________________
છે અને અજ્ઞાન જનતા તેવા પાપીઓને પરોપકારી માનીને આવકાર પણ આપે છે.
તીર્થયાત્રા માટે પણ સંયમયાત્રાને સીધાવાય નહિ સંયમ ઉપર દેવતા મૂકીને પરોપકાર કરવાની વાતો કરનારા, પરોપકાર શબ્દની ઠેકડી કરનારા છે. આજના વાતાવરણમાં આ વસ્તુ સમજાવી મુક્ત છે. લઘુકર્મી આત્માઓ જ આ વસ્તુના હાર્દને પીછાવી શકે તેમ છે, અને હૃદયમાં જચાવી શકે તેમ છે. સંયમના આચારોનું વિધાન કરનારા જ્ઞાનીઓમાં, ઉપકાર બુદ્ધિની કમીના ન હતી; છતાં તે તારકોએ ફરમાવ્યું કે જે ક્ષેત્રમાં સંયમનિર્વાહ થઈ શકે તેમ હોય ત્યાં જ વિચરવું અને સંયમના ભોગે પરોપકાર કરવા નીકળવું નહિ. તીર્થયાત્રા માટે પણ સાધુઓને શું ફરમાવ્યું છે તે તમને ખબર છે? સાધુ માટે સંયમનું પાલન એ જ મોટામાં મોટી યાત્રા છે. સાધુઓ તીર્થયાત્રા ન કરે એમ નહિ, પણ તીર્થયાત્રા કરવાની લાલચમાં સંયમ યાત્રાને સીદવા દે નહિ ! વાત એ છે કે સુસાધુઓએ ગુજરાત કે કાઠીયાવાડ બહાર ન વિચરવું, એમ આપણે કહેતા નથી; શક્તિ-સામગ્રી મુજબ સુસાધુઓ બહાર પણ વિચર્યા છે અને વિચરેય છે પરંતુ કેટલાક કુસાધુઓ અથવા વેષધારીઓ સંયમયાત્રાને સીદાવીને સંયમપાલનની દરકાર ત્યજીને જે રીતે વિચાર્યા છે અને વિચારે છે, તે રીતે તો સુસાધુઓ વિચરે જ નહિ, એ સ્પષ્ટ વાત છે.
યોગ્યતા પરિચયે યોગ્યને લાભ થાય સભા : “અતિપરિયા વવજ્ઞા" એ શું સાવ ખોટું છે ? અતિ પરિચયે અવજ્ઞા ન જ થાય ?
પૂજયશ્રી : ‘અતિ પરિચયથી અવજ્ઞા થાય' એ વાત સાવ ખોટી છે એમ નથી અને કહેવાય પણ નહિ. વાત એ છે કે સર્વત્ર અતિ પરિચયથી અવજ્ઞા જન્મે, એવું માની શકાય નહિ. અવજ્ઞા જન્મે ત્યાં યોગ્યતાની ખામી જરૂર હોય. યોગ્ય સાથેનો યોગ્યનો પરિચય તો જેમ જેમ વધતો જાય, તેમ તેમ તે પરિચય અવજ્ઞા ન જન્માવે; પણ સેવ્ય અવીતરાગ હોય તોયે તેમનામાં વત્સલતા વધારનાર બને, તેમજ અવીતરાગ એવા સેવકમાં પણ ભક્તિભાવના વધારનારા બને.
અયોધ્યાની યાદ, શણગાર અને પ્રવેશ
