________________
ખોટા પ્રચારનું પરિણામ છે. ખાસ ધર્મવિરોધી ગણાય તેવા થોડા છે, તે પણ તે સફાઈથી અજ્ઞાતવર્ગને મૂંઝવે છે. તમારું કામ એ કે અજ્ઞાતવર્ગનું અજ્ઞાન ટાળવું. એની સામે સાચી વાત રીતસર મૂકી દેવી. ધીરે ધીરે એને એમ થશે કે શું સાચું તેની તપાસ તો કરું! મોટો વર્ગ સત્યાસત્યની, ધર્માધર્મની તપાસ કરનારો બની જાય, એ જ તમારી જીત. એ જ તમારા પ્રચારની સફળતા સમજો.
સેવામાં કચાશ નહિ, વાત્સલ્યમાં ઉણપ નહિ શ્રી લક્ષ્મણજીમાં સાચો સેવકભાવ ખીલ્યો હતો, માટે જ આવો ઉત્તર આપી શક્યા. સેવકભાવ ન ખીલ્યો હોત તો આ ઉત્તર ન નીકળત; પણ મદ ચઢત, પોતાની પ્રશંસા કરવાનું મન થઈ જાત, પોતે કેવા પરાક્રમોથી શ્રી રામચંદ્રજી તથા શ્રીમતી સીતાજીને આંચ આવવા દીધા વિના યુદ્ધમાં વિજય મેળવ્યો એ વર્ણવત અને એવું એવું બોલત કે જે ગુણવાનનાં મોમાં છાજે નહિ. જ્યારે અહિ તો શ્રી લક્ષ્મણજી પોતે કરેલી અનુપમ સેવાને ભૂલી જાય છે અને એ વાત આગળ કરે છે કે ‘શ્રી રામચંદ્રજીએ પિતાની જેમ અને શ્રીમતી સીતાદેવીએ માતાની જેમ વનમાં મારું લાલનપાલન કર્યું છે. વનમાં પણ મને એમ નથી લાગવા દીધું કે અહીં મારા માતા-પિતા નથી. માતા અને પિતાના સાનિધ્યમાં જ હું વસતો હોઉં અને મને કોઈપણ પ્રકારની ચિત્તા ન હોય, એવી રીતિએ આર્ય શ્રી રામચંદ્રજી અને આર્યા સીતાજી મારી સાથે વર્યા છે શ્રી લક્ષ્મણજીની આ વાત પણ ખોટી નથી કારણકે શ્રી લક્ષ્મણજીએ જેમ અખંડ સેવા કરવામાં કમીના રાખી નથી, તેમ શ્રી રામચંદ્રજીએ અને શ્રીમતી સીતાદેવીએ વાત્સલ્યભાવમાં લેશ પણ ઉણપ આવવા દીધી નથી. - શ્રીમતી સીતાદેવી દીયર પ્રત્યે કઈ રીતે વર્યા હશે ? કેટલું વાત્સલ્ય રાખ્યું હશે ? વાત્સલ્યથી ભરેલો વર્તાવ ન હોય, તો માતાની ગરજ સારી શકાય ? આજ તો મોટેભાગે ઘરમાં પગ માંડે કે દીયર ભારે પડે અને દીયર પણ ભાભીની સાથે તોછડાઈ બતાવે. ભાભીમાં વાત્સલ્ય નહિ અને દીયરમાં વિનય નહિ, એટલે ઘર મંડાતાની સાથે જ કજીયા શરૂ થઈ જાય. મોટાભાઈની વહુ તો માતા જેવી ગણાય અને ૭૧
સેવામાં કચાશ હું વાત્સલ્યમાં ઉણય હં...૪
)
