામ હતું. જે તેમને સદ્ગુરુ સાંપડયા ન હોત અને તેમના મુખેથી તેમણે ધર્મ શ્રવણ કર્યો ન હોત તો આમાંનું કંઈ પણ બનત કે કેમ? એ વિચારણીય છે. તાત્પર્ય કે જીવન સફળ કરનારી મુખ્ય વસ્તુઓમાં જિનપૂજન પ્રાધાન્ય
