Abhidhan Rajendra Kosh Part 01

Author(s): Vijayrajendrasuri
Publisher: Rajendrasuri Shatabdi Shodh Samsthan

Page 277

अंतरदीव 93 - अभिधानराजेन्द्रः - भाग 1 अंतरदीव के वतिकालस्स आहारट्टे समुप्पज्जइ ? गोयमा ! चउत्थभत्तस्स आहारट्टे समुप्पज्जइ। ते णं भंते ! मणुया किमाहारंति ? गोयमा ! पुढवीपुप्फफलाहारा ते मणुयगणा पन्नत्ता समणाउसो ! तीसे णं भंते ! पुढवीए केरिसए अस्साए पन्नत्ते ? गोयमा ! से जहानामए गुलेइवाखंडेइ वा सक्कराइवा मच्छंडियाइ वा भिसकंदेइ वा पप्पडमोततेति वा पुप्पत्तराइ वा पउमुत्तराइ वा अकोसियाति वा विजतातिवा महाविजयाति वा पायसोवमाइ वा उवमाइ वा अण्णोवमाइ वा चउरक्के गोखीरे चउहाणे परिणए गुडखंडमच्छंडिउवणीए मंदग्गिकढिए वण्णेणं उववेए जाव फासेणं भवे एता- रूवे सिता? नो इणडे समटे / तीसे णं पुढवीए एत्तो इट्ठपराए चेव जाव मणामतराए चेव। आसाएणं। भंते! पुप्फफलाणं केरिसए आसाए पण्णते ? गोयमा ! से जहानामए रन्नो चाउरंतचक्क वहिस्स कल्लाणपवरभोयणे सयसहस्सनिप्फन्ने वन्नेणं उववेए गंधेणं उववेए रसेणं उवदेए फासेणं उवदेए आसायणिज्जे वीसायणिज्जे दीवणिजे दप्पणिज्जे वीहिणिजे मयणिजे सटिवदियगायपल्हायणिज्जे भवेतारूवे सिया? नो इणढे समटे / तेसि / णं पुप्फफलाणं इत्तो इतराणं चेव जाव अस्साएणं पन्नत्ते। तेणं भंते ! मणुया तमाहारेत्ता कहिं वसहिं उर्वे ति? गोयमा ! रुक्खगेहालयाणं ते मणुयगणा पन्नत्ता समणाउसो !! ते णं भंते ! रुक्खा किं संठिया पण्णत्ता? गोयमा! कूडागारसंठिया पच्छाधर संठिया छत्ता- गारसंठिया झयसंठिया थूभसंठिया तोरणसंठिया गोपुरसंठिया पालगसंठिया अट्टालगसंठिया पासायसंठिया हम्मितलसंठिया गवक्खसंठिया वालग्गपातियसंठिया वलभीसंठिया अण्णे तत्थ बहवे वरभवणसयणा-सणविसिट्ठसंठाणसंठिया सुभसीतलछाया णं ते दुमगणा पन्नत्ता समणाउसो ! अस्थि णं भंते ! एगुरुयदीवेणं दीवे गेहाणि वा गेहावयणाणि वा ? णो इणढे समटे / रुक्खगेहालया णं मणुयगणा पन्नत्ता समणाउसो ! / अत्थि णं भंते ! एगुरुयदीवेणं दीवे गामाइ वा नगराइ वा जाव सन्निवेसाइ वा ? णो इणढे समटे / जहत्थियकामगामिणो णं ते मणुयगणा पन्नत्ता समणाउसो! अत्थि णं भंते ! एगुरुयदीवे णं दीवे असीइ वा मसीइ वा किसीति वा विवणीइ वा पणीइवा वाणिज्जाइ वा ? नो इणढे समढे / ववगय असिमसि किसीविवणिपणियवाणिज्जवजा णं ते मणुयगणा पन्नत्ता समणाउसो ! अस्थि णं भंते ! एगुरुयदीवे णं दीवे हिरण्णेइ वा सुवन्नेइ वा कंसेइ वा दूसेइ वा मणीइ वा मुत्तिएइ वा विपुलधणकणगरयणमणिमोत्तिय संखसिलप्पवालसंतसारसावयजे वा? हंता ! अत्थि, णो चेवणं तेसिं मणुयाणं तिव्वे ममत्तिभावे समुप्पज्जइ। अत्थि णं भंते ! एगुरुयदीवेणं दीवे रायाइ वा जुवरायाइ वा ईसरेइ वा तलवरेइ वा माडंबिएइ वा कोडुबिएइ वा इन्भेइ वा सेट्ठिएइ वा सेणावई वा सत्थवाहेइ वा ? नो इणढे समढे ववगयइड्डिसकाराए णं ते मणुयगणा पन्नत्ता समणाउसो ? अत्थि णं भंते ! एगुरुयदीवे णं दीवे दासाइ वा पेसाइ वा सिस्साइ वा भयग ति वा भाइल्लगाइ वा कम्मगाराइ वा भोगपुरिसाइ वा ? नो इणट्टे समढे / ववगयआभोगिया णं ते मणुयगणा पन्नत्ता समणाउसो ? अत्थि णं भंते ! एगुरुयदीवेणं दीवे माताति वा पियाइ वा मायाइ वा भयणीइ वा भञ्जा वा पुत्ताइ वा धूयाइ वा सुण्हाइ वा ? हंता ! अत्थि,नो चेव णं तेसिणं मणुयाणं तिव्वे पेम्मबंधणे समुप्पज्जइ। पयणुपेम्मबंधणा णं ते मणुयगणा पन्नत्ता समणाउसो ! अत्थिणं भंते ! एगुरुयदीवे णं दीवे अरीइ वा वेरिइ वा घायगाइ वा वहगाइ वा पडणीयाइ वा पचामित्ताइ वा ? णो इणढे समढे ववगयवेराणुबंधा णं ते मणुयगणा पन्नत्ता समणाउसो ! अस्थि णं भंते ! एगुरुयदीवेणं दीवे मित्ताइ वा वयंसाइ वा घडियाति वा सुहीति वा सुहीयाइ वा महाभागाति वा संगतियाति वा ? नो इणढे समढे / ववगयपेमाणुरागा णं ते मणुयगणा पण्णत्ता समणाउसो ! अत्थि णं भंते ! एगुरुयदीवे णं दीवे आवाहाइ वा विवाहाइवा जन्नाइ वा सड्ढाइ वा थालिपागाइ वा चोलोवणतणाइ वा सीमंतोवणतणाइ वा पितिपिंडनिवेयणाइ वा ? नो इणढे समटे / ववगयआवाहविवाहजन्नसद्धथालिपागचोलोवणसीमंतोवणतणपितिपिंडनिवेदणा णं ते मणुयगणा पण्णत्ता समणाउसो ! अत्थि णं भंते ! एगुरुयदीवे णं दीवे इंदमहाइ वा रुद्दमहाइ वा खंदमहाइ वा सिवमहाति वा वेसमणमहाति वा मुगुंदमहाति वा नागमहाइ वा जक्खमहाइ वा भूतमहाइ वा कूवमहाइ वा तलागमहाइ वा नंदिमहाइ वा इंदमहाइ वा पव्वयमहाति वा रुक्खमहाइवा चेतियमहाइवाथूभमहाइवा ? णो इणढे समढे / ववगयमहातिया णं ते मणुयगणा पन्नत्ता समणाउसो ! अत्थि णं भंते ! एगुरुयदीवे णं दीवे नडपिच्छाइ वा णट्टपेच्छाति वा मल्लपेच्छाति वा मुट्ठियपेच्छाति वा विडम्बगपेच्छाति वा कहकपेच्छाति वा पवगपेच्छाति वा अक्खवाइगपेच्छाति वा लासगपेच्छाति वा लंखपेच्छाति वा मंखपेच्छाति वा तणइल्लपेच्छाति वा तुंबवीणपेच्छा ति वा कीवपेच्छाति वा मागहपेच्छाति वा जल्लपेच्छाइ वा कहयापेच्छाइ वा? णो इणटे समठेववगयकोऊहल्ला णं ते मणुयगणा पन्नत्ता समणाउसो!